_انا مسافر ي مريم
"عاينت ليهو بخلعة"_ مسافر وين وكيف يعني مسافر
_ابوي اجازتو خلاص قربت تخلص وح يرجع ومرة دي ح اسافر معاهو
_طيب وعمتو محاسن ح تخلوها براها
_بعد نمشي انا وابوي ح نبدا ليها في اجراءات الاقامة بتاعتها والفترة دي ح تقعد معاكم
_علام انت بتهظر صاح مستحيل تكون جادي
_جادي كل الجدية ي مريم معقولة اهظر معاك في موضوع زي دا
_كيف قدرت تتخذ خطوة زي دي ي علام كيف فكرت انك تمشي انا ح ..."سكتَ وما قدرت اواصل باقي كلامي "
_مالك سكتي انتي شنو تمي باقي كلامك
_ماف حاجة ان شاء الله ربنا يسهل ليك دربك ويوفقك ومشيت منو
"طلعت الغرفة فوق لانو ما ح اقدر اتكلم مع اي زول قعدت في السرير كل ما اتذكر انو مسافر قلبي بوجعني وبزيد في البكاء زيادة يعني تاني ما ح اشوف علام طيب ح الجأ لمنو الح يقيف معاي منو انا ح اعيش كيف من غير ما احس بوجودو حوليني رغم الخلاف البينا بس انا بكون متأكدة اول ما احتاج ليهو بلقاهو اول زول بكون جنبي باب الغرفة دق مسحت دموعي سريع وقلت اتفضل مناسك فتحت الباب دخلت وقفلتو وراها "
_انا شفتك لمن طلعتي فوق وبتبكي وبعديها بفترة شفت علام وهو داخل الصالة عرفتك بتبكي عشان علام مسافر صاح "اتلفت عليها"_ما عرفت من علام ما تخافي سمعت خالتو محاسن وهي بتكلم في امي
_طيب انتي جيتي لاحقاني لشنو
_مريم اول ما خالو عبدالرحمن رفض مزمل انا شفت الندم في عيون امي شفت الخوف في نظراتها حالتها بقت ما بتتفسر طول اليوم سرحانة وبتفكر سألتها كم مرة بس ما كانت بتجاوبني لحدي ما في مرة نادتني وقالت لي انا ح اقول ليك نصيحة ي مناسك تسمعيها مني عشان ما تندمي لقدام لانو انتي اكتر وحدة طبعك بشبهني عشان كدا انا خايفة عليك قالت لي ما تخلي الانانية تقودك حتى لو ما خسرتي في وقتها ح يجي الوقت التندمي فيهو على كل خطوة غلط انتي ارتكبتيها وحق الناس ما بضيع ساي الزمن بمشي وبجي وحقهم برجع ما تبقي زي ي بتي انا كنت بعمل الانا عايزاهو وما خاتة اعتبار لاي زول وربنا اسي بعاقبني في ولدي ي ريت لو كان فيني انا والله ما كان اعترضت بس الواجعني انو ما ليهو ذنب قلت ليها انتي عملتي شنو ي امي وربنا بعاقبك عشان شنو بس امي رفضت تكلمني وقالت لي بس ما تنسي كلامي دا ...بعد مشت مني قعدت مع نفسي وفكرت في كل حرف قالتو امي ورجعت بذاكرتي لكل الانا عملتو اسي انا جيت عشان اقول ليك الحقيقة ي مريم انا وعلام ماف حاجة بينا بعد هددت مهرة علام اتصل على وقال لي عايز اشوفك كلمني بالمكان الح نتلاقى فيهو مشيت لقيتو قاعد منتظرني بعد سلم على قال ح تفضلي تتصرفي تصرفات طايشة لمتين ما عايزة تكبري انتي تصرفاتك مع مريم انا ما بسألك منها لانو هي بتعرف تتصرف بس مهرة ي مناسك هنا انتي اتخطيتي حدودك والله ي مناسك ما تخلي البتعملي فيهو دا انا ح اقعد مع مزمل واحكي ليهو الحصل كلو من البداية للنهاية طريقة كلامو خوفتني وعرفت انو المرة دي بعملها وانو لازم اتراجع بقيت ببكي ليهو وقلت ليهو انا اسفة كل العملتو عشانك انت بس انا عرفت غلطي وتاني ما ح اتصرف غلط بوعدك علام سكت مسافة وقال لي كل الناس بتغلط ومدام عرفتي غلطك حاولي صلحي مع كلامو دا قلت خلاص لقيت لي مدخل عشان اقدر اتقرب بيهو منو قلت ليهو انت كمان سامحني على غلطي معاك قال لي ما مشكلة حصل خير بعد رجعت البيت بقيت بتقصد انو ارسل ليهو ولو حصلت لي مشكلة في الجامعة بستشيرو وقلت ليهو انو ممكن نبقى اصدقاء حبة حبة الامور بينا بدت تتصلح وحتى تعاملو معاي اختلف ولمن جيتونا في البيت وبعدها حصلت المشكلة بينا وامي طردتكم انا الرسلت لعلام عشان يجي المطبخ واتعذرت بالشاي يجي يشيلو دايما انا الكنت بتقرب منو بس ولا مرة هو فكر يتصل على اي تعاملو معاي اتغير بس ما عشان بحبني عشان انا بت خالتو وزي ما قلت ليك بقينا اصدقاء وقبل عملية يمة انا اتشجعت وقلت ح اعترف ليهو بس صداني وقال لي انو عمرو ما فكر فيني بالطريقة دي هنا انا قررت انسحب من حياتو وربنا ح يعوضني وح القى البستاهلني وكلام امي بقى لي دافع عشان اصلح من حالي ي مريم واول حاجة انا عايزة اعملها انو اطلب منك السماح اي عارفة صعبة بس حاولي وانا اسفة على كل غلط انا غلطتو معاكم وعلى معاملتي السيئة ليكم نزلت راسها وبقت تمسح في دموعها
