اليوم يوم الجمعه الي يتجمع فيها كل خوالها بدون استثناء لكن تنهدت وهي تتذكر زايد الي ماراح يكون معهم اليوم نزلت تحت بعد جهزت نفسها تاركه وراها كل الانهيارات الي عاشتها ارتسمت ابتسامته على محياها بفرح وهي تشوف زوجة خالها مرام ضحكت بعدم تصديق ومشت لناحيتها بسرعه حضنتها بقوه واردفت
لمى:متى جيتي وش هالمفاجأه الحلوه
ضحكت مرام بخفه ونعومه:اليوم العصر وصلت وخبرني حاكم عن الجمعه
التفتوا على تنهيدة ريم الي حاطه يدها على خدها وتتأمل مرام بهدوء واردفت
لمى:شفيك تتنهدين صوتك عالي
ريم اعتدلت بجلستها وحطت المخده بحضنها واردفت:هالنعومه كثيره على خالي حاكم
اتسعت عيون لمى بصدمه من كلامها واردفت اسراء:اي والله جمال ورقه ونعومه طاغيه حتى زياد طلع لك انتي جيتي تحسنين النسل
كتمت ضحكتها العنود الي كانت تسمع كلامهم:اسكتي لا تجيبين العيد اكثر تراك تسبيننا
سمر :وجعه اسراء قصدك حنى مو حلوين
اسراء رفعت حواجبها بصدمه:متى قلت اننا مو حلوين
تكتفت لمى واردفت بخبث تحارشها:وتحسين النسل وش تقصدين به
اسراء بعدم اهتمام رفعت اصابع يدها تعدل غرتها:اقصد نسل خالي حاكم
فزت على صوته من خلفها:وش به نسلي
تلعثمت بالكلام وضحكوا البنات واردفت لمى
لمى:تمدحه
حاكم:ايه حسبالي بعد
تقدم حاكم يقبل رأس امه صيته وجلس بجانبها ورفع رأسه يناظر مرام الي بمجرد ماطاحت عينها بعينه نزلت راسها بسرعه بتوتر بلعت ريقها والتفتت تسولف مع البنات هز رأسه بهدوء والتفت لحنين الي واضح الهم على وجهها تنهد واردف
حاكم:حنين شبلاك
هزت رأسها بالنفي واردفت لطيفه الي كانت عكس حنين تماما:لا تهزين رأسك الا بك شي قابلت علوان وهو ماقصر حسبي الله لا هو فاكها لا هي ولا بنتها
مدت العصا صيته تضرب لطيفه بخفه :وقص تدعين على اخوك ياقليلة الخاتمه
حاكم:يمه هذي ولدك بعد ماهو بقليل شر متفرعن عليهن كأن ماوراهن والي
تنهدت حنين وقامت من مكانها تصعد للأعلى والتفتت صيته لحاكم :وانا ادري عنه يامك انبح صوتي وانا اقول اعتقها اختك مالها غيرك مار مابأذنه ماء هالولد
لطيفه تكتفت:ماغير طبايعه غير بنت محسن حسبي الله عليها كأنها نشبت لنا فحياتنا
احتدت نظرات تركي للطيفه :اخوك ماقصر ببنت محسن سبب لهم فضيحه خلا حتى ولدهم الكبير يتوفى من وراه لا تفتحين هالموضوع ثاني مره
وقف وهو يستأذن قبل لا يجون باقي حريم اخوانه وعيونه على مرام قبل لا يطلع زفرت براحه بمجرد خروجه من المكان ووقفت تسلم على وصايف الي توها نزلت وبعد كم دقيقه عج المكان بالحريم والاقارب لعايلة فياض من ...
دخل البيت ومشى على اطراف رجلينه بهدوء سكر الباب وغمض عيونه بقوه خوف من أن يطلع صوت تنهد براحه وكمل طريقه يرقى الدرج طلع من امس ونام برا البيت بدون لا يتصل على احد من اهله او حتى يعطيهم خبر زفر براحه لمن وصل لغرفته مسك يدة الباب وفز بسرعه وخرشه بسبب الصوت الي جاه من الخلف
وريف:بو
حط يده على قلبه والتفت لها حطت يدها على بطنها وهي تضحك بصوت عالي اتسعت عيونه من صوتها وحط يده على فمها واردف بصوت خافت
حمد:اسكتي فضحتينا الله لا يفضحش
ضربت يده وخذت نفس:اف كتمتني بعد
التفتوا على صوت نيارا:شفيش صوتش عالي
عقدت حواجبها :ماشاءالله استاذ حمد توك تجي
حمد مسح على رقبته:امي وين
نيارا:الناس كلها تحت بالحديقه الي ورا ولا تخاف قلنا لهم انك بتنام عند خويك شلون ماتعطينا خبر
هز رأسه براحه وجاء بيدخل لغرفته ووقفت بوجه رفع حواجبه:شتبين
وريف:طلعني بشوف السعوديه من جينا ماطلعنا
مسك كتوفها يبعدها عن طريقه:ولاني مطلعش اصلا
وريف تكتفت:اوك وبقول لماما توك ترد البيت وماندري وين كنت
لف لها:روحي من قدامي لا اصكش الحين
دخل لغرفته والتفتت لنيارا:تستاهلين شتبين تحارشينه
وريف:ماعليش بيطلعني
وصلت رساله لجوالها وابتسمت باتساع تشوف رسالته يقول لها تتجهز عشان يطلعها رفعت الجوال لنيارا توريها الرساله واردفت
وريف:مو مرحب فيش
نيارا:لو بروح رحت غصبا عنش بس ماني طالعه
تجاهلتها وريف ونزلت تحت ولحقتها نيارا بينما حمد الي بعد مادخل غرفته دخل الحمام"تكرمون" ياخذ لها شور سريع بعد ما انتهى فتح جواله يشوف رسايل اخوياه عقد حواجبه واتصل على خويه واردف باستغراب بمجرد ماوصله الرد
حمد:وش الي تقوله
سيف:والله يارجال الحاره الي جنب الشارع مبلغه الشرطه احسن لنا نختفي كم يوم على ماتهدا الاوضاع
حمد مسح على وجهه هوايته الوحيده مو قادر يمارسها بشكل طبيعي:وش السبب
سيف :الجامعه يتحججون فيها
حمد عقد حواجبه:الجامعه وليه في احد يداوم بالليول
سيف:هذي حجه اقولك ولا عارفين السبب
هز رأسه حمد:طيب طيب توصي على شي
سيف:لا سلامتك
قفل من سيف ونزل تحت لاهله سلم على امه وابوه وجلس بجانب وريف واردف
حمد:متى نرجع قطر
التفتت امه تناظر بأبوه :بنرجع بس انت بتجلس هنا
سكت ثواني يستوعب كلام ابوه وهو يناظر فيه بهدوء مو مستوعب الكلام الي يسمعه من ابوه اعتدل بجلسته
حمد:مافهمت
ذياب لف له واردف ببرود :يعني تمسك الشغل هنا وحنى نرجع
اتسعت عيونه بصدمه ولف يناظر ابوه الي هز رأسه يثبت كلام ذياب :وش شغله انا ماني قد مسوؤلية الشغل هذا تبون تلسمونه لي ...
