كان زايد واقف برا بعد ما انتهى العرس ينتظرهم وبيده دخانه يدخن مرتكي على السياره وجه انظاره للباب ينتظر وحده منهم تطلع لكنه شرق بدخانه اول ماشاف البنت الي طلعت رمى الدخان وهو يكح ضرب على صدره وعيونه عليها عقد حواجبه من منظرها الي طالعه فيه دعس على الزقاره وماتحمل وجود سيارات وهي موجوده وطالعه كذا اتجهه لها ووقف قدامها رمى شماغه واردف بهدوء عكس الي داخله
زايد:بعذرك وبقول نست طرحتها
رفعت راسها تناظره بصدمه وبلعت ريقها لمن غطى شعرها بشماغه ناظرت بعيونه ودق قلبها بعدم استيعاب الصدف كثرت بينهم بشكل غريب وهي ملاحظه هذا الشي طالت النظر بعيونه وانبعث بداخلها مشاعر غريبه تنحنح لمن لاحظ وجود السيارات للحين واردف بهدوء
زايد:ادخلي داخل
هزت راسها بالنفي وعقد حواجبه :لا
قطع كلامها :وشو اقول ادخلي ماتشوفين السيارات
ناظرت فيه باستنكار:بطلع بنت عمي تنتظرني
هز رأسه بتفهم وحكم ربطة الشماغ عليها واردف
زايد:خليه عليك
رفع راسه يناظر فيها وسهى بحسنها لاحظ توترها بس ودها يطول بالنظر وده يناظرها على مهله لكن نظراتها وكلماتها الي طلعت خلته يبتعد عن طريقها
ميار:تأخرت
تنهد بعد مامشت من جانبه ومشت باتجاه سيارة ساره مسح على شعره من الخلف وابتسم وهو يناظر ضل يناظرها الا ان مشت السياره التفتت على صوت اسراء الي مسكت كتفه وهزته
اسراء:ياهو تسمعنا شفيك ساهي
عقد حواجبه ولف لها:ياهو خويتك انا تكلميني بالطريقه هذي
اسراء:يوه رجعت الاعدادات
اتسعت عيونه ورفع عقاله لكنه ركضت بسرعه وهي تمشي :ماينمزح معكم
ركبت السياره وركبوا خلفها البنات كانت تكلم البنات بهمس واردفت
اسراء:بنات مرام شكلها ماراح ترجع مع خالي حاكم
سمر رفعت كتوفها:مدري شكل حاكم مزودها هالمره
ريم:شكله تمزحون معي الا مزودها واضح عاد مرام ماتستاهل
اسراء ناظرت زايد وقصرت صوتها :قلت لكم مع زايد احلا بس محد يفهمني
اتسعت عيون سمر وقرصتها بقوه وصرخت اسراء
زايد:وجع
لف يناظرهم وعم الصمت بينهم:والحين خير كلكم ورا ليه محد جاء قدام سواق عندكم انا الحين اصفط ووحده تركب قدام
التفتت اسراء وناظرت البنات الي يناظرونها:والله ما اروح تبون يذبحني عاد هو حاقد بليا
ريم:اقول طسي قدام بس كله منك لاحظ
اسراء:والله ما اركب سمر اخوك اركبي معه قدام ماهو مسوي لك شي
سمر:يالليل مالي خلق اقوم
لف يناظرهم يتهاوشون وصرخ عليهم:اخلصوا
تأففت سمر وهي تنزل وتركب قدام سكرت الباب بقوه اتسعت عيون زايد ولفت عليه وهي تناظره بقهر نزلوها وهي مالها خلق ناظرها ولف يناظر الطريق...
ضلت واقفه بالحوش تنتظر اخوها يجي تنهدت وناظرت بزياد الي دخل ابتسمت وهي تنزل لمستواه ومدت يدينها تحضنه واردفت
مرام:اموت انا اموت على الرجال
ضحكت وهي تحضنه وتبوس خده :ماشفت خالو برا
هز رأسه بالنفي وجمدت ملامح وجهها وهي تسمع الصوت خلفه رفعت راسها تناظر فيه وماكان الا حاكم تنهدت ووقفت شافته يقرب واردفت بهمس يسمعه
مرام:حاكم مابي اتناقش معك قدام زياد
حاكم ناظرها بهدوء:ماقلت شي
نزلت انظارها لجوالها واتصلت على اخوها ناظر فيها باستغراب
حاكم:وش تسوين
مرام:اتصل على اخوي تأخر
رفع راسه يناظرها وسحب جوالها:انا موجود مرام
تقدمت وهي تحاول تاخذ جوالها:حاكم عطني الجوال
هي كانت تبي تاخذ جوالها وهو كان يركز على كل تفاصيلها رفع يده وهو يمررها على خدها رفعت راسها بسرعه وناظرت بعيونه سكت وعيونه لا زالت معلقه بعيونها وبين لحظه ولحظه يتأمل ملامح وجهها تنهدت وهي تبتعد عنه واردفت
مرام:بلبس عبايتي واجي
مشت تلبس عبايتها وحاكم شايل زياد شاف روجها طابع على خده وباسه مع خده مسح على شعره ومشى ناحية سيارته ركب زياد بالخلف وركب وماكانت ثواني وجت مرام ركبت السياره وتكتفت وهي تناظر الطريق كان يمشي بهدوء وهي عيونها على الطريق شافته ياخذ مسار غير عن بيت اهلها وحتى ماكان مسار بيتهم التفتت له واردفت
مرام:حاكم وين موديني
لف لها وهو يناظر بعيونها:بنروح الشرقيه
اتسعت عيونها بصدمه ولفت تناظر زياد وكان نايم سيطرت على اعصابها واردفت بهمس وقهر
مرام:حاكم رجعني مو انتي جيت معك يعني راضيه عليك رجعني احسن لك
حاكم لف لها:وش بتسوين لو مارجعتك
مرام :اشتكي عليك حاكم اقول خاطفني
حاكم:وانا زوجك محد بيصدقك
ناظرته بقهر وضربت يدها بقوه :حركتك بايخه ومالها اي داعي تستغفلني ليه تراك تزيد الطين بله
ماشافت منه رد ولفت تناظر الطريق من الشباك ويدها على التكايه سكنت ملامح وجهها لمن حست بيده تلامس يدها لفت تناظر فيه وكان يناظر الطريق حاولت تسحب يدها بس كان شاد عليها بقوه وماكانت تقدر تهاوشه وتعطي ردة فعل عشان زياد الي نايم ورا جمدت ملامح وجهها وهي تناظره بعدم استيعاب بعد ماقال
حاكم:اسف
رمشت بصدمه نطقها بصعوبه حتى وهو يقولها لها صوته قصير ناظرته وودها تبرد حرتها واردفت
مرام:ماسمعت
لف يناظرها :تتملعنين علي
مرام:حاكم اذا بتقول اسف قولها من قلبك حتى اسلوبك دفش بالكلام معي
حاكم:هذا انا ماتعودتي علي
مرام:لا ومو مجبوره اتعود حاكم انا انسانه وانت الي سويته فيني مو قليل للحين ماتخطيت ضربك لي يعني كلمة اسف لحالها ماتكفي
