OCEAN (သမုဒ္ဒရာပိုင်တဲ့လခြမ်းငယ်) (Complete)

အပိုင်း ၁၆

မီးလောင်နေတဲ့စံပယ်ခင်းကြား သူဟာကူကယ်ရာမဲ့။ပြာမှုန်တွေအဖြစ်လွင့်ပျံသွားတဲ့ထဲ သူ့မျက်ရည်တွေပါပျောက်ဆုံးကုန်သည်။

လန့်နိုးလာတော့နှလုံးခုန်နှုန်းတွေက အတိုင်းထက်အလွန်။အသက်ကိုပြင်းပြင်းရှူမိမှ ပုံမှန်အခြေနေကိုပြန်ရောက်သည်။

မနေ့ညကသူ့သူငယ်ချင်းရောက်လာတာမြင်မှ သူပြန်လာခဲ့တာ။Horizonကတော့ အခြေနေကိုရှင်းပြပြီး Mallမှာမတော်တဆတွေ့ခဲ့​ကြောင်းသာမုသားဆိုသည်။ထိုAlphaရဲ့မျက်ဝန်းတွေထဲ စိုးရိမ်မှုတွေအပြင်သူမသိတဲ့ အရောင်တစ်ချို့ရောလို့။ကိုယ်ကတော့သူတို့ကိုCCTV ကနေသာကြည့်ဖြစ်သည်။

ထိုVVIPအခန်းက သူတို့မိသားစုဝင်တွေအတွက် သီးသန့်ခန်း။အစစအရာရာပြည့်စုံသလို ကင်မရာတွေနှင့်အသံဖမ်းစက်တွေက နေရာအနှံ့။Geoကိုယ်တိုင်တပ်ဆင်ထားတာ။

အပြစ်ရှိစိတ်ကြောင့် ထိုအခန်းဆီခြေမချဖြစ်တော့။သတိလည်မလာသေးသူကတော့ ကုတင်ထက်မှာငြိမ်ငြိမ်သက်သက်။စိုင်းတိမ်ငွေ့က ဘေးကခုံမှာဝင်ထိုင်ရင်းလက်ကလေးကိုဆုပ်ကိုင်သည်။မျက်နှာလေးဆီလက်လှမ်းထိလိုက်ပုံကမရဲတရဲ နာကျင်စေမိမှာစိုးရိမ်နေဟန်။

ကားနောက်မှီကိုကျောမှီရင်း လက်ထဲက Macbookကိုပိတ်သည်။အိမ်ပြန်ရောက်တော့ ရေမိုးချိုးပြီးတန်းအိပ်ယာဝင်ပစ်သည်။ညနေစာမစားနိုင်တော့သလို အလုပ်လုပ်ချင်စိတ်လည်းမရှိတော့။ထင်ထားသည့်အတိုင်း အိပ်မက်ဆိုးက ဆီးကြိုတော့တာ။

အရင်လိုဒေါသမထွက်မိတာကသူ့အမှားဖြစ်နေလို့။အိပ်ယာမှထကာဝရံတာဆီခြေဦးလှည့်သည်။အကျင့်ပါနေကျအတိုင်းစီးကရက်ကိုခဲမိတော့ မီးခြစ်ခြစ်ဖို့အားအင်တွေမဲ့လို့။သက်ပြင်းချလို့အခန်းထဲပြန်ဝင်မိသည်။သောက်သူမဲ့တဲ့စီးကရက်လေးက အမှိုက်ပုံးထဲတိတ်ဆိတ်စွာစွန့်ပစ်ခံလိုက်ရသည်။

အလုပ်ထဲရောက်သည်အထိ စိတ်ကကြည်လင်မနေ။နားထဲတပ်ထားတဲ့နားကြပ်ဆီကအသံတစ်ချို့ကြားမိမှ ဆေးရုံကအခြေနေကိုဖော်ပြနေတဲ့Screenဆီအကြည့်ပို့မိသည်။သတိရလာသူက ဘေးကသူငယ်ချင်းနှစ်ယောက်ကိုတွေ့တော့တန်းငိုတော့တာ။တစ်ညလုံးသွင်းထားတဲ့ဆေးတွေကြောင့် အနီပိန့်တွေပျောက်ကာနေရတာသက်သာသွားဟန်။
စိုင်းတိမ်ငွေ့ရင်ခွင်ထဲတိုးဝင်ပြီး ကလေးတွေလိုငိုနေတာ။