عن الصمت بالمكان بصدمه من بكاها المفاجئ الي ولا واحد حسب حسابه توتر تركي ولف عليها بصدمه وأردف
تركي:انتي ليه تبكين الحين
عضت شفايفها بقوه وصاحت زياده من الاحراج كل شي إلا انها تبكي قدامه حاولت تمسك نفسها بس ماقدرت والحين صاحت زياده بعد ما ادركت انها فشلت نفسها وبكت امامه كان ناصر متوتر وبنفس الوقت خايف عليها ومايقدر يسوي شي تمنى انها تجاوب على سؤال تركي بس فاجأتهم لمن بكت زياده
تركي:حسبي الله على العدو وش يبكيك
شدت على يدها:رجعني البيت تركي كله منك انت شغلك عند ابوي
تركي بصدمه:وش سويت أنا شدخلن
سمر:رجعني البيت ولا تتكلم دام النفس طيبه عليك للحين
اتسعت عيونه بصدمه مايدري وش مسوي عشان تلقي عليه الاتهامات هذي بينما ناصر الي كان يدري انها ماتقصد تركي لكلامها إنما تقصده هو لف بهدوء وناظرها شمقت له بعيونها واردفت
سمر:والله ما رجع معكم برجع مع السواق
اتسعت عيون تركي :بنت صاحيه انتي ناصر حرك هذي انجنت
ناصر حرك السيارة ومدت يدها سمر وقرصت تركي صرخ بألم وهو يمسك يده ولف عليها ناظرته بحده ورجع يناظر الطريق وهو يستغفر كتم ضحكه ناصر الي رغم توتر الوضع إلا ان تركي ضحكه ،وصلوا للبيت ونزلت بسرعه وصفقت الباب بقوه اتسعت عيون ناصر بصدمه ولف تركي يناظرها
تركي:شوي شوي كسرت الباب
هزت رأسها:احسن
دخلت للداخل وقابلت صيته:وين الاغراض سمر
سمر:نسيتهم يمه بسيارة تركي خل يروح ويجيبهم لك الشيخ بس نايم
صيته:بسم الله شبلاك انتي
سمر جلست بجانب ريم:مافيني شي
ريم التفتت تناظر فيها:باكيه انتي
سمر ناظرتها بحده:لا
ريم:بسم الله شعندك رجعت شياطينك
اسراء جت من بعيد:ايوه انذارات حمر بالبيت لحد يكلم سمر من هنا لخمس ساعات الوضع بحاله خطر ممكن يصير انفجار بأي لحظه
سمر:اسراء انقلعي عن وجهي لا اصفقك بالمول الي قدامي مو ناقصني إلا انتي
ريم ابتعدت عنها ودخل زايد عقد حواجبه وهو سمع كلام سمر الاخير :شفيكم شصاير
اسراء لفت له وهمست:ام العبيد زايرتنا اليوم
عقد حواجبه ولف يناظر سمر وهز رأسه بتفهم:اها خلاص من هنا لكم ساعه برجع لكم الوضع صعب النقاش فيه
هزت رأسها وهي تأشر بيدها يروح والتفتت لسمر بتعجب من حالها بينما سمر نزلت نظرها لجوالها الي رن يعلن وصول رساله فتحت الواتس وشافت الكلام "سمر أنا ناصر"
سحبت جوالها وهي تكتب بسرعه"توك تفكر ترسل برقمك الجديد"
ارسلت الرساله هذي وبكلته ورمت جوالها بغضب حتى هي ماتدري ليش عصبت فجاءه بس يمكن بسبب الموقف الي ماصار إلا امامه وبكاها قدامه الي زاد الطين بله...
طول الطريق كان الصمت سيد المكان تناظر الشوارع من الشباك بشرود حياتها تغيرت كليا وهي كانت منتظره حياه وعوض اجمل ماكانت متخيله انها بتبدأ حياه بالشكل هذا تنهدت ولف يناظر فيها بعد ماكان مركز بالطريق ناظرها لثواني ورجع ناظر بالطريق بعد وقت وصلوا لبيتهم نزلت ونادى عبدالعزيز العاملات يشيلون الشنط التفتت تناظر فيها وهي تمشي خلفهم شافتهم ياخذون شناطها للغرفه الي من المفترض تكون غرفتهم الاثنين لكنها استوقفتهم وقف هو التفت لها يسمع كلامها مع العاملات
لمى:شناطي انا خوذوها لغرفه ثانيه
مشت العامله بتحطها بالغرفه المقابله لكن وقف امامها عبدالعزيز وسحب الشنطه من يدها واشر لهم بعيونه وانصرفوا رفعت راسها تناظر فيه واردفت
لمى :لا تتوقع اني بكون معك بنفس الغرفه
عبدالعزيز:غرفتنا وحده مافي غرفه غيرها تستقبلك لا تعاندين احسن لك
رفعت حاجبها :تهددني
عبدالعزيز:إذا بتفهمينه تهديد براحتك كل شي تفهمينه غلط
لمى ناظرت بعيونه:فهمني إذا انا مو فاهمه ليه تخليني بالموضع هذا
عبدالعزيز:لانه اختيارك تكونين فيه
رمشت وهي تشوفه يسحب الشناط ويدخلهم غرفتها تنهدت ماتبي تكون معه بنفس الغرفه دخلت ومو اول مره تشوف الغرفه لانها سبق وجتها شافته ياخذ له ملابس واردفت
لمى:دور مكان تنام فيه لان ماراح تنام معي بالسرير
رمى تيشيرته وهو يناظرها ولبس تيشيرت ثاني بدون لا يرد عليها تجاهلت نظراته لها واتجهت لشنطة ملابسها ترتبها لكن استوقفها بكلامه
عبدالعزيز:العامله الحين تجي ترتب الملابس اتركيهم
التفتت له:ما احب يمسك أشياء تخصني ملابس أنا أرتبها
هز راسه ودفع شنطته تجاهها:اجل رتبي ملابسي معك
رفعت حاجبها:قلت أشياء تخصني مو تخصك
عبدالعزيز ارتسمت شبه ابتسامه على وجهه وتكتف:انا اخصك يعني الاشياء الي تخصني بعد تخصك
ناظرت فيه لثواني بدون رد تدري انه يسوي كذا عشان يقهرها بس ماراح تخليه يوصل للي يبيه دفعت الشنطه تجاهه واردفت بنفس الابتسامه
لمى:صدقني انت وأشيائك ماتعنون لي أبدا
هز رأسه وهو يسحب مفاتيحه:اليوم راح ارجع متأخر انتبهي على نفسك
مشى بعد ماقال كلاماته ولفت عليه واتجهت له بسرعه وقفت خلفه واردفت
لمى:متى يعني تقريبا بترجع
عبدالعزيز التفت لها :الفجر
هزت رأسها بالايجاب بهدوء ورجعت لغرفتها وهو كمل طريقه بعدم اهتمام لسؤالها بينما هي خذت جوالها وارسلت للبنات والعنود يجونها اليوم دامه ماراح يرجع إلا الفجر ومستحيل تجلس لحالها بالبيت طول هالمده وهي محتاجه انها تجلس معهم الفتره هذي تحس انها اشتاقت لهم كثير ...
