_مريم انا اسفة والله ما كنت متخيلة انو ممكن يعمل كدا ما كنت متوقعاهو انسان قذر للدرجة دي
_انتي بتتكلمي عن منو ي رغد انا ما فاهمة حاجة
"انا ح احكي ليك كل حاجة قلت ليهو اها قولي... رغد بدت تحكي لي وقالت :من كنا برالمة ي مريم وانا مؤيد عاجبني وخاتة عيني عليهو وكنت متمنية ولو مرة وحدة يعاين لي لاكن هو حتى كلام ما كان بتكلم معاي وكنت خجلانة اكلمك لانو اصلا ما مديني وش بس كنت ملاحظة ليهو ولنظراتو ليك الكان واضح منها انو انتي عاجباهو لمن قلتي لي جاب ليك عصير النار ولعت جواي وما قدرت اتحكم في نفسي كنت بقول انحنا مختلفين في شنو وانتي احسن مني في شنو عشان يحبك انتي رغم محاولاتي الكتيرة معاهو بس ولا وحدة نفعت ولا وحدة كانت مفيدة بالنسبة لي "رغد كانت بتبكي وتحكي لي وكل فترة تسكت مسافة تمسح دموعها حتى تواصل كلام كنت بعاين ليها بصدمة دي صحبتي البتتكلم دي ياها صديقة عمري المن وعيت هي معاي ما كان عندي ولا صحبة غير رغد كنت مكتفية بيها وهي عملت شنو طعنتني في ظهري" مريم سامعاني انتي قلت ليها اي سامعاك واصلي الحصل شنو بعد داك قالت لي لمن حسيت انو عايز يرتبط بيك استغليت الفرصة دي عشان اقدر اتكلم معاهو في يوم لقيتو قاعد براهو مشيت سلمت عليهو وقعدت قصادو قلت ليهو انا عارفة انو مريم صحبتي عاجباك وما لاقي فرصة عشان تتقرب منها في البداية ارتبك وما اتجاوب معاي بالكلام بس انا قلت ليهو انو يتشجع ويظهر حبو ليك ولمن انتي تشوفي اهتمامو بيك اكيد ح تتنازلي قال لي بس انا اعمل شنو هي بتكرهني وما مدياني وش من الاساس قلت ليهو تعال اقعد جنبها او اتكلم معاها لمن تشوفها مضايقة اسألها الحاصل عليها حاول خليك قريب منها لمن اتكلمت مع مؤيد اتبسط عشان انا ح اساعدو وشال رقمي وبقى متواصل معاي انا عارفة انو الحركات الكان بعملها بتضايقك في اتقصدتَ اخلي يعملها عشان يقنع منك وانا احاول اتقرب منو لمن حسيت انو هو ما عايز يستسلم قلت ليهو انت مريم صحبتي دي العاجبك فيها شنو قال لي بعيدا عن الجمال مريم انسانة نضيفة وقلبها ابيض والحاجة العاجباني فيها اكتر ما عندها حاجة للشباب زولة دغرية وما بتقبل الغلط لو قلت ليك في حاجة ما عاجباني فيها اكون كذبت عليك كلها على بعضها بتتحب انا ما بناديها الاميرة عشان تنزعج بالعكس لانو بالجد هي اميرتي انا لو قدرت اصل ليها ح اكون اسعد انسان في العالم متمني اخليها دايما مبسوطة ما عارفة انا لمن شفتها بتبكي قلبي وجعني لياتو درجة ما قدرت اتحمل اشوف دموعها هنا انا اتأكدت اني بحبها رسلت ليهو وقلت ليهو بتحبها بتحبها كيف يعني؟؟ قالي لي بحبها عديل ي رغد انا طول اليوم ماف زول شاغل بالي غير مريم بجي الجامعة بس عشان اشوفها ... بعد قال لي كلامو دا انا حسيت اني خسرت وقررت اني اتراجع بس "رغد سكتت وما اتكلمت تاني"
_رغد بس شنو مالك وقفتي بس شنو تمي باقي كلامك "مسحت دموعي"اتكلمي ي رغد
_بس مناسك شافتني يوم ببكي سألتني في شنو قمت حكيت ليها بالحصل مناسك شجعتني وقالت لي ما تستسلمي وخليك ورا العايزاهو وح تحصلي عليهو هدي شوفيني في النهاية وقعت علام وجاني يجري براهو بعد كلام مناسك معاي قررت اني ح اخرب نظرتو ليك واكسر ثقتو فيك بقيت بملى ليهو راسو بكلام كذب عنك انك اصلا بتاعت اولاد ومن البداية انا وانتي متفقين عشان نوقعو وقلت ليهو انتي عايزة تلعبي بيهو وعاملاهو زي التحدي وفي النهاية ح تكسري قلبو هو قال لي طيب انتي لي حكيت لي وخربتي مخطط مريم قلت ليهو عشان لقيتك انسان طيب وما قدرت اشوفها وهي بتكسر قلبك انت ما بتستاهل عشان كدا صارحتك كنت متوقعة انو ح يتراجع وخلاص نقفل القصة على كدا بس هو قرر انو ينتقم منك قال لي انا ح اعرف اأدبها هي البدت اللعبة وانا بتمها ليها انا خفت لمن قال لي كدا سألتو ح تعمل شنو قال لي ح تعرفي براك وشكرا ليك ي رغد معروفك دا طول عمري ما حانسى ليك...مريم انا ندمانة على كل حاجة الحب اعماني
