وقفت بصعوبه ماتدري شلون وقفت رجلينها ترجف عضت شفايفها بقوه ماهي عارفه شلون تتصرف باللحظه هذي لو انهارت بيلاحظون ويضغطون عليها وهي بوضع ماتتحمل الضغط دارت بالمكان اكثر من مره ودموعها تنزل بغزاره رفعت راسها على طلوع فيصل المستعجل مشت تجاهه بسرعه ووقفت قدامه واردفت بخوف
فيّ:فيصل وين رايح
فيصل ناظر حالها باستغراب:فيّ مستعجل ابعدي عن طريقي
فيّ مسكت يده بقوه واردفت وهي تحاول تسيطر على نفسها وشهقاتها:وين رايح
فيصل:بروح لخويي سوا حادث
فيّ:بروح معك
فيصل نزل انظاره:نعم
فيّ بتبرير:اخته صديقتي وهي هناك اكيد تحتاج احد معها اهلهم بقطر مو هنا
هي قالت الكلام هذا والحقيقه عكس هالكلام تماما تبي تروح تطمن عليه ناظرها وتذكر نيارا حس ان كلام فيّ صحيح هز رأسه وأردف
فيصل:بسرعه بالسياره انتظرك
ركضت بسرعه للداخل وماخبرت احد لبست بسرعه ونزلت ،حرك السياره بعد ماركبت فيّ ومشى بأقصى سرعه هو كان يفكر باخر الأحداث إلا ان اتصل عليه سيف وخبره عن الحادث عكس فيّ الي عرفته عن طريق ترند ضارب كانت تبكي وتشد على يدها بقوه وشهقات لا اراديه تطلع منها فيصل ماكان مركز ولحسن حظها انه مو مركز ماراح يقتنع ان هالبكاء كله عشان صديقتها ،بسبب سرعة فيصل وصلوا بسرعه ماكانت فيّ متأكده من وجود نيارا لكن جزء منها ارتاح لمن شافتها واقف وترجف ركضت لها بسرعه واردفت
فيّ:نيارا
التفتت نيارا لها وحضنتها بسرعه بكت ووصل صوت بكاها لفيصل غمض عيونه بقوه يحتاج انه يكون قوي بهاللحظه بس مافي شي يساعد تقدم لهم وهمس واردف :ادخلوا استراحة الحريم
رفعت رأسها وهي تناظره بحده:بجلس هنا
التقت عيونه بعيونها وتنهد صد عنها ووقف قدام غرفة العمليات ينتظر احد كانوا الثنتين يبكون مسحت دموعها فيّ وشدت على اكتاف نيارا فضحت نفسها بما فيه الكفايه
فيّ:نيارا هذي تكفين بيكون بخير اجلسي هنا
كانت تقول هالكلام وهي مو مصدقته كانت خايفه اكثر من نيارا تخاف تفقد الشخص الي فعلا حبته من قلبها الشخص الي حسسها بالامان ودافع عنها هي تحتاج شخص نفس كذا وهالشخص هو حمد جلست بجانب نيارا وتهز رجولها كانت حاضنه نيارا وشافت فيصل الي راح ورجع بماء مد لها الماء واتجه لنيارا يمد لها المويا رفعت انظارها نيارا لها وصدت عنه سحبت فيّ المويا واعطتها نيارا تشرب وشربت منه حزت بخاطره الحركه بس بنظره هو يتساهل كل شي تسويه معه تنهد وفزوا الكل على خروج الدكتور تقدم فيصل
فيصل:بشر يادكتور
الدكتور:الحمدلله هو بخير قدرنا نسيطر على النزيف مافي اي خطر على حياة المريض بس حاليا نحتاج نخليه بالمستشفى للأحتياط
هز رأسه فيصل وزفرت براحه كانت خايفه من ان يصيبه شي مر وقت والتفت
فيصل:يالله تطمنا عليه امشوا أوصلكم
هزت رأسها بالنفي:مو لازم مشكور انا بروح مع الدريويل
فيّ اقتربت منه:فيصل خلها انا بروح معها وخبر امي صعب اتركها لوحدها الحين
هزت راسها تطمنه وتنهد نيارا كارهته جدا لدرجه مو طايقه تركب معه بنفس السياره ...
