بداية يوم جديد نزلت لتحت وشافت جدها وزايد جالس امامه عقدت حواجبها كان جدها مغمض عيونه دليل على الصبر وزايد امامه يترجاه بس ماقدرت تفهم وش الموضوع مشت تجاه اسراء وجلست بجانبها واردفت باستغراب
ريم:شصاير
اسراء الي كانت جالسه ومرتكيه وتناظر الوضع بملل:يعني وش الجديد بالله خالك يتطلب جدي يرجع يخطب له ميار مدري وش انعدام الكرامه هذي البنت بوجهه قالت ما ابيك بس ما يفتهم ياربي
عضت شفايفها بقوه وغمضت عيونها لمن حست بقرصه ريم القويه التفتت لها بغضب وضربتها
اسراء:خير ان شاءالله
ريم:ماتستحين تتكلمين عن عمك كذا
اسراء ناظرتها بطرف عينها:بالله اكرمينا بسكوتك
سكتوا جميعهم بعد ماسمعوا كلام جدهم القاطع لأمل زايد
فياض:والله اني ما ارجع لهم لعنبوك البنت رفضتك ماتبيك تبيني اروح ارجع لمحسن وولده وأخطبها مره ثانيه لو تموت كان الكرامه عندك ميح ماهي معدومه عندنا ياولدي ارفع علومك غيرها عشر ماوقفت عليها يوم انك ناشب بحلقونا
قام الجد فياض ينهي النقاش تنهد زايد:الوالد الله يسعده ماعنده جبر خواطر
اسراء الي كانت شاهده لكل شي من بدايته :وجدي صادق عندكم هوس لهالعايله مدري ليش صراحه وسبحان الله ماتطيحون إلا على عيالهم وبناتهم اولكم العنود وأخركم انت وليت ناس تستاهل ياربي أنا كنت مستانسه ان لمى رجعت والعنود بترجع بنفتك من هالعايله بشكل نهائي
زايد:بالله سدي حلقك
ريم:اسراء وجع شفيك صايره ماتعرفين تسولفين
سمر التفتت لهم:ومن متى بالله اسراء تعرف تسولف
اسراء:بالله اسكتوا لاني اقول الحق ماتبون تسمعونه محد فاهم غير خالي حاكم ابعد عن العايله وعن بنات محسن يفهم قسم بالله ماخلا احد يلعب عليه مثل بعض الناس
زايد بسرعه فصخ جزمته"تكرمون" وقام عليها فزت بسرعه تبي تركض بس سحبها مع شعرها ورجعها قدامه وأردف
زايد:انتي ناسيه اني عمك وأكبر منك ولا وش لسانك طولان تبين اوصل كلامك لفهاد اخليه يكفخك
اسراء :لا تكفى امزح معكم ياخي ماينمزح معكم بعدين أنا بنت اخوكم الكبير امون عليكم عمامي انتم
انهت كلامها وغمزت له كتم ابتسامته الي كانت بتخرج منه بشكل لا ارادي من حركاتها فلتها وأردف بتمثيل للجديه والعصبيه
زايد:بمشيها لك هالمره تسمعين المره الثانيه بكسر عظامك أنا
هزت راسها بالايجاب بابتسامه ورجعت جلست مكانها وطلع زايد من المكان وبقت هي وريم وسمر فقط واردفت
اسراء:يمه بغيتوا تاكلون لحم على حسي
ريم:تستاهلين يعني خالي زايد ماتعرفينه ليش تتكلمين كذا قدامه
اسراء:ياشيخه طيري انتي وياه ماتشوفين ذابحنا يبي ياخذ حفيدة محسن ياربي اكرهم هالعايله بالذات اكرهم
سمر:ياساتر ياسراء وش شفتي منهم عشان تكرهينهم ترا لو نجي للحق الغلط طلع مننا اول
اسراء:عاد القبول من الله بتحاسبوني عليه بعد
سكتوا سمر وريم النقاش معها ضايع مهما قالوا بيضل رايها نفسه
رفعت راسها على قدوم احد الموظفين الي وقف قدامها وأردف
الموظف:ساره المدير يبيك
هزت رأسها بالايجاب وناظرت بوسام الي غمزت لها قلبت عيونها ومشت تجاهه مكتبه بلعت ريقها وقفت قدام المكتب وبداخلها تردد بالدخول خذت نفس عميق فتحت الباب ودخلت للداخل كان يشتغل وبمجرد دخولها ترك كل شي بيده ورفع راسه لها رمى نظارته واشر لها تجلس مشت وجلست امامه واردفت
ساره:طلبتني
هز رأسه بالايجاب:بدك ياساره تستعدي
عقدت حواجبها باستغراب:لأيش
ناظر بعيونها واردف:عنا سفرة عمل
رمشت عدت مرات واردفت:سفرت ايش
لاحظ صدمتها وانقلاب وجهها :عمل
ساره:معنا احد
هز رأسه بالنفي وهو يراقب ملامحه وجهها وكل تصرف يبدر منها وقفت بسرعه وهي الي كانت تحس بتناقض كبير بداخلها بعد كلام تركي لها واردفت
ساره:لا اعتذر أستاذ شوف لك احد ثاني أنا ما اقدر
عقد حواجبه بطريقه تدل على استغرابه وعدم اعجابه بكلامه:بس هاد الشي مو قرارك هاد الشي اجباري
ناظرته بصدمه تعرف حقيقة مشاعره تجاهها ومشاعرها تجاهه مستحيل تروح معه بسفره مهما كانت الظروف تحبه وتحس بمشاعر تجاهه هذا شي ماتقدر تنكره بس بعد هي ماتقدر تنكر شعور عدم الراحه الي يراودها وينافس مشاعر حبها له كل ما اقتربت تجاهه هزت راسها واردفت بنبره صارمه وشديده تدل على رفضها القاطع
ساره:أستاذ اعتذر منك أنا ما اقدر اروح معك ولو اضطريت اقدم استقالتي راح اقدمها بس موضوع سفرة العمل ما أقدر أنا عندي ظروف
ناظر بعيونها بشكل مفاجىء لها وأردف:ظروفك ولا مابدك تجي معي
رمشت بصدمه من كلامه الي باغتها بشكل مفاجىء هزت رأسها بالنفي واردفت بسرعه تبعد شكوكه الي كانت بمحلها
ساره :أنا من جد عندي ظروف وماقدر اسافر اي مكان ولو كان لأجل شغل اسفه
سكت وهو يناظرها وتوترت من نظراتها كان بيتكلم بس عم الصمت بينهم لكن ارتفع صوت جوالها الي يدل على وصول رساله لها نزلت أنظارها لجوالها واردفت
ساره:اعتذر أستاذ اقدر اطلع
ناظرها لثواني معدوده بصمت وهز رأسه بالايجاب
طلعت وضل يناظر مكانها كان مبسوط من السفره الي جت بشكل مفاجىء وبحكم انه يحتاج يقضي معها وقت اكثر اختارها هي تروح معه كان متوقع الرفض وكان بيقنعها بس نظراتها وتوترها ضل يراقبها بصمت طوال وجودها امامه تنهد ونزل أنظاره للأوراق قدامه بينما هي طلعت برا نزلت أنظارها لجوالها وعقدت حواجبها باستغراب جتها رساله من رقم غريب فتحت الجوال ودخلت على الرساله تجمدت ملامح وجهها وكامل جسمها من الرساله الي قرتها نقلت عيونها بين الحروف والكلمات الموجوده امامها بدت انفاسها تتسارع ويدينها ترجف بجنون اتسعت عيونها تستوعب الكلام المكتوب سمعت صوت الباب خلفها يتسكر بلعت ريقها ولفت بصعوبه تجاهه رغم ان كامل جسمها يرجف وأنفاسها تتسارع بشكل جنوني رمشت عدت مرات وهي تنقل نظرها بينه وبين الرساله الي غيرت حالها 360 درجه تراجعت للخلف وهي تناظر فيه عقد حواجبه وكانت راح تتعثر بس تداركها وسحبها بسرعه والجمته بردت فعلها سحبت يدها بقوه من بين يدينها واردفت برجفه واضحه بصوتها وإصبعها يهتز وهي مادته قدامه بتهديد
ساره:لا تقرب
مشت بسرعه وخطوات كانت شبه راكضه سحبت اغراضها ونزلت بسرعه لتحت ركبت سيارتها وسكرت الباب وقفلت جميع الابواب حطت يدها على صدرها الي يعلوا ويهبط بصدمه نزلت نظرها لجوالها وهي ترجع تقرا الرساله من جديد والصدمه كل مالها تنزل عليها وكأنها لتوها تقرا الرساله كان مضمونها" كريم ولد اخو سمير" تعرف هالإسم عدل الرجل الي هربت معه عمتها ومن بعدها تدمرت كامل حياتهم بلعت ريقها وهي تحاول تهدي نفسها ولتوها تفهم تصرفات تركي غمضت عيونها وضغطت عليهم بقوه هاجمها صداع قوي
