دخلت لمى وناظرت البنات الي جالسين اتسعت عيونها بصدمه وهي تشوفهم جالسين ومو لابسين تخصرت واردفت
لمى:خير ان شاء الله ليه مو لابسين
سمر ناظرتها:نلبس ايش
لمى:لا والله تستعبطين اخلصوا علي بنروح السواق
ريم:وش حقه
لمى :اقول بلا عباطه باقي اسبوعين بنات لازم تساعدوني اخلصوا ومرام وينها راعية الخبره ما اشوفها
التفتت على صوت حاكم :راعية الخبره !
ابتسمت :انها متزوجه يعني
ناظرها حاكم :مرام تدري انها بتروح معكم ولا انتي قررتي
لمى :لا انا قلت لها وقالت
وقفت وهي تقلد عليها :افا عليك انا راعية الخبره اساعدك
كتم ضحكته وهز رأسه:مع من تروحون
لمى:زايد بيودينا
ناظرها بهدوء وهز راسه بالنفي:انا اجيب مرام لكم
اسراء ابتسمت :ياعيني على الغيره ياعيني
حاكم ناظرها بطرف عينه وتقدم لها بس ركضت بسرعه:ماينمزح معك بسم الله بروح البس
طلعت لفوق تلبس ولحقوها البنات شافت اتصال زايد وغمضت عيونها :الحين يفضحنا
راحت لبست عبايتها وبعد دقايق تجمعوا البنات وركبوا السياره مع بعض التفتت تناظرهم وحست احد ناقصهم وفتحت جوالها تراسل عبدالعزيز وثواني ورد عليها وكتبت
لمى"لو اطلبك طلب تسويه"
عبدالعزيز"على حسب طلبك"
رفعت حاجبها "مو على اساس رجواي تتلبى"
ارتسمت ابتسامه لو يشوفه احد ماعرف انه يبتسم"شتبين"
لمى"ابغى العنود معاي اليوم"
عبدالعزيز"تم"
ارتسمت ابتسامه عريضه على وجهها والتفتت لريم الي كانت منزله راسها وتفكر ورجعت تناظر قدام ،ارسل عبدالعزيز رساله لساره تجيه تحت وماكنت دقايق وجت وقفت قدامه وابتسمت واردفت
ساره:عيوني وش تبغى
ابتسم وهو يقبل عيونها واردف:شرايك تاخذين بنات عمك وحرمة مشعل تروحون للسوق
ساره عقدت حواجبها:وش السبب مالنا شي بالسوق
عبدالعزيز حك ذقنه:عشان حرمة مشعل تقابل اهلها هناك تعرفين اوضاعها
ناظرته ساره واشرت على عيونها:ابشر الان اقشهم واروح بس اي سوق تقصد
رجع للرسايل واعطاها الاسم اتجهت ساره للداخل وناظرت ميار جالسه لحالها واردفت
ساره:ميارو تروحين معي السوق بناخذ العنود معنا
نطت ميار الي تعشق طاري الاسواق والمولات وهزت راسها بالايجاب:اكيد مايبي لها واحد ثنين بس خليني البس ونروح
راحت ميار تلبس وقابلت العنود بطريقها واردفت
ميار:العنود بنروح انا وساره المول شرايك تروحين معنا
العنود ناظرتها :والله مالي خلق ميار
ميار:امشي معنا تغيرين جوك على الاقل ولا تجلسين بالبيت ملل
ابتسمت العنود وهي تناظر لميار لسبب غريب ماتقدر تردها وتقول لها لا هزت راسها بالايجاب
العنود:خلاص خليني البس ونروح
ميار اتسعت ابتسامتها وراحت تلبس عبايتها سحبت الطرحه وحطتها على كتوفها وبعد دقايق نزلوا كلهم وقفت ساره واردفت العنود بهدوء
العنود:مع مين
ساره رفعت مفتاح سيارتها:معي بسيارتي
هزت راسها العنود وطلعوا كلهم قابلت العنود مشعل وناظرته بهدوء رفع حاجبه وهو يناظرها واردف
مشعل:وين رايحين
العنود مشت وسفهته تركب السياره ساره وميار ناظروا بعض وناظروه شد كف يده بقوه وهز رأسه ومشى وكملوا طريقهم للسياره ركبت ساره وضربت كتفها بخفه وغمزت له
ساره:مو لانه عمي بس والله انك قويه
ابتسمت العنود بتسليك وحركت ساره للمول الي اعطاها عبدالعزيز اسمه،دخلوا المول وهم يمشون وقفت العنود بمكانها وهي تناظر زايد والي واقفين جنبه نبض قلبها وطاحت عيونها بعيون احد البنات الي كانت لمى اتسعت ابتسامتها وتقدمت لمى لها بسرعه وقفت قدامها ومسكت يدينها واردفت
لمى:الحمدلله انك جيتي
العنود التفتت تناظرهم بعدم تصديق:حتى انا مخدوعه
العنود بعدم تمالك حضنت لمى ونزلت دموعها تقدموا البنات لهم واردفت اسراء
اسراء:لا تكفون برستيجي لا تسون هالحركات بمكان عام
ناظرتها العنود وكشت عليها ابتسمت واردفت لمى
لمى:جينا نجهز لزواجي بعد اسبوعين ولازم تكونين معي
التفتت تناظر البنات الي مع العنود باستغراب وابتسمت ساره
ساره:انا ساره اخت عبدالعزيز وهذي بنت عمي ميار
مدت يدها لمى تصافحها وتصافح ميار بعد ما تعارفوا البنات على بعض بدوا يتمشون بالاسواق وكانت ميار معهم الوحيده الي ماهي متغطيه وكاشفه وبطبيعتها جميله جدا ميار وناعمه كان زايد جالس ويناظر الي يمشون بهدوء طاحت عيونه على شلة شباب بجانبه كانوا يأشرون على البنات وسمع كلامهم البذيئ التفت يناظر المكان الي يأشرون عليه واتسعت عيونه بصدمه احتدت نظراته وهو يشوفها ماينكر صدمته بوجودها معهم وقف واتصل على لمى وعيونه عليهم واردف بعصبيه
زايد:قولي للزفت الي معكم تتغطى
عقدت حواجبها لمى باستغراب:من هي
زايد:مدري الي ماهي متغطيه
التفتت لمى تناظر ميار:تقصد ميار فشله زايد البنت كذا ليش اتدخل فيها
زايد :اقول خل تتغطى لا اجي عليكم الحين
تأففت وقفلت بوجهه اتسعت عيونه وهو يشوفها تتجاهله وقف وهو يتجه لها ناظرته لمى بصدمه لين وقف قدامها وكانوا البنات بعيدين بمسافه بسيطه واردف بغضب وصوت وصل لهم
زايد:خلي الي معكم تتغطى لا اقلب عليكم المكان عاجبكم الكلام الوصخ الي يجيكم
اتسعت عيونها من ارتفاع صوته واردفت:زايد فشله اسكت فضحتنا
ناظرها وعيونه متسعه:انا فضحتكم تبين...
سكت لمن رفع راسه وطاحت عيونه عليها ارتخت ملامح وجهه الي كانت مشدوده من العصبيه وهو يشوفه ماسكه طرحتها بقوه وتناظر فيه بملامح معفوسه والاغلب انها معصبه من كلامه بس وجهها ماكان مبين انها معصبه ابتعدت عنه لمى وقربت له ميار واردفت بصوت غاضب
ميار:لو سمحت لا تتدخل فيني ثاني مره ما اسمح لك
ناظرته بغضب وهي انقهرت ماقدرت تسكت وصوته واصل لها عض خده من داخل ماوده يبتسم ويخرب هيبته لكن لا شعوري خرجت منه كلمه
زايد:ابشري
اتسعت عيونها لمى الي سمعت الكلام التفتت تناظر ميار الي رمشت بصدمه وتراجعت للخلف باحراج ناظرته واردفت
لمى:والله رحت فيها يالشايب
التفت لها واردف:توكلي مع خوياتك بس
ناظرته لمى واشر باصبعه واحتدت ملامحه واتجهت للبنات بغضب من تحوله ...
