နယ္အုပ္႐ုံးဖြင့္ပြဲၿပီးေတာ့ ၿမိဳ႕အုပ္မင္းတို႔က ၿမိဳ႕ျပန္ဖို႔ျပင္ၾကသည္။ အစကေတာ့ အစီအစဥ္မရွိေသးေပမယ့္ မင္းကေတာ္ေလးက ပစ္တိုင္းေထာင္ကို ဒီႏွစ္ဟိုက္စကူးျပန္ေျဖေစခ်င္ေၾကာင္း၊ ဒဂၤါးသာ ေခါင္းညိတ္မယ္ဆိုရင္ ဒီမွာမဂၤလာဆြမ္းေကြၽးၿပီး တစ္ခါတည္းေခၚသြားခ်င္ေၾကာင္း အဘနဲ႕အစ္မကိုေျပာလာသည္။
အဘကလည္း ဒဂၤါးရဲ႕သေဘာထားကိုနားလည္စြာ လူေလးဆႏၵရွိတဲ့အတိုင္းလုပ္ပါလို႔သာ ေျပာသည္။ အစ္မေငြမႈန္ကေတာ့ ဘာပဲျဖစ္ျဖစ္ မျငင္းသာမယ့္အတူတူ အခုေနလက္ခံလိုက္ရင္ ေမာင္ငယ္ပစ္တိုင္းေထာင္လည္း စာက်က္ခ်ိန္ပိုရလာေပလိမ့္မည္ ဆိုတာကတစ္မ်ိဳး၊ ေမာင္ငယ္က အငယ္လက္မခံမခ်င္း ျပန္မယ့္ပုံမေပၚဘူး ဆိုတာတစ္ဖုံ နားခ်ေနသည္မို႔ ဒဂၤါးမွာ လူႀကီးေတြေကာင္းသလိုစီစဥ္ပါ ဟူ၍သာ လက္ခံလိုက္ရေတာ့သည္။
အခုလည္း ႐ြာဦးေက်ာင္းဆရာေတာ္ဆီမွာ မဂၤလာဆြမ္းကပ္ၿပီးတာနဲ႕ ၿမိဳ႕ျပန္ဖို႔ျပင္ေနၾကသည္ကို မိကဲတို႔တစ္စုနဲ႕ ကိုဘေမာ္တို႔ကာလတစ္သိုက္က အိမ္ေရွ႕မွာ ပစၥည္းဝိုင္းတင္ရင္း လူစည္ေနၾကျခင္းပင္။
" ဟ!. မိကဲရာ. ဘယ္ႏွယ့္ေၾကာင့္ အဲေလာက္ငိုေနရတာလဲ... ေ႐ႊဒဂၤါးနဲ႕တစ္သက္လုံးမေတြ႕ရေတာ့မွာက်ေနတာပဲ "
" ကိုႀကီးပစ္တိုင္းေထာင္က ေခၚသြားတဲ့လူဆိုေတာ့ ေျပာအားရွိတာေပါ့... မိကဲတို႔က ဒီမွာလြမ္းက်န္ေနခဲ့ရမယ့္လူေလ "
ေမာ္ေတာ္ကားေဘးမွာရပ္ၿပီး တရႈံ႕ရႈံ႕ငိုေနတဲ့မိကဲကို ပစ္တိုင္းေထာင္က ခါးႏွစ္ဖက္ေထာက္ရပ္ၾကည့္ရင္းဆိုသည္။
" ေအာင္မာ. ညည္း အဲသလိုေျပာေၾကးဆို ငါလည္း ေခြးပုကိုထားခဲ့ရတာပဲေလ "
" တူမလားလို႔. ကိုႀကီးပစ္တိုင္းေထာင္ရဲ႕... တျခားမေျပာနဲ႕... အေသြးအေမြးပဲယွဥ္ၾကည့္ပါဦး... ကိုႀကီးပစ္တိုင္းေထာင္ယူသြားတာက မိကဲတို႔႐ြာကသူႀကီးသား ျဖဴႏုႏု၊ ေဖြးဥဥေလး... ထားခဲ့တာက အသားမည္းရတဲ့အထဲ က်ီးကန္းကဘဲဥကိုခ်ီခ်င္ေနတဲ့လူမ်ိဳးေလ "
မိကဲက ကားအေနာက္ဘက္မွာ အထုတ္ေတြတင္ေနတဲ့ ေခြးပုကို မ်က္ေစာင္းတထိုးထိုးနဲ႕ ပ်စ္ပ်စ္ႏွစ္ႏွစ္ေျပာေတာ့ ေခြးပုမ်က္ႏွာရႈံ႕မဲ့သြားသည္။ အသက္မတိမ္းမယိမ္းအ႐ြယ္ေလးေတြမို႔ သူႀကီးတို႔လူႀကီးေတြကေတာ့ ၿပဳံးၿပဳံးနဲ႕သာ နားေထာင္ေနေတာ့သည္။
YOU ARE READING
မောင်တို့ဆိုလေ ပျားသကာသို့ချိုလှစေ [[ Complete ]]
General Fictionရယ်စေ၊ မောစေ အသက်ရှည်စေ ဟာသနှော၍ ရယ်မောပျော်ရွှင်စေရန်အလို့ငှာ လုလင်မောင်မောင်(ပစ်တိုင်းထောင်) နေမင်းပုည(ရွှေဒင်္ဂါး) (Own Creation) Starting Date •• 1/4/2024 Ending Date •• 22/9/2024
![မောင်တို့ဆိုလေ ပျားသကာသို့ချိုလှစေ [[ Complete ]]](https://img.wattpad.com/cover/364948445-64-k218573.jpg)