بقيت بفتش في علام عشان اكلمو دخلت كل الغرف ما لقيتو حتى ماف في الحمام طلعت الجنينة برة ماف معقولة علام خلانا برانا ومشى اتشجعت افتح باب الشارع عشان اشوف العربية قاعدة ولا ماف فتحتو لقيتو قاعد جنب باب الشارع وبسجر
"قلت ليهو بخلعة"_ علام انت بتسجر
"اتخلع لمن اتكلمت معاهو لانو كان سرحان سكت مسافة حتى ردا علي "_اي من فترة للتانية ما ثابت
_وتسجر لي اساسا ارمي الحاجة دي من يدك
_اسي انتي المطلعك الشارع شنو خشي جوة بكملها وبجي داخل
"كنت عايزة اشيلها منو عشان ارميها بس قال لي بنبرة حادة"_دا شنو العايزة تعملي دا اوعك تتصرفي كدا تاني
"عقدت حواجبي عاينت ليهو مسافة بزعل ودخلت خليتو ان شاء الله البرد ينفخو برة ما عندي بيهو شغلة كنت بنقنق وبتكلم مع نفسي لحدي ما وصلت غرفة يمة دخلت وقفلتها علي نمت اول ما رقدت في السرير من التعب
مهرة:مريم اصحي قومي اجهزي عشان نطلع
"قمت مخلوعة بصوت مهرة "_مهرة الساعة كم اتأخرنا صاح
_بسم الله ي مريم في زول بصحوهو بقوم كدا كانو ضربتو كهرباء ...لسى الزمن بدري صحيت وقلت اصحيك عشان ما تتأخرو
"عاينت ليها بإستغراب"_نتأخر وانتي ما معانا يعني
_مريم انا عندي مدرسة ومع الحصل امبارح ابوي ما قدر ياخد لي اذن ولا انتو ف ما بقدر اغيب الليلة عارفة المدرسة وقوانينها الصارمة ح نبقى في سين وجيم
_معليش ي مهرة اعذريني نسيت نهائيا انو انتي مداومة
_ما مشكلة بس ح ارجع البيت القاكم ماف اتصرف كيف
_ما ترجعي بالترحيل ح نجي نسوقك من المدرسة تمام
_طيب تمام
"مهرة طلعت وانا قمت ودخلت الحمام طلعت صليت ومشيت المطبخ عشان اجهز الشاي لقيت مرام عملتو
مرام: صباح الخير
_صباح النور كيف حاسة نفسك كويس
مرام: ماشي حالي سكتت مسافة وقالت لي جهزت الشاي بس علام للان ما صحى نعمل ليهو شنو
_كيف يعني ما صحى امشي صحيهو ي مرام
_ما بمشي انا امشي انتي ما ح اقدر اعاين ليهو بعد الحصل امبارح
"اتأففت ومشيت على الغرفة دقيت الباب كم مرة ما سمعت حسو دقيتو شديد حتى سمعت صوتو بعد مدة حتى فتح الباب وهو بتثأب
_صباح الخير
" إتأملتو لثواني شعرو المنكوش عيونو العسلية النعسانة الجرحة العلى جبينو قطع تأملي صوتو المبحوح وهو بقول "_مريم ما سمعتيني ولا شنو
