ငယ်ငယ်အိမ်မှာနားနေတာနှစ်ပတ်ရှိပြီ။ခြေထောက်လည်းပြန်ကောင်းနေပြီမို့ ဒီနေ့အပြင်ထွက်ချင်နေသည်။ပန်းချီဆွဲဖို့လိုအပ်တာတွေလည်းသွားဝယ်ရအုံးမည်။နောင်းညိုလည်းအားတာကြောင့် လိုက်ပို့ဖို့ပူဆာထားတာ။
"ကိုယ့်နားကနေ ဘယ်မှလျှောက်မသွားနဲ့နော်"
"အင်းပါ"
"လျှောက်လည်းမငေးနဲ့ ကြည့်ချင်တာရှိရင်ပြောလိုချင်တာရှိရင်လည်းပြော မနေ့ကမှ မမကမုန့်ဖိုးပေးထားတာ"
"ဟုတ်"
"ခြေထောက်ကတကယ်ကောသက်သာလို့လား လမ်းလျှောက်တော့ပြန်မနာဘူးလား"
"မနာပါဘူး လုံးဝသက်သာသွားပြီ "
"ဘာစားချင်တာရှိလဲ"
"စတော်ဘယ်ရီဖျော်ရည် သောက်ချင်တယ်"
"ဟုတ်ပြီပစ္စည်းတွေဝယ်ပြီးလို့ အောက်ပြန်ဆင်းရင်သွားသောက်ကြမယ်"
ပစ္စည်းတော်တော်များများဝယ်ပြီးတော့ အိမ်ကိုပဲပို့ခိုင်းလိုက်သည်။အများကြီးဆိုတော့ သယ်မသွားချင်တော့ဘူး။ကော်ဖီဆိုင်ဘက်သွားတော့ နောင်းညိုကောင်မလေးနှင့်တိုးသည်။
"အယ် Acacia (ထနောင်း)"
"ခြူး စျေးဝယ်ထွက်လာတာလား "
"ဟုတ်တယ် ဒါကလခြမ်းထင်တယ်"
သူ့ဘက်လှည့်ကာမေးလာသူကအပြုံးလှလှလေးနှင့်။
"ဟုတ်ကဲ့"
"အိစ်စ်ချစ်စရာလေးတော့ Acaciaပြောပြောနေလို့နံမည်ကရင်းနှီးနေတာ"
ပြောလည်းပြော အသည်းယားဟန်လက်သီးကို ဆုပ်လိုက်ဖြန့်လိုက်လုပ်နေတာမို့ရှက်သွားရသည်။
"နောင်းညိုစကားပြောမှာဆိုပြောအုံးလေ ငယ်ငယ်စတော်ဘယ်ရီဖျော်ရည်သွားဝယ်လိုက်မယ် နောင်းညိုကAmericanoသောက်မှာမလား "
"အွန်း"
"ဒီဘက်ကကော ဘာသောက်မလဲဟင်"
"တော်ပါပြီရှင် ခြူးကပြန်တော့မှာ"
"ဟုတ် စကားပြောနေခဲ့အုံးနော် "
ပြောရင်းဆိုင်ဘက်ထွက်လာလိုက်တော့ ဆိုင်ကလူရှင်းနေသည်။သူ့အတွက်အဆင်ပြေတာပေါ့ သူကလူရှူပ်ရင်မသွားရဲဘူး။
YOU ARE READING
OCEAN (သမုဒ္ဒရာပိုင်တဲ့လခြမ်းငယ်) (Complete)
Paranormalမင်းကိုပိုင်ဆိုင်ခွင့်နဲ့ပတ်သပ်လာရင် ကံကြမ္မာကိုတောင်စိန်ခေါ်ပစ်မယ်ငယ်ငယ် မင္းကိုပိုင္ဆိုင္ခြင့္နဲ႕ပတ္သပ္လာရင္ ကံၾကမၼာကိုေတာင္စိန္ေခၚပစ္မယ္ငယ္ငယ္
