صار بينهم تنهد مايدري شلون زل لسانه بوجودها معهم بنفس المكان لاحظه حمد بس فضل الصمت رغم معرفته بالموضوع الي ضايقه بس لان ذياب مايحب اي شخص يتدخل بحياته وخصوصياته حتى لو كان اقرب قريب له حياته الخاصه خط احمر مستحيل هم كعايلته يتجاوزونه...
نزلت تحت وبمجرد نزولها شافته داخل من الباب ابتسمت بوجهه وتقدم لها حضنها وباس جبينها شافت الابتسامه على وجهه صارت ماتشوفه يبتسم إلا إذا كان معها مسكت يده وأردفت
لمى:شفيك عزيز
عبدالعزيز ناظرها:مافيني شي بس عندي لك اخبار حلوه
لمى ناظرته باستغراب وأردف:اول شي خلينا نجلس
مشوا لداخل الصاله وجلسوا ناظرته بحماس واردفت
لمى:يالله وش الأخبار الحلوه
عبدالعزيز:ميار وافقت على زايد وعشان هالشي جدي يبي يفتح صفحه جديده مع خوالك وبيطلون لمخيم عمامي بالبر بعد ملكتهم
لمى ابتسمت بفرح وحضنته بسرعه بس ثواني وتذكرت شي ابتعدت عنه :وانت ليش مو فرحان
تنهد وهو يناظرها صعب عليه انه يرجع يتصالح مع خوالها مو كره فيهم إنما مايبي يكون بينهم صلح لانه لو صار بيصير حتى مع علوان ناظرت بعيونه واودفت
لمى:عشان خالي علوان
ناظرها وطاحت عيونه بعيونها كيف فهمت الي فكر فيه بس بنظره وحده من عيونه تنهدت واردفت وهي تشد على يده
لمى:عبدالعزيز الحقد والكره بعمره ماراح يوصلك لشي ولا بتحصل لك مكسب من وراه لا تحسب ان الي صار بيخلي العلاقه الي بيني جدي وجدك تنقطع علاقه عمرها اكبر مني ومنك هم كانوا اهل ديره وحده جيران وأصحاب والأيام خلتهم اخوان صدق الي سواه خالي علوان مو هين بس أنا اشوف الندم بعيونه هو صح قاسي وجدا من برا بس والله انه لين من داخل هو حس بالاهانه بعد رفض عمتك له ومعرفته بانها فضلت شخص اجنبي عليه أنا ما ابرر له أبدا بس اشرح لك شعوره اكيد بعد الصلح مابيرجع كل شي مثل قبل بين خالي علوان واهلك بس صعب تنقطع علاقة جدي بجدك علاقتهم اقوا من ان يدمرها طيش شاب صدقني والي حصلوه خوالي من عمامك بعد ماكان هين مشعل سوا شي اقوى من سوات خالي علوان
ابتسم وهو يناظرها:تعادلنا يعني
رفعت كتوفها وابتسمت تقريبا لكن سرعان ما انزاحت ابتسامتها لمن اردف
عبدالعزيز:بس أنا ابوي مو موجود
خذت نفس وهي تناظره ماتدري شلون بتطبطب عليه بس بتقول الي عندها
لمى:عبدالعزيز سواء كان خالي علوان سوا كذا او لا فهذا اليوم يوم ابوك مهما كانت الظروف والأحوال هو يومه بس انه صادف هالاوضاع وهذي كانت الاسباب ما اقدر اهون عليك بس الي لازم تعرفه ان هذا قضاء الله وقدره شوفني أنا ابوي عايش بس وينه هو الحين
ناظرها لثواني معدوده مايحب ملامح الحزن على وجهها سحب يدها ودفن وجهها بعنقها لثواني ثم همس بأذنها
عبدالعزيز:انتي بس خليك حولي هذا الشي يكفيني
ابتسمت وحضنته بالمثل سندت راسها على كتفه وهي تطبطب على ضهره بشكل غريب وجودهم مع بعض يكملهم الاثنين ...
بعد كم يوم كانوا البنات متجمعين اليوم وقت ملكة سمر نزلت لتحت عندهم وناظرتهم بتوتر ابتسمت واردفت
سمر:بنات كيف شكلي
صفرت اسراء:قمر قمر تبارك الرحمن فوق التقيم
ابتسمت سمر واردفت ريم:مايحتاج اتكلم شهادتي مجروحه ولا أروع يابنت وش ذا ماشاءالله
سمر باحراج:خلاص خلاص احرجتوني لحد يمدح
ضحكت العنود الي جت بعد اصرار لمى وسمر عليها :مالت صدقت نفسها
سمر :ماتقدرين تخربين شوي
لمى:والله عسل يابنت وش ذي الحلاوه
ضحكت:خلاص تكفون وربي احراج استحيت
اسراء:كل شي بيرفكت بس ليتك ماخليتيها عائليه
سمر:لا تكفين ما اتحمل خليني بس توقيع ويلبسني وخلاص مابغى شي بعده ما احب نظرات الناس وكثرة الناس انحرج زياده انتم تكفوني وزياده
ابتسمت مرام :صح والله احسن لك تفكين راسك من الوجع
ريم:الحين خلاص بتروحين تشوفينه
هزت رأسها واردفت اسراء:يع الله يعينك الحين ينشبون لك عمامي وربي مايفكونك يحبون يخربون اللحظات الرومانسيه والحلوه حسافة عمي حاكم راح عليه الزين
سمر:اي والله راح عليه زين اخته
اسراء:حبيبتي ما أقصدك اقصد زوجته انتي شتبين للحين واقفه أصلا روحي ادخلي
قطع عليهم صوت من خلفهم :حدك عاد إلا سمر
تقشعر جسمها تعرف هالصوت عدل رفعت عيونها وناظرته جمد وجهها حاكم ماعندها خبر برجعته التفت له وكتم ابتسامته على صدمتها وأردف
حاكم:ايه وش الزين الي فاتني
اسراء:لا ماشاءالله مافاتك هذا انت رسبنت
حاكم عقد حواجبك :شرايك تضبطين إعدادات لسانك مخليك على هواك بالكلام شكلك نسيتي من أنا
اشرت ابتعدت بخطوات سريعه:لا لاتخاف ياعمي الغالي شلون أنسى بالله شلون بالذاكره بالحفظ والصون موجود
ابتسم وقاموا البنات يسلمون عليه ويتحمدون له بالسلامه إلا هي الي كانت جالسه مصدومه بمكانها ماقدرت تستوعب وجوده للأن قاموا البنات وطلعت سمر يوصلها تركي للمجلس الي فيه ناصر وبقت هي وياه لحالهم وقف قدامها وأردف
حاكم:مانتي ناويه تسلمين علي
رفعت راسها ترمش بصدمه وثواني ونزلت دموعها تجمد حاكم مكانه وراجع تصرفاته ونبرة كلامه معها وأردف
حاكم:وش فيك ليه تبكين
وقفت وارتمت باحضانه بسرعه صايره حساسه فترة حملها تجاهه حاوطها بيدينه وأردف بتوتر
حاكم:يابنت لا تبكين وترتيني وش فيه
