ပင်လယ်လှိုင်းပြာပြာတွေရဲ့ကျောက်ဆောင်တွေကိုရိုက်ခတ်သံကြောင့် ပတ်ဝန်းကျင်ကအသက်ဝင်စွာ။ကမ်းစပ်တစ်လျှောက် အုန်းပင်တန်းတွေက ကျွန်းကိုပိုပြီးအသက်ဝင်စေသည်။
ကိုယ်ပိုင်လေယာဥ်ကွင်းနှင့်မို့ အပို့အကြိုအခက်ခဲမရှိ။သိပ်မနည်းလှတဲ့လူစုက အယောက်၅၀၀နီးပါး။တော်သေးသည် လူနည်းစုသာဖိတ်ထားသည်ဆို၍။
Heat ကာလဖြတ်သန်းထား၍ ပင်ပန်းနေမည့်ငယ်ငယ်ကြောင့် ကြီးကြီးကျယ်ကျယ်မလုပ်ဖြစ်ဟုတော့ပြောသည်။သို့သော် သိပ်တော့မျှော်လင့်မထား။
လူနည်းစုသာဖိတ်ထားသည်ဆိုကာ လူ၅၀၀နီးပါးဖြစ်သွားတာကိုသာကြည့်။လုံးချင်းဘန်ဂလိုတွေကအစီအရီမို့ နေစရာစိတ်ပူနေစရာမလို။ပိုင်ဆိုင်မှုကကြီးမားလွန်း၍ ပြောစရာစကားပင်ပျောက်သည်။
"ဒါကကိုယ့်ပိုင်ဆိုင်မှုထဲကအနည်းငယ်သောပမာဏလေးတင်ပါ ဒီလိုကျွန်းတွေဆယ်ခုမကရှိသေးတယ် ပြည်တွင်းရောပြည်ပရောမို့ ဟန်းနီးမွန်းအတွက်စိတ်ပူနေစရာမလိုဘူး သဘောကျတဲ့နေရာကိုသာပြော"
တရားမဝင်အလုပ်တွေရှိမှန်းသိနေတာမို့ သူ့အပြောကိုသံသယမဝင်မိ။မပူမပင်နေရရင်တော်ပြီပေါ့။ဘာကြောင့်များယခုလို စည်းစိမ်တွေအာဏာတွေမက်နေကြသလဲသူမတွေးတတ်။
"............"
"ဒါမှမဟုတ် ကိုယ့်ပိုင်ဆိုင်မှုထဲကမဟုတ်လည်း သဘောကျတဲ့နေရာရှိရင်ပြောလိုက်
ကိုယ်ဝယ်ပေးမယ်"
"မရှိ... မရှိပါဘူး"
"ရှိလာရင်ပြောရမယ်နော် ငယ့်အိမ်ထောင်ဦးစီးက ငယ်လိုချင်ရင်တစ်နိုင်ငံလုံးကိုတောင်ဝယ်ပေးနိုင်တဲ့အထိ ပါဝါရှိပါတယ်"
နောက်ကျောဘက်မှခါးကိုသိမ်းဖက်ထားပြီး လည်ပင်းကိုဖွဖွနမ်းကာပြောလာသည့်စကားက မုသားမဟုတ်တာသူသိပါသည်။
ညကစောစောအိပ်ထားတာမို့ အိပ်ရေးဝနေတာကြောင့် မနက်စောနိုးနေလေသည်။သူအိပ်ယာကထတာနှင့်လိုက်ထသူက သူရင်ခွင်ထဲမရှိလျှင်မအိပ်တတ်လို့ပါတဲ့။အပိုပြောနေတာဟုဆိုချင်ပေမယ့် တစ်ရေးနိုးရေထသောက်ရင်တောင်နိုးလာတတ်တာမို့ လက်ခံပေးထားရသည်။
YOU ARE READING
OCEAN (သမုဒ္ဒရာပိုင်တဲ့လခြမ်းငယ်) (Complete)
Paranormalမင်းကိုပိုင်ဆိုင်ခွင့်နဲ့ပတ်သပ်လာရင် ကံကြမ္မာကိုတောင်စိန်ခေါ်ပစ်မယ်ငယ်ငယ် မင္းကိုပိုင္ဆိုင္ခြင့္နဲ႕ပတ္သပ္လာရင္ ကံၾကမၼာကိုေတာင္စိန္ေခၚပစ္မယ္ငယ္ငယ္
