ناظرها باستغراب كيف ماتدري:مشعل جاه ولد
شهقت :العنود ولدت
هز رأسه بالايجاب وقامت بسرعه :بروح بروح لها عزيز تكفى ودني
ابتسم على نطقها لاسمه منها بس يستلطف هالإسم وقع اسمه على آذانه منها هي يجي غير هز راسه:طيب البسي بس قبله نفطر بمطعم ونروح
هزت راسها بالايجاب وركضت بسرعه تلبس عبايتها اتبعها بهدوء وابتسم وهو يشوفها ضايعه وتتنقل بالغرفه بعشوائيه وقف قدامها ومسك كتوفها وأردف بابتسامه
عبدالعزيز:هدي اعصابك
خذت نفس ولكن سرعان ما انحبست انفاسها لمن طبع قبله مطوله على خدها وابتعد عنها وأردف:انتظرك بالسياره
طلع من الغرفه وزفرت انفاسها المحبوسه سحبت عبايتها ولبستها بتوتر من حركته الي ماحسبت حسابها تنقبت وطلعت برا ...
وصلوا المستشفى مشت خلفه وهي تفرك يدينها بحماس وقفوا قدام الغرفه الي فيها العنود التفت لها وأردف
عبدالعزيز:انتي ادخلي أنا عندي كم شغله أخلصهم وارجع لك
هزت رأسها بالايجاب ودخلت للداخل وسرعان ما اتسعت ابتسامتها لمن شافت امها وجدتها مع زوجة خالهم وصايف ومرام وريم وسمر كان الكل موجود مشت تجاههم بسرعه وسلمت على الكل اتجهت للعنود وسلمت عليها واردفت
لمى:الف مبروك ياحياتي يتربى بعزكم ان شاءالله
ابتسمت العنود بتعب:الله يبارك فيك
لمى:وينه بشوفه
العنود:مخلينه بالحضانه يقولون صعب يطلع منها الحين
هزت راسها بتفهم وجلست بجانبها واردفت
لمى:ايه وش بتسمينه
رفعت كتوفها العنود بعدم معرفه:للحين مدري
اسراء:العنود تكفين لا تخلين قليل الحيا يسميه طلبتك طلبه
سمر:اسراء تبين أضربك لان شكلك ماشبعتي
اسراء:وانا وش قايله ياربي
وصايف :اسراء عيب عليك الي تتكلمين عنه يكون زوجها
اسراء قلبت عيونها:امحق زوج
سمر خذت نفس وقرصتها صرخت اسراء بقوه وفزت الجده من مكانها :وقرص يقرص هاللسان ياقليلة الحيا تصارخين بالمستشفى ماتستحين انتي يمر احد من عندنا يسمع صوتك تبين الناس يتكلمون عننا يقولون حفيده فياض لا حيا ولا مستحى
اسراء :جده الله يهديك من بيعرف ان حفيده فياض داخل هالغرفه
الجده:قومي قومي يالله معي بنرجع البيت ماتجلسين دقيقه وحده
اسراء اتسعت عيونها:جده تكفين وش ارجع مابي
وصايف:اسراء قومي ابوك توه متصل يقول السايق عند الباب بعدين ما عليك اختبارا
اسراء:يالليل حنى وهالاختبارات
وقفت ومشت معهم ومشى الكل باستثناء لمى وريم الي قررت تجلس عند العنود التفتت لها العنود واردفت
العنود:اهلي يدرون
ريم ناظرتها وهزت راسها صدت عن ريم وامتلت عيونها بالدموع...
نزلت راسها ريم بألم احتاجها على اختها ابتسمت لمى تضيع الموضوع واردفت
لمى:ربي رحمك حالفه لو بنت ماتسمينها إلا لمى
ابتسمت العنود:لو انها بنت تستاهلين والله
ريم رفعت حواجبها :لا والله خالتها اولى منك يالشيخه لمى
لمى اشرت بيدها:حبيبتي انسي انسي
ضحكت العنود:طيب ترا ولد ماله داعي تتهاوشون
لمى ابتسمت ورفعوا روسهم على فتح الباب جمدوا مكانها وفزت ريم بابتسامه عريضه
ريم:يبه
دخل صالح وخلفه لطيفه تقدم لها وباس راسها واردف :الف مبروك
اتسعت ابتسامتها ودمعت عيونها ارتجفت شفايفها ومسكت يدينه بسرعه قبل لا يمشي وباستهم واردفت
العنود:الله يبارك فيك
تقدم امها وباركت لها باست راسها العنود وجلست بجانب صالح كانت الاوضاع بينهم متوتره جدا الصمت هو سيد المكان والموقف صالح قطع هالصمت وأردف
صالح:سميتيه
هزت رأسها بالنفي :للحين
لطيفه:في ببالك اسم
العنود هزت رأسها بالنفي :لا مافي ببالي اي اسم
مر وقت طويل وكانت الأحاديث جدا قليله وقف صالح وأردف
صالح:أنا عندي شغل مهم راجع لك ان شاءلله
طلع صالح ولحقته ريم وقفت لطيفه واردفت:ماتروحين معنا لمى
لمى:لا خاله عبدالعزيز بيجيني
هزت رأسها لطيفه وكانت بتطلع بس التفتت للعنود ورجعت لها حضنتها ونزلت دموعها واردفت
لطيفه:حقك علي يامك حقك علي
نزلت دموع العنود بضعف وتبعها شهقاتها حضنت امها وقبلت راسها ويدينها ابتعدت بعد دقايق من الحضن الطويل ولحقت صالح وريم التفتت العنود للمى الي اردفت
لمى:وش بيصير الحين
العنود:على ايش
لمى بتردد:زواجك
العنود رفعت كتوفها بهدوء وهي تناظر الفراغ بشرود ...
