ناظرها بصدمه واتسعت عيونه شدت على ثوبه واردفت
مرام:حاكم تكفى
صحى على وصعد ثواني ونزل ومعه عبايتها غطاها بسرعه وتوتر شالها ومشى بخطوات سريعه لحسن حظه كانت العنود توها نازل من سيارة السواق اتجهه للسياره ونزل منها السواق وركبت مرام بالخلف وأردف
حاكم:العنود امشي معنا
ناظرته بصدمه ماقدرت تستوعب صرخ عليها وفزت ركبت السياره بالخلف وهي تناظر مرام مسكت يدينها وحرك حاكم الي صراخ مرام كل ماله يزيد توتره واردفت العنود
العنود:مرام تكفين هذي مو اول مره تحملي شوي
مرام غمضت عيونها بقوه:ماقدر ماقدر
زاد سرعته وهو مو قادر يتحمل صوت صراخها ،بعد مده وصلوا المستشفى ونزلوا بسرعه واخذوها منه الممرضات لحقهم وكانت خلفه العنود دخلوها الغرفه وناظرت فيه العنود وجلست تنهدت وهي تحاول تستوعب الاحداث الي صارت ورا بعض ،مر وقت طويل وللأن ماخرج لهم احد التفت لها واردف
حاكم:ماكأنهم طولوا
العنود ابتسمت:شدعوه خالي كأنها اول مره ماتذكر زياد تأخرت اكثر من كذا
حاكم:ماشفتي وجهها انتي مخطوف لونه
العنود:عادي طبيعي ترا الوجع مو هين لا تشيل هم مو صاير إلا كل خير ان شاء الله
تمتم:ان شاء الله
كان يروح ويجي بالممر وهالشي وترها :خالي تكفى وترتني تعال اجلس
حاكم:مانيب جالـ...
قطع كلامه على خروج الدكتوره والتفت لها بسرعه تقدم لها بلهفه واردف
حاكم:طمنيني دكتوره
الدكتوره بابتسامه:الحمدلله المدام بخير وجابت لكم بنوته
اتسعت ابتسامته والتفت للعنود اتجه لها وحضنها وأردف بسعاده
حاكم:الحمدلله يارب الحمدلله
العنود ابتسمت :الف مبروك خالي
حاكم ابتعد عنها:الله يبارك فيك بتصل على امي ابشرها
العنود:لا تنسى امها خالي
هز رأسه وابتعد يتصل ويبشر كل من يخطر على باله بهالاثناء نقلوا مرام لغرفه ثانيه وجلست عندها العنود التفتت على خالها واردفت
العنود:بيجون
حاكم:بيجون مع زايد الحين
هزت رأسها بالايجاب وسندت راسها على الكرسي بتعب ما أمداها تنزل وأخذها حاكم معهم وصار لها ثلاث ساعات وهي جالسه تنتظر تحس ان حيلها انهد ،بينما حاكم طلع وراح يشوف بنته وقف خلف الزجاج واشرت له الممرضه عليها اتسعت ابتسامته وهو يشوفه حركتها حط يده على الزجاج تحديدا تجاهها وهو يتأملها صغيره صغيره كيف بيشيلها هذي يحب البنات رغم انه مايبين ولا يصرح والحين فرحته أضعاف الأضعاف بأن الله رزقه ببنت كان واقف يتأملها بدون ملل ولا حس بالوقت الي مر وهو واقف يتأملها خذت قلبه وهو للأن ماشالها بين احضانه...
واليوم اليوم الموعود لفيّ وحمد كانت واقف ويدينها ترتجف وبيدها القلم التفتت على ربى الي تهمس بأذنها لأجل مايسمعهم سيف الي كان واقف وينتظرها توقع
ربى:اخلصي وقعي يعنني مستحيه وانت بتتشققين من الفرحه
ناظرتها فيّ بحده :يعني ماكنتي بيوم بمكاني
ربى:حبيبتي ماكنت نفسك أنا إنسانه واضحه
فيّ:ندري كنتي فاصخه الحيا مايحتاج تقولين
سيف بتملل:اخلصي يابنت وقعي الناس تنتظر هناك
سمت بالله وجت بتوقع شافت توقيعها ورجف هالمره قلبها مو يدينها نبض بقوه ووقعت بسرعه نزلت القلم ومسكه سيف بسرعه قبل لايطيح واردف
سيف:بسم الله شوي شوي تجهزي
فيّ:لأيش
ربى اشرت لسيف:روح ماعليك منها
التفتت لها بعد ماراح سيف:انتي تستعبطين ولا كيف شلون وين بتروحين حبيبتي تشوفينه ماتعرفين يعني
هزت رأسها بالنفي:لا مابي ربى
ربى ناظرتها بصدمه :وش ماتبين صاحيه انتي
فيّ:من جدي اتكلم ربى تكفين مابي قولي لسيف ما اقدر ادخل والله بموت من الاحراج لا دخلت
ربى :اتمنى تمزحين ليه كاشخه اجل
هزت رأسها للمره الثانيه :ربى تكفين مابي مابي
دخلت للداخل وضلت ربى مواقفه بمكانها اتصلت على سيف وخبرته وهو ما عارض لكنه خبر فيصل يقول لحمد لانه اقرب له وبيعرف كيف يوصل له الموضوع بدون لايفهم شي غلط ،اتجه فيصل لحمد وأردف
فيصل:شوف اختي انسانه حياويه والله لو تموت مادخلت عندك
ناظره حمد يحاول يدور اي شي يدل انه يمزح بس كانت ملامح فيصل جديه وتفهم الوضع هز رأسه بهدوء وابتسم
حمد:ماعليه خيره
ابتسم فيصل لتفهم حمد وضلوا وقت وهم مع بعض كانت واقفه قدام الشباك وتناظره لمن طلع رمشت وعيونها عليها ماتدري كيف بعد مارمشت طاحت عينها بعينه سكرت الستاره بسرعه والتفتت لربى الي تناظرها بسخريه
ربى:وش له تطلطلين وانتي كان يمديك تروحين وتشوفينه وجه لوجه ماني فاهمتك مو تحبينه انتي
فيّ:ايه احبه بس ربى ما احب استحي تونا متملكين كيف تبين ادخل واشوفه للحين ما استوعبت شي أنا
رفعت كتوفها ربى بعدم فهم لها ولحركاتها :امي طايره بملكتك وبموافقة العنود وربي الارض مو شايلتها من الفرحه الله يديم عليها
فيّ:امين أتوقع النصيب الاكبر من الفرحه لسيف ماصدقت انه واخيرا قرر يتزوج بس كسر خاطري يحسب انه العنود بترفض وصدمته بالموافقه
هزت رأسها:تبين الصدق احس انه زواجهم فيه خيره بإذن الله يمكن الاثنين يداوون بعض الي مروا فيه مو قليل اثنيهم
فيّ:ان شاء الله الله يكتب الي فيه الخير
قامت ربى:عاد أنا بروح انام منهلكه من امس قاعده
فيّ:النوم العوافي
