تراجعت للخلف وحطت يدينها على راسها من هول الصدمه والكلام الي سمعته منها رمشت اكثر من مره وجلست على الكرسي رجولها ماقدرت تشيلها ناظرت بالعنود الي كانت دموعها تنزل بصمت واردفت بجنون
ريم:تسمعين وش تقولين العنود وش يعني متزوجين بعلم خوالي تماديتي حيل انتي
زحفت العنود على رجلينها بسرعه ومسكت ركب ريم واردفت برجاء:لا تكفين ريم تكفين يذبحوني والله يذبحوني
ريم ضربتها كف من حر ماتحس فيه واردفت بحده:تستاهلين وقليل فيك الذبح تبين تجلطيننا انتي ماخذه مشعل ولد محسن ،ولد محسن العنود
هزت رأسها بالنفي:غير هو غير والله غير ريم ماضرني ولا سوا لي شي ودام خطبوا لمى راح يخطبني رسمي والله بس تكفين لا تقولين لأحد مستعده اسوي اي شي
باست يدين ريم وارتفعت صوت شهقاتها ببكاء:اي شي والله اي شي بس لا تقولين لأبوي او خوالي
ريم ناظرت بعيونها الي يشع من الرجاء سحبت يدينها ورفعت رأسها مسحت على دموعها الي نزلت على وجهها وخذت نفس عميق ورجعت تناظر بالعنود واردفت بهدوء يعاكس انفجاراتها قبل شوي
ريم:متى وشلون
صغرت عيونها ومسكت كتوفها بقوه واردفت:سوا لك شي قرب منك
العنود سكتت لثواني واردفت:قبل ٨ شهور ،ريم حنى نحب بعض من لمن كان خوي زايد حتى قبل لا يفضح خالي علوان اختهم خذيته تزوجنا بالسر
ريم غمضت عيونها بقوه:وتزوجك بعد فضيحة اخته لهدرجه انتي غبيه ماتفهمين
العنود:لو بيأذيني كان اذاني من ٨ شهور بس هو اختارني رغم كل شي صار بين اهله وبيننا اختارني انا
مسكت يدين ريم وناظرت بعيونها عيونها تلمع حب لمشعل حست ريم ان عيون العنود معميه من حبها له:انا واثقه فيه وادري بمدى حبه لي وادري انه ماراح يسوي اي شي يتسبب بأذيتي
ريم ناظرتها ببرود واردفت:ماراح اتكلم الفتره هذي يأنه يجي يخطبك من ابوي وتتزوجينه علن يأن تنفصلين عنه ولا من شاف ولا من درى تسمعيني انا ماراح استرك وانتي على خطأ
قامت بدون لا تسمع ردها تاركه العنود وراها الي كانت تعض اصابعه بتوتر الي مريح العنود انها ماراح تتكلم للوقت الحالي
جلست على الكراسي بتعب اضطرت تداوم اليوم لانها لو ماداومت بتاخذ حرمان من هالماده غطت عيونها بسبب الشمس وتأففت الدنيا حر واخوانها بالدوام فتحت شنتطها وحاولت تأخذ الابتوب حقها بس مع يدها المكسوره كان صعب عليها رفعت رأسها للبنت الي تقدمت لها واردفت بأبتسامه
نيارا:اساعدش
بادلتها الابتسامه فيّ وهزت رأسها بالايجاب :اكون ممنونه لك
طلعت الابتوب نيارا ومدته لها واردفت فيّ:مشكوره
نيارا:ولو
فيّ لفت لها:اجلسي عندي شكلك جديده اول مره اشوفك
ابتسمت نيارا ورجعت شعرها خلف اذنها:ايه توني ابتديت هالكورس معكم انا جديده هنا اسمي نيارا
فيّ مدت يدها تصافح نيارا:عاشت الاسامي انا فيّ
نيارا جلست :عاشت ايامك ،ودي اجلس معش بس ماقدر اخوي برا ينتظرني
هزت رأسها فيّ واتصل جوالها برقم اياد:اجل اطلع معك اخوي برا
طلعوا نيارا وفيّ مع بعض تتبعت فيّ نيارا بعيونها وتجمدت مكانها وهي تشوفه واقف ومرتكي على السياره ينتظرها ابتسمت باتساع وتعلقت عيونها عليه راحت لمكان ثاني تماما بتفكيرها لكنها صحت على صوت البوري الي ضربه اياد تأففت وركبت السياره ضربت الباب بقوه وحقد لانه خرب عليها متعة النظر التفت لها بصدمه واردف
أياد:وجع
صرخت بوجهه بقهر :توجعك
اتسعت عيونه بصدمه ولفت قدام مقهوره منه
