مشى لقدام سيارتها وناظر الصدمه من قدام رفع راسه يناظرها وتنهد رجع لها واردف
تركي: صار بك شي تقدرين تسوين
هزت رأسها بالايجاب:اي اقدر أسوق
تركي:صدمتك قويه شوي لازم تخلين سطحه تشيلها
ساره:ماله داعي أنا أوديها
تركي عقد حواجبه كان بيسكت بس ماتحمل:تروحين لحالك
ساره:شايف احد معي بوديها انا
تركي:صاحيه انتي اتركي السياره تجي سطحه تاخذها وعلمي واحد من اهلك وش يوديك لحالك
رفعت حواجبها :ماودي اقلل احترام بس ماهو شغلك
ناظرها بتعجب:ماودك تقللين احترام بعد
ساره سكتت لثواني ثم اردفت:كيف راح الرجال
تركي:تفاهمت معه وراح
ساره ناظرت بملامح وجهه بتدقيق:كيف يعني تفاهمت معه
تركي شتت أنظاره عنها:تفاهمت معه وبس والحين انزلي دقي على سطحه تاخذها
ساره :اعتقد قلت ماهو شغلك
تركي اتسعت عيونه من وقاحتها اتجهه لسيارته وثواني رجع لها شهقت وهي تشوفه يدخل قزازه بالكفر فتحت السياره ونزلت
ساره:مجنون انت
تركي:يالله الحين وريني شلون بتودينها
اتسعت عيونها بصدمه :مانت صاحي ترا وش الجنون هذا
مارد عليها وناظرته بقهر فتحت جوالها واتصلت على السواق ثواني ورد عليها
ساره:ايه تعال ابيك توديني بيت عبدالعزيز سيارتي بنشر كفرها
قالت آخر جملتها وهي تناظره بحده تجاهل نظراتها وهو يسمع كلامها :شلون يعني ماتقدر تجي وانا وش اسوي
كتمت غيضها وهي تسمع صوت فاطمه قفلت الجوال وحطته بشنطتها التفت لها
تركي:انا رايح تبين أوصلك بطريقي
ساره:لا مايحتاج ما أبيلك
تركي:لاتعاندين مافي احد بيجيك خليني اوديك دامه طريقي
ناظرته لثواني بتردد ومشت تجاهه سيارته ركبت بالخلف وركب هو ماعلق على مكان جلوسها وحرك السياره عم الصمت بينهم والتفتت تناظر الطريق بشرود وأفكارها خذتها للمره الثانيه ناظرها من المرايه الاماميه ورجع ناظر الطريق بصمت ،وصلوا ونزلت بينما هو ضل بالسياره مشت بخطوات سريعه لمن شافت عبدالعزيز توه طالع عقد حواجبه وهو يناظرها
عبدالعزيز:ساره
ارتمت بجضنه وبكت اتسعت عيونه وهو يسمع صوت شهقاتها وتمتمتها
ساره:ماقدر أتحملها والله ما اقدر اجلس معها بنفس المكان
عبدالعزيز ابعدها عنه وأردف:من هي وش تقولين تعالي داخل
دخلها معه وسكر الباب خلفه بينما تركي كان شاهد الموقف كانت نيته ينزل عند لمى بس بعد ماشافهم غير رأيه حرك سيارته ومشى،جلس قدامها وناظر فيها وهي تمسح دموعها وترجع تنزل
عبدالعزيز:الحين فهميني وش صاير
ساره:مافي شي صاير بس انا ماعاد ابي اجلس عند عمامي ابي اروح لخوالي
عبدالعزيز:والسبب
ساره:لا تسألني عن السبب وانت عارفه زين
عبدالعزيز:انتي إذا طلعتي سويتي الي هي تبيه
ساره:كيفها أنا ما اقدر اتحمل اني اجلس معها بمكان واحد جدي مو حاس بوجعي يغصبني اجلس على نفس الطاوله الي تجلس عليها أنا مابي أشوف وجهها ما اقدر أتحملها
عبدالعزيز:ماخبرتك كذا ساره
ساره:بهالموضوع بالذات لا ترفع سقف ظنونك فيني
عبدالعزيز:يعني شلون بتهربين
ساره:سمها بالمسمى الي يعجبك انا بروح عند امي ما اجلس بمكان فيه وحده تسببت بموت ابوي
عبدالعزيز مسح على رقبته وتنهد:انا وانتي دارين انه هذا يومه وهذا المكتوب له
ساره هزت رأسها:هذا يومه مافي اعتراض على شي الله كاتبه بس الاسباب عبدالعزيز الاسباب
سكت وهو مو عارف وش يقول لها :خوالي لا تعالي عندي انا
ساره:انت متزوج وانا مابي اضايقك انت ولمى عند خوالي احسن مافيه غير جدتي وجدي والباقين متزوجين
عبدالعزيز:بس خالي وعياله ساكنين معهم وش يوديك دقي عليهم يجهزون أغراضك بتكونين عندي من اليوم ورايح
ساره ابتسمت لكن سرعان ما اختفت ابتسامتها :وجدي
عبدالعزيز ناظرها :أنا أتفاهم معه...
