فتحت عيونها بهدوء سحبت جوالها تشوف الساعه مسحت على وجهها بهدوء وهي تشوف الساعه نامت طول هالوقت بيأذن العصر وهي توها تصحى وقفت وغسلت وجهها وتوضت صلت الي فاتها ونزلت بسرعه لتحت تدور على خالها وشافت البنات متجمعات وكل وحده على جوالها عقدت حواجبها باستغراب لمن ماشافته بينهم واردفت
لمى:وين خالي تركي
ريم:وينه يعني قشعه خالك علوان
عقدت حواجبها من نبرتها بالكلام ولفت على العنود:شفيها هذي
العنود:خالي تركي مواعدها يطلعها اليوم وخذاه خالي علوان
بلعت ريقها:ليه شعندهم غريبه مو من عادات خالي علوان ياخذ تركي معه
ريم:لانه بيطلعنا ماتعرفين خالي علوان الا يعوفنا الطلعه واقف لنا هنا هنا
التفتت لها وكانت تأشر على البلعوم كتمت ضحكتها من وجهها المتجهم ورجعت التفتت للعنود:ماعليك منها عندهم شغل يقول
هزت رأسها بهدوء وجلست بجانب اسراء واردفت :اسراء صبي لي شاهي
التفتت تسولف مع البنات واستغربت انها ماجابت لها الشاهي التفتت لها وكانت حاطه سماعات ضربتها بهدوء رمت سماعاتها وانعفست ملامح وجهها وهي تناظر فيها بقهر:ايه وجعه لمى وش تبين
لمى:وجعه توجعك انبح صوتي وانا يا اسراء صبي لي شاهي
رفعت حواجبها :اصب لك ليه مدي يدك وصبي لروحك ناشبه لي عشان اصب له شاهي
اتسعت عيونها بصدمه وقرصتها بقوه:لسانك طولان ماشاءالله ماتستحين تكلمين الي اكبر منك كذا ياقليلة الادب
صرخت بألم وضربت لمى بالمخده وهربت بسرعه بينما كانت لمى مصدومه منها والتفتت تناظر ريم والعنود الي ماكانت صدمتهم اقل منها وثواني بس وانفجروا ضحك ارتفعت اصوات ضحكهم وعم الصمت لمن دخل خالهم حاكم وهو يهاوش
حاكم:وقص عندنا رجال واصواتكن عاليه قصرن حسكن فضحتننا
تجهم وجهها وانا اشوفه :تقنعني اصواتنا وصلت المجلس الي بعد جدي وش عندك جاي تغثنا
فزت وحطن المخده فاصل بينها وبينه لمن قرب لها بسرعه واردفت بهلع
لمى:يمه يمه امزح معك شفيك تاخذ الامور بجديه
قرصها بقوه وصرخت بوجع وكان نفسها تسب بس سكتت عشان مايكسر عظامها بعد معروف بشخصيته ودفاشته شلون ردت عليه ماتدري ناظرته بقهر وسأل
حاكم:وين امي والبنات اشوف مافي احد
اسراء من خلفه:امي راحت مع جدتي عندها موعد وخالي علوان خذا تركي عندهم شغل وخوالي الباقين راحو الشركه و
قاطعها :بس بس سألت سؤال واحد حشى مو بنت راديوا
جلست اسراء بجانب لمى وبيدها مناكير تحط على اظافرها واردفت
اسراء :قديمه خالي تطور شوي تراك مو شايب توك بريعان شبابك
كتمت ضحكتها لمى وهي تناظر ملامح وجهه الي تحولت واردفت
ريم:يويلي اسراء هجي هجي
رفعت راسها وشهقت واردفت بصدمه:خالي بسم الله مسكون انت
جاء بيضربها بس مدت يدها:خالي تكفى لا شوهتوني بنت اختك قبل خلاص ...
ناظرها وتراجع :خلاص رحمتك
جت بتتكلم واردفت
لمى :خلاص سديه انتي تبين يفرك وجهك بالارض
شمقت لها اسراء وسحبت عليها لمى لمن شافت خالها علوان يدخل معصب وخلفه تركي المتوتر بلعت ريقها لمن قرب لها واردف بحده
علوان:وين امك انتي
نبض قلبها بخوف وهزت رأسها:طالعه مع خالتي سمر
علوان :ايه هذا الي فالحه فيه الدوجه وباليتنا برجله الداج هذا فضحنا عند الله وخلقه
بلعت غصتها بقوه والتفت تناظر البنات الي قلبت وجيههم بسبب كلام خالهم علوان الكل يعرف بطبيعة العلاقه بينها وبين ابوها ماقدرت تسكت لحد الحين مضطرين يتحملون اغلاطه
لمى:ماحنى مسؤولين على اغلاطه وامي مالها شغل فيه وانتم ادرى كم مره طلبت الطلاق ورفض امي مو مضطره تتحمل اغلاط شخص ثاني
علوان بحده:الشخص هذا ابوك ورجله
صرخت عليه بقهر:مو ابوي
عضت على شفايفها بقوه ومشت بسرعه من عندهم ،لفت ريم على خالها لمن راحت لمى كسرت قلبها شافت خالها يمسح على وجهه ورفع راسه لها لمن اردفت
ريم:ماكان له داعي خالي تجيب طاري ابوه انت تدري انهم ما يحبون يسمعون طاريه
لفت بانزعاج لمن قصرتها العنود عشان تسكتها وهمست:اسكتي مو وقته مو تشوفينه معصب
ريم:واذا يحط حرته فيها هي شدخلها بافعال ابوها
فزوا على ضربه خالهم حاكم لهم بالعصا رغم انها ماكانت توجع الا انه فاجئهم
حاكم :قومن عن وجهي يالله ادخلن ورا بنت خالتكن
ابتسمت وغمزت له مايبي يقول تطمنوا عليها يتظاهر بالقسوه واردفت
ريم:ياحنون انت
هربت بسرعه لمن شافته يرفع العصا مره ثانيه وركضت لفوق وقفت قدام غرفة لمى وجت بتدق الباب بس مسك يدها تركي واردف
تركي:خليها تلقينها متضايقه الحين ماتبي احد يدخل عندها
ريم تنهدت وهزت رأسها مشت معه واردفت
ريم:وش صاير بالضبط
تركي تنهد:واصله علم عن سالفة زايد ورايح صاب هالعلم بأذن عبد العزيز
قطبت حواجبها باستغراب:عبدالعزيز وشو
ثواني وشهقت عبدالعزيز اردفت وهي تتمنى انه مايكون الي ببالها:عبدالعزيز حفيد محسن
هز رأسه تركي بأسى وقهر واردفت:وش سوا
تركي:عيال محسن يدورون الزله حفيدهم كتم العلم بس عمامه تلو زايد من اذنه للمخافر وعلوان توه يدري ان زايد مسجون صار له يومين
انصدمت لان الكل متوقع ان زايد رايح يسمر بالبر كعادته او مع اخوياه بالبحر بس بالسجن هذا احتمال محد كان متوقعه،دخلت غرفتها وقفلتها بالمفتاح ماتبي تواجه احد ماتوقعت بيوم ممكن تتحمل اخطاء احد غيرها ماكان ذنبها انه هالشخص ابوها الذنب ذنبه شخص مدمن مايصلي...
