" ဘာခိုင်းစရာရှိလို့လဲဟင် အစ်မ "
" မရှိပါဘူး အငယ်ရဲ့ "
မီးဖိုချောင်ထဲကို ထင်းချောင်းတွေသယ်ထည့်နေတဲ့ဒင်္ဂါးကို အရိပ်တကြည့်ကြည့်လုပ်နေတဲ့ အစ်မငွေမှုန်ကို မေးလိုက်တော့ ခေါင်းခါပြီးပြန်ဖြေသည်။
" ဒါဖြင့်ရင် ဘာလို့ကျွန်တော့်ကို တကြည့်ကြည့်လုပ်နေတာလဲ "
ဒင်္ဂါးထပ်ပြောလိုက်တော့ သင်လက်စကင်ပွန်းချဉ်ရွက်ဗန်းကို ကြောင်အိမ်ပေါ်တင်လိုက်ပြီး ဒင်္ဂါးအနား ရောက်လာသည်။
" အစ်မ အငယ့်ကိုပြောပြစရာရှိတယ်... မပြောပြခင်မှာ အငယ့်ကိုအရင်မေးချင်တာလဲရှိလို့ "
ဘာကိစ္စပြောမှာမို့ စကားပျိုးနေမှန်းမသိတဲ့ အစ်မဖြစ်သူကြောင့် ဒင်္ဂါးယောင်နနနဲ့ သယ်လက်စထင်းချောင်းကိုပြန်ချပြီး အစ်မငွေမှုန်အနားကပ်ထိုင်လိုက်သည်။ အခုဒင်္ဂါးတို့ပုံစံက ကလေးဘဝမှာ အမေမသိအောင် မီးဖိုဆောင်ထဲဝင်ပြီး ပုစွန်ခြောက်ခိုးစားနေသလို။
" ဘာမေးမှာမို့လို့ စကားပလ္လင်ခံနေတာလဲ အစ်မရဲ့ "
" ပစ်တိုင်းထောင်နဲ့ အငယ့်ကိစ္စလေ... အငယ့်ဆန္ဒ ဘယ်လိုရှိလဲဟင် "
ငွေမှုန်မေးလိုက်တော့ နဂိုအသားဖြူတဲ့အငယ့်မျက်နှာက စွေးစွေးနီလာသည်။ ငွေမှုန်အကဲခတ်ကြည့်မိသလောက်ဆို အငယ်ကလည်း မောင်ငယ့်အပေါ်မေတ္တာရှိရှာပါသည်။ သူ့စိတ်သူမသိသေးတာကြောင့် မဆုံးဖြတ်နိုင်သေးတာကတော့ တစ်ပိုင်းပေါ့။
" ကျွန်တော်လည်း မပြောတတ်ဘူး... ထင်မထားတဲ့ကိစ္စဆိုတော့ "
" အစ်မ နားလည်ပါတယ်... အငယ်က အကုန်လုံးအပေါ် စေတနာထားပြီး စိတ်ရှင်းတဲ့သူဆိုတော့ တစ်ဖက်လူကိုယ့်အပေါ်ဘယ်လိုသဘောထားထား အငယ်က စိတ်ရင်းနဲ့သာမို့ မောင်ငယ့်ရဲ့စိတ်နေဟန်ထားကို အငယ်သတိမထားမိတာ သဘာဝကျပါတယ် "
ဝေခွဲမရဖြစ်နေတဲ့အငယ့်ကို ငွေမှုန် ဖေးဖေးမမပြောလိုက်သည်။
" အစ်မရော ကျွန်တော့်အပေါ် ဘယ်လိုမြင်လဲဟင်... ကျွန်တော်က အဲလို "
YOU ARE READING
မောင်တို့ဆိုလေ ပျားသကာသို့ချိုလှစေ [[ Complete ]]
Genel Kurguရယ်စေ၊ မောစေ အသက်ရှည်စေ ဟာသနှော၍ ရယ်မောပျော်ရွှင်စေရန်အလို့ငှာ လုလင်မောင်မောင်(ပစ်တိုင်းထောင်) နေမင်းပုည(ရွှေဒင်္ဂါး) (Own Creation) Starting Date •• 1/4/2024 Ending Date •• 22/9/2024