دخلت الغرفه وشافته واقف قدام المرايه يضبط شماغه بلعت ريقها وتقدمت له وقفت على جانبه من مشوين وهي ترتب كلامها لأجل ما تتلعثم قدامه ولا تتوتر لانها عارفة حساسيته تجاهه الموضوع الي بتكلمه فيه الحين خذت نفس واردفت
مرام:حاكم
حاكم ناظرها من خلال المرايه الي عاكسه شكلها وعرف من توترها الي كان واضح لناظره وماقدرت تخفيه ان الشي الي بتقوله الحين ماراح يعجبه واردف
حاكم :هلا
سكتت لثواني معدوده وعقد حواجبه سكوتها مايطمنه خذت نفس عميق للمره الثانيه واردفت بسرعه
مرام:بروح لعمامي
عقب ماكان مندمج تضبيط شماغه وقفت يدينه عن الحركه ونزلهم التفت لها وأردف بهدوء
حاكم:من عمامك
سكتت ورفع راسه يناظر عيونه وشتت أنظارها عرف انها تقصد اهل محمد ورجع يناظر المرايه وأردف
حاكم:لا
اتسعت عيونها :حاكم تكفى والله فشله مسوين عشاء وعمتي وبناتها ملزمين علي اجي
حاكم :مرام الموضوع منتهي لا بيت به محمد ماتطبينه
مرام:وليه وين بصادفه محمد أنا بيكون مشغول أصلا خلاص حاكم موضوع محمد شي صار وانتهى وانا قاطعه عمامي مارحت لهم من زمان عشان هالسالفه
حاكم :لا يعني لا خلاص
مرام تنهدت تقدمت له ومسكت يده التفت لها وشدت على يده اكثر واردفت :حاكم طلبتك
ناظر بعيونها لدقايق استغفر بداخله :أنا اوديك واذا اهلك بيرجعون دقي علي اجيك لا تجلسين لحالك عندهم
اتسعت ابتسامتها ورفعت نفسها له باست خده بسرعه واردفت
مرام:تم من عيوني
ابتعدت عنه بسرعه تتجهز هي وتجهز زياد معها بينما حاكم ضل واقف مكانه لثواني يستوعب الي صار هز رأسه بهدوء وغمض عيونه كبح الابتسامه الي راودته لا شعوري وضبط شماغه ،بعد ما الكل تجهز ركب السياره وركبت هي بجانبه التفت لزياد الي بالخلف ابتسم وشاله يحطه بحضنه واردفت مرام بخوف
مرام:حاكم شتسوي
حاكم:وش اسوي ماتشوفينه يبكي مايبي يجلس ورا
مرام:طيب والطريق
حاكم:ماعليك ماهو صاير شي ان شاءالله
سكتت وناظرت قدام وحرك حاكم السياره وبحضنه زياد التفتت وابتسمت على ضحك زياد الي واضحه الفرحه بوجهه كان حاكم ماسك يدينه وحاطهم على الدركسون ويسوق ،وقف قدام بيت عمامها ونزلت نزل معها واتجه لها وقف قدامها واعطاها زياد وأردف بهدوء
حاكم :انتبهي على نفسك
هزت رأسها بابتسامه ودخلت للداخل وعيونه تتبعها إلا ان تأكد من دخولها ضل لثواني واقف يناظر البيت ماوده يتركها هنا بس بعد مايبي يكسر بخاطرها وهي طلبته التفت واستغفر لمن شاف طلال نازل من سيارته صد عنه ماله خلق للمشاكل وخصوصا مع طلال الموضوع ماراح ينتهي على خير معه يلعب باعصابه...
نزلت لتحت وهي لابسه عبايتها ابتسمت لمن شافت تركي وزايد موجودين تقدمت لهم وقفت محد التفت لها وتنحنت لأجل ينتبهون بس بدون فايده غمضت عيونها بصبر ووقفت قدام التلفزيون الي كانوا يناظرون فيه وجّهوا أنظارهم لها وأردف زايد
زايد:ريم دامك تبين روحك ابعدي خل نتابع
التفتت تناظر وش يتابعون:الله عاد والي تتابعونه عاد خاتمينه مليون مره وترجعون تتابعونه في موضوع اهم
تركي:حدك عاد إلا هالمسلسل شعندك شتبين
ريم ابتسمت:ابي اروح للمى
زايد:طيب مع السلامه
ريم:شكرا خالي حبيبي بس واحد منكم بيوديني
زايد:وليه ماتروحين مع السواق
ريم:السواق اسراء ماخذته وقبل لا تقول مدري وش به مهددته والمسكين مايقدر يرجع لين تطلع هي من المدرسه
زايد:لا والله وإسراء عايشه الدور حيل خل تجي أنا اعلمها
ريم:ماعلينا من اسراء الحين تودوني
زايد:ضفي وجهك بس محد فاضي لك
ريم تكتفت وأردفت:عاد بتحرموني من الوناسه لمى تقول اهل زوجها البنات عندها كلهم كلهم بدون استثناء
ناظرها بطرف عين:كلهم من
ريم :يعني ميار واخت عبدالعزيز وكذا يعني
اعتدل بجلسته ورمى المفاتيح على تركي:ولد فز شغل السياره بنسري
تركي اتسعت عيونه:خير ان شاءالله وين
زايد وقف ينفض ثوبه:نودي ريم للمى
تركي:ودها انت
زايد:والله متعاجز أسوق قم اخلص علينا
تركي اشر بيده:يلا طير انت وريم ماني فاضي
اتجه له زايد وهمس بأذنه تغيرت ملامح تركي ووقف
تركي:الله ...لا تخليني ادعي عليك
التفت لريم :وانتي قسم بالله ...
سكت وارتسمت ابتسامه على وجهها تدري انه مايقدر يقول لها شي غمزت له وأردفت
ريم:حبيبي خالي
طلعت لبرا والتفت تركي لزايد وأردف :يعني البنت رافضتك لا شافتك هناك بتغير رايها مثلا
زايد:بالله امش وانت ساكت
تركي طلع وهو مصعب ولحقه زايد وهو يفكر وش يوديه هناك بس لمجرد ما انه سمع اسمها اجتاحته رغبه بأنه يبي يروح ويشوفها هو شخص ماقد جرب طعم الحب ومن وراها عرف وش يعني رغم رفضها له واخر شي صار بينهم إلا ان داخله باقي يبيه ومستحيل انه يكل او يمل بياخذها مهما كانت الظروف وبرضاها هي يحس ان فيه امل بعلاقتهم رغم رفضها القاطع له مو مقتنع بسالفة فرق العمر لانه مايهمه ،ركب السياره بجانب تركي وبالخلف ريم واردف
تركي:نقط ريم ونرجع تسمع مافي جلسه
هز رأسه:ايه طيب انت بس حرك اخلص علينا
ريم:من جد الناس بتمشي
تركي:انتي اسكتي احسن لك
ريم كتمت ضحكتها معصب وعصبيته تضحكها :ابشر
زايد لف عليها:سمر ليه ماجت معك
ريم:سمر نايمه تقول مالها خلق تجي
هز رأسه والتفت لقدام لاحظ نظرات تركي وابتسم عشان يقهره...
