جالسين كل البنات كان الصمت سيد المكان الا ان تكلمت اسراء وهي تناظرهم
اسراء:اشتقت للعنود
التفتت لها ريم وتنهدت واكملت اسراء:ريم تعرفين مكانها تكفين نبي نزورها
التفتوا على دخول لطيفه الي رفعت اصبعها بتهديد:لو يجيني طرف متواصلين معها يويلكم تسمعون وانتي ريم كلميها ولاني امك ولا انتي بنتي
رفعت راسها لمى باندهاش:خاله بنتك هذي
لطيفه:بنتي ريم وبس الي تسود وجهي وتحوس من وراي ماهي بنتي
ناظرتها بصدمه تدري ان اطباع خالتها شينه بس ماتوقعت هالشي حتى على بناتها التفتت تناظر ريم الي عاضه شفايفها بقهر قامت واشرت لها بعيونها تجي معها مشت ريم مع لمى وجلسوا بغرفة لمى واردفت
لمى:شفيك ريم وضعك مو عاجبني ليش ضايقه
ريم:ماتسمعين كلام امي
لمى:الا سمعت بس الي فيك مو عشان كلام خالتي فيك شي ثاني
التفتت ريم للمى ورفعت راسها تحاول تكبت دموعها مسكت يدينها لمى ونزلت دموعها ناظرت فيها واردفت
ريم:تخيلي قلت لابوي مكانها لاني توقعت انه بيروح لها يتطمن عليها بعد الي صار تخيلي انه راح اعطى مكانها لمشعل
شدت على يدها واكملت :مشعل راح لها ماقدر اتخيل موقفها بس الشي الوحيد الي قالته لي انها بترجع عشان الولد الي ببطنها وبتطلق منه بعد ماتولده
تنهدت لمى وشدت على يدها واردفت ريم:لمى تكفين بتكونين معها انتبهي عليها لا تخلينهم يجرحونها ويدوسون عليها ترا هي حاليا مالها غيرك بعد الله
لمى حضنتها بسرعه وهي تمسح على وجهها وانفجرت ريم بالبكي على كتفها :ماعليك العنود ماتحتاج اكون انا معها هي لوحدها قويه والي صار ماكان الا شي زاد من قوتها
بكت ريم بصمت تحتاج انها بس تبكي الفتره هذي تنهدت لمى ودخلوا سمر واسراء فتحت اسراء الباب بقوه واتسعت عيونها واردفت
اسراء:يالخونه
ابتعدت ريم عن لمى ومسحت عيونها واردفت سمر:وحالات رومانسيه بعد وربي بصفقكم انتم الاثنين
جلست سمر قدامهم وناظرت بريم واردفت
سمر:تبكين ريموه ماعليك امك خسخسته تخسخس عشان انتي ماتدخلين بالعقوق
غمزت لها وضحكت ريم واردفت اسراء:وربي بنات لو تشوفون شكل سمر وهي تهاوش ان تموتون من الضحك
التفتت لمى وناظرتها واردفت:وانتي شعندك جالسه ماوراك اختبار بكرا
اسراء:يع يع الا تعطب جوي شتبين ياخي من اليوم اتهرب منه ليه تذكريني
لمى :قومي انقلعي ذاكري جالسه عندي شوفي تركي بيطلعنا اذا ماذاكرتي والله ماتروحين
اسراء قامت:مو على كيفكم حبايبي والله لاروح
طلعت من الغرفه والتفتت ريم باستغراب:تركي قال
هزت راسها:لا بس اكذب عشان تروح تذاكر
ضحكت سمر:وربي لا تفضحك
لمى:خل تولي بس
-
نزلت من التاكسي وناظرت البيت تلفتت حولها وشافت واحد واقف تقدمت له واردفت بهدوء
العنود:هذا بيت مشعل ولد محسن
هز راسه راشد باستغراب وهو يناظرها ا:ايه مين انتي
كانت بتتكلم بس قاطع كلامهم مشعل الي تقدم لهم بسرعه وهو عاقد حواجبه ناظر راشد واردف
مشعل:راشد ابوك يبيك داخل
مشى راشد ووقف مشعل قدامها واردف:ليه ماعلمتيني اجيبك
ناظرته ببرود واردفت:الله مكثر السواقين
ناظرها بهدوء :المفروض تعلميني
ناظرته:بصفتك مين بالضبط
مشعل:زوجك
ضحكت بسخريه وهي تناظر بوجهه وتكتف واردف:بنجلس نتهاوش بالشارع
العنود :صدقني حتى الهواش مابيه معك تنتظرني ادخل وانا ما ادخل شي
تقدمت تبي تاخذ شنتطها لكنه سحب الشنطه ومشى امامها قلبت عيونها وهي تتبعه وتدخل البيت دخلوا للداخل وناظرت نوير الي جالسه وبيدها القران وبجانبها محسن نزلت القران اول ماشافت العنود ومشعل تقدم مشعل وهو يقبل راس ابوه واردف بهدوء
مشعل:هذي العنود
لف محسن يناظر فيها وطاحت عيونها بعيونه ما ازاحت عيونها وابتسم محسن حست على نفسها وتقدمت وهي تسلم عليه واتجهت لنوير تسلم عليها كانت بتبتعد عنها بس مسكتها نوير وهي تجلسها بجانبها وابتسمت بوجهها واردفت
نوير:انتي من اليوم ورايح بنتا لنا الي يضايقك ترانا موجودين حتى لو انه هالهيس الاربد مشيعيل عديني بحسبة امك وتعالي عندي موجوده بأي وقت تبينه
ابتسمت نوير لها ابتسامه وسيعه ودمعت عيون العنود التفتت على محسن الي اردف بعد ما اعطى مشعل نظره
محسن:ولا تحسبين الي صار معجبنا ولا وراضين عنه لا والله مسنا الموضوع كانه صار لبنتنا ومن اليوم ورايح محد بيقط عليك كلمه دامك تحت ذراي وببيتي
نزلت دمعه على خدها كان ودها تسمع هالكلام من امها وابوها مو من ام واب الشخص الي وصلها للحاله هذي وقفت وهي تقبل روسهم واردفت بهدوء
العنود:ماتقصرون
التفتت تناظر مشعل الي متكتف ويناظرهم بهدوء واردفت نوير
نوير:مشعل يمه ودها لغرفتها اكيد تعبانه تبي ترتاح
هز رأسه مشعل:ابشري ...العنود امشي
رفعت حواجبها وهي تمشي وصلوا للغرفه ودخلوا للداخل ناظرت الغرفه وهي تتلفت زمت شفايفها وهي تجلس على السرير رفعت راسها لمن اقترب منها وجلس على ركبه حط يده على بطنها وهو يمررها رفعت حواجبها وهي تناظر فيه واردفت
العنود:خير ان اشاءالله
جت بتقوم ومسكها بسرعه رجع جلسها ناظرت فيه واردفت:مريض انتي ابعد عني دامني ساكته للحين
رفع راسه :بتشكيني لمين اهلك
عضت شفايفها وناظرت بعيونه:لا بشكيك لاهلك
ابتسم وهو يسحب يده ناظرته بحده واردفت:تلمسني ثاني مره بكسر يدك
رفع حواجبه بصدمه:ماهقيت كلام امي وابوي بيمدك بالقوه وتشوفين نفسك علي ،ودام ولدي ببطنك تعودي على هاللمسات
ارتسمت ابتسامه على وجهها واقتربت له همست باذنه :كان ولدك قبل لا ترمي امه قدام الرجال وتجحدها وتجحده معهم حامل بدون زواج نسيت ولا اذكرك
بلع ريقه وابتعدت وهي تناظر وجهه طبطبت على كتفه
العنود:فكر مليون مره قبل لا تقول انه ولدك لان في حاجات كثير تثبت انك ماتستاهله ،والحين اطلع ابي ابدل ملابسي
ناظرها وانسحب مو عشان انه سمع كلامها بس حس ان وجودهم بنفس الغرفه يضرهم الاثنين ...
