لو درينا عن هوانا وش مصيره..كان قبل الحب صلينا استخاره .

البارت ٢

ساره : ولا راح اقتنع لاني فاهمة بس مو عارفه مين هذا اللي تعلقين آمالك فيه وكانت مطلعه الورقه بيدها
لا وعندكم مرسول حب بعد جاي وبكل جرأه ينتظر بنت مهند الحين تعلميني بكل شي يا غدير
غدير : اجل ما دام الوضع صار مكشوف خليني اقول
وسكتت وبعدين قالت انا بروحي شفت روحي عند ماي العين بعد ماكنت اظن ان الخفوق أعمى وابتسمت بسرحان واهي مغمضه لاكن قاطعة عليها اللحضه التخيليه ساره
ساره : ما شاءلله وصايره تعبرين بعد
غدير : لا تتمسخري يا ساره رح يجي لك يوم وتحبين وتتذكرينه كل يوم وباسمه تهذين بعد
ساره : اي اي خلينا مني انا كملي قولي مين هذا وكيف تعرفتي عليه
غدير : تذكرين يوم كنتي تعبانه وما قدرتي تروحي ترعي الحلال وأخذت مكانك انا بذاك اليوم بالضبط تعرفت على فهد عند عين الماي وكنت وحدي هناك ما كان في احد وبعدين تعلقت فيه من اول مره ياساره من اول مره حسيت بشعور غريب ماحسيته من قبل وما اكذب عليك احنا بين فتره وفتره نلتقي ونسأل عن الحال ونسلم والله ماغيرها عشان لا تعتبي علي
ساره : وشلون تلتقون يعني انا كل يوم هناك والبنات هناك شلون ماحد يشوفكم يعني شلون ما شفتكم انا ولا مره
غدير بصدق : اصلا حنا مو كثير نلتقي ولقانا الثاني كان صدفه بعد لاكن من بعدها واحنا نتواعد بالمرتبه  عند شجر التفاح الحامض حقنا قلت له اني اتواجد هناك كل يوم عشان اجني التفاح واهو حفظ المكان وكنا نلتقي هناك بس والله العظيم ياساره رب العرش العظيم انه ما نسوي شي غلط بس يجي يسلم ويسأل عن الحال وقسم بالله حتى ماقد لمس يدي لا تظنين انه امشي بطريق الغلط صح احب بس ما اتعدى حدود ومحارم الله
ساره بحنيه : بس ياغدير انا خايفه عليك خايفه تكونين متأمله بشي كاذب خايفه من انك تركضين ورى سراب وهمي ما تدرين وين يوديك خايفه يكون لعوب يا غدير ويجرح قلبك وانا ماعندي بالدنيا غيركم يا غدير
غدير بهدوء: بس انا يا ساره واثقه من حبه لي وما رح افرط فيه يا ساره لا تحاولين
ساره : انتي ادرى ياغدير لاكن لا تكون ثقتك عمياء خلي شوية مجال للشك فقلبك عشان لا تنكسرين لو صار شي
غدير: ما رح يصير ان شاء الله وبخجل وتردد وووهاتي المكتوب اشوف وش كتب هذي اول مره يكتب لي شي ويرسله اكيد في شي يمنعه اخذت الورقه وقرت المكتوب *
ساره بسخريه: واكيد بعد وش دراك يمكن يكون مل ووده يختفي بس شوي شوي او يحاول يخليك تشتاقين له وتتعلقين فيه أكثر ويكسرك بعدين
غدير بثقه: ما تخافين ياساره وسكتت شوي وقالت:
سبعون عذرآ لو جفاء أعطيه وأزيده بالحب ما يكفيه
لاكن إذا بالذيل يلعب عامدآ قولوا لمن ولدته ان ترثيه
هذا كلامي وانا منتبهه لنفسي يا ساره وتأكدي ان بنات مهند الفيصل ما يجي منهن الشين كوني واثقه
ساره بابتسامة دافية: واثقه فيك يا نور عيني يالله نروح نصلي ونتغدى
بعد ما صلوا وتغدوا راحت ساره متوجه لدرب يكون سبب شقيتها بالمستقبل لاكن القدر مكتوب حتى لو ما راحت ...............&&&&&&

        ببيت بندر ال مطلق

ام حسين : يالله يا ميثا نادي اخوانك وابوك وتعالوا تغدوا
ميثا  زين يمه وتوجهت تناديهم وبصوت رافع: إلى القوات المسلحه اذا كنتم جائعين نطلب منكم التوجه إلى طاولة الطعام للمداهمه
طلال : ايييي  انا اول المداهمين  مافيها كلام
ميثا : انت متى تشبع اصلا
طلال رماها بحذاءه (وانتم بكرامه)لاكن ميثا تفادته : وانتي وش دخلك آكل من فلوسك انا
ميثا : مالت عليك ياحيوان وهربت
بعد ما اجتمعوا كلهم على الطاوله وهم يأكلون بس حسين سرحان
طلال بمزح (اخو حسين): هيييي وش بلاه حسينااا لايكون عشقاااان وغمز له
حسين ضحك : لا عشق ولا بطيخ يا بطيخ بس افكر بعدين انا وين والحب وييين بالله شايف وجهي وجهه حب
وهو اللي كان صادق لانه كان يفكر وشلون فهد حب هذي من اول مره وشلون تعارفوا من اول مره واهي اسلوبها مو سلس كيف قبلت تكلم فهد بهذي السرعه واهو شايفها متعجرفه
طلال بمزح : اي اكيد وجهك وجه عله وشلون يحب  وناظر بغرور مازح وكمل اذا قلت انا ما كذبت ترى عشر يراكضن وراي
ميثا بنص عين : وشو عشر
طلال : بنات وشو يعني
ابوحسين  : عشر وشوو
طلال حك راسه : دجاج دجاج طال عمرك
الكل : هههههههههههههههههههههه
(طبعا ابو حسين عنده مزرعة دجاج وعنده مزارع خضار )
ام حسين : من يوم يومك مرجوج حتى ولادتك بالثامن والا وش تبي فيك الدجاج يعني حبوب انت
طلال : يمه لا تعيشي مع السالفه تراها تصريفه من ابوي  بس ههههههههه المعذره ابو حسين انت لا تسمع تراها خلف الكواليس
الكل: هههههههههههه
سحر : الا طلال عاد مااسمح لكم تضحكون عليه
ميثا : حتى بالتصريفات فاشل
طلال: اسكتي على اساس انتي الفالحه بكل شي الله يخلي لي سحر اللي تحبني
ميثا كانت تبي ترد لاكن قطع عليها ابو حسين : خلاص اسكتوا الله يقلع ابليسكم متى تبطلون مناقره انتو