وشدت على يدها سمعت المحادثه من البدايه حست بالذنب وتأنيب الضمير هي السبب لو مافتشت كان ماصار الي صار خربت علاقة عمر بأخته والسبب هي رفعت راسها وجت بتتكلم بس تعداها لفت له بسرعه ولحقته وقفت قدامه واردفت
ريم:عمر دقيقه
فز قلبه لمن سمع اسمه بصوتها نزل أنظاره لها واردفت وهي يدينها ببعض
ريم:أنا...انا اسفه ادري ان كل الي يصير بينك وبين لمى بسببي انا بس والله ذاك الوقت من لقافتي فتشت انا والله ندمانه وآسفه على الي صار
قاطع كلامها :اسفك وش بيفيد بترجعين علاقتي معها
هزت رأسها بسرعه:ايه وعد مني بصلح الأمور بينكم بس انت المفروض صارحتها أنا آسفه على الي بقوله بس لمى تكره ابوك من زمان ماراح تستغرب الشي الي سواه انت خليتها تعيش نفس الشعور مريت كان بيكون اهون عليها لو درت ان هالاشياء لابوك وانت مالك ذنب ماراح تحس بالخيبه تجاهك انا غلطانه بس بعد انت غلطان انك ماوضحت لها
كانت تتكلم معه بس هو ماكان منتبه لكلامها كثر ما انه مركز بوجهها ويحاول يحفظ كل تفاصليه باللحظه الي هي مندمجه بالشرح له رفعت راسها لمن لاحظت صمته وبلعت ريقها من نظراته واردفت
ريم:عمر سمعتني وش قلت
هز رأسه بالايجاب وناظرته بشكل جزء منها يقول انه كذاب وماكان منتبه على كلامها طال الصمت بينهم وهو واقفين بنفس المكان وتدارك الوضع عمر
عمر:ادخلي داخل الجو بارد اليوم لا تبردين وتمرضين
هو خايف عليها ولا هالجمله طلعت منه عادي ناظرت بعيونه :بتقول للمى
عمر:ان شاءالله انتي ادخلي داخل الحين
هزت رأسها واعطته ظهره ودخلت للداخل لكن استوقفت لمن مرت من عند المرايا لفت تناظر نفسها واحمر وجهها بخجل واتسعت عيونها
ريم:انا من اليوم واقفه اسولف كاشفه...
اسراء تركت:انجنيتي تسولفين مع نفسك
ريم لفت لها وعقدت حواجبها:على وين لابسه
اسراء:بنطلع تمشين معنا
ريم:تمزحين اكيد بروح بموت من الملل وانتي تسألين وش هالبرود
اسراء:طيب البسي بسرعه خالي تركي ينتظرنا
ريم:وخالي تركي بعد وش هالخيانه هين الحين اجي
ركضت لغرفتها بسرعه تلبس عبايتها...
حاسه بضيق بعد ما تمت خطبتها دايم هي الطرف المظلوم بكل علاقه منصور كان يبي فيّ وانظلمت هي واخذته الكل ياكل حقها بسبب ضعفها مو قادره تدافع عن نفسها تكره عمرها لهالسبب طلعت لبرا واتجهت للمكان الي دايم تحس فيه بالامان ورا البيت كانت مسويه لها جلسه محد يعرف عنها شي لان هالمكان من بيتهم مهجور محد يجلس فيه كل خواتها عندهم اشخاص قريبين منهم هي الوحيده الي ماقدرت تكون قريبه من اخوانها والسبب يرجع لضعف شخصيتها تحس الكل مو متقبلها
هي بطبيعتها خوافه جدا وضعيفه والكل يقدر يتمكن منها وللسبب ذا اختارها منصور عشان يقهر فيّ فيها نية منصور كانت اوضح من الشمس لها رغم ذلك ماقدرت تقول لا لابوها لانها حتى لو قالت بتنجبر على الموافقه الوقت كان نص الليل وهي الوحيده الصاحيه فزت بسرعه والتفتت وهي تسمع صوت وسرعان ماجمدت اطرافها ووجهها بصدمه كان منصور واقف امامها شلون عرف هالمكان ماتدري شافته قرب لها وجلس بجانبها ناظرته بعدم تصديق واردفت برجفه
رّبى:كيف
قطع كلامها:شفتك طالعه ولحقتك
تلفتت حولها ولاحظها:محد فيه وان كان محد بيقول شي جلستك معي ماهي حرام انتي حليله لي
تسارعت انفاسها ووقفت بسرعه :بروح
سحبت وشاحها الي طاح رفع راسها وهو يشوفها تمشي باستعجال وقف وسحبها مع عضدها ورجعها امامه وأردف
منصور: بس أنا ماسمحت لك تروحين
ناظرته بصدمه سحبته لها كانت قويه جدا لدرجه كانت بتطيح بلعت ريقها لمن اقترب منها وهو يرجع خصلات شعرها خلف أذنها وأردف
منصور:تطلعين باللبس هذا بكل مره
اتسعت عيونها وشدت على الوشاح الي كان طويل شوي
ابتسم بسخريه:وش تغطين بالضبط ووش تخلين
عيونها كل مالها تتسع من ردوده الوقحه معها غمضت عيونها بقوه تحاول تخفي رجفتها على الاقل قدامه تبي تتصنع القوه ماتبي تكون واضحه من البدايه
رُبى:ابعد عني
ماشافت اي استجابه ويدينه بدت تتمرد كثير دفته وتراجع للخلف اتزن بصعوبه وعلى وجهه ابتسامه سخريه مشت بسرعه وتعدته وهي تسارع خطواته شهقت بصدمه لمن حضنها من الخلف واردف
منصور:اش بنص الليل بتقعدين الناس
بلعت ريقها ماقدرت تلف عليه حست بالغصه واردفت برجفه وضحت بصوتها :اتركي
منصور ابتسم وهو يمسح خدها بيده:بتركك الحين بس لي لقاء ثاني معك لقاء ماتقدرين تهربين منه
فلتها ومشت بسرعه وكانت تتعثر بخطواتها التفتت للخلف وطاحت عيونه يعيونها ..
