لو درينا عن هوانا وش مصيره..كان قبل الحب صلينا استخاره .

البارت ٣١

عند البنات بالعرس عبير راحت عالحمام ورجعت ما شافت جوالها مكان ما حطته
عبير بغيض تشوف سديم  : أكيد معك يا حيوانه ايي بسكت وأشوف إذا بترجعينه والا لا
وجلست تكمل جلستها وماغير تخز سديم بالنضرات وراحوا اغلب الحريم وصار المكان أخف بكثير
أم عبير : عبير يالله نروح صار وقت
عبير : اي لحضه جوالي مدري وين اختفى بشوف واجي
أم عبير: بدخل ألبس عبايتي وانتي شوفينه
عبير: زين وراحت أم عبير وعبير دورت  شوي وما شافته ولفت على سديم :هيي وين جوالي
سديم رفعت حاجب : عفوآ
عبير : أقول وين جوالي
سديم : اشمعنى أنا من بين الكل خير قالوا لك آني حرامية وأسرق الجوالات
عبير : بلا كثرة كلام أنا متأكدة أنه معك طالعينه
سديم : انتي اللي بلا كثرة كلام كان دورتي علية من البداية مو تنتظريين الين يمشوا الحريم ويعلم الله يمكن يكون انسرق وبعدين تجي تلزقينها فيني صدق مجنونه وقلبت عيونها 
عبير بصراخ وتهديد : اسمعي عاااد أنا مارح اصبر على كلامك طلعي الجوال أحسن لك والا والله لا تندمي
سديم بصراخ اعلى : طيب لا تصبرين  بس ماعاد لقيتي غيري تتهميني بالسرقة ابلعي لسانك والا والله لا كسر راسك
سراب: بس بس يا بنات تعوذوا من الشيطان وش هالكلام
سحاب : وانتي يا عبير عيب هالكلام إذا جوالك ضايع روحي دورينه مو تتبلي عالناس ما يجوز
عبير : وش اللي اتبلى مافي غيرها بتسويها أكيد والله مافي غيرها حيوانه
سديم : جعلك السلااال يا مريضه
غدير تسحب سديم : سديم خلاص خلاص يالله نمشي
عبير : وين وين والله ما تروح إلا تطلع جوالي
أم عبير جات : وش فيكم اصواتكم طالعة عبير لقيتي جوالك يالله
عبير : لا مالقيته وأنا متأكدة أنه مع سديم يمة والله مافي غيرها بتأخذه
سديم بصراخ   : سمعتونها أنتو تسمعونها  وش تقول هالحيوانة بعدها تتهمني بنات أمسكوني لا اذبحها
أم عبير : بس سديم اسكتي وانتي عبير وش هالكلام ليش ما تتهمين إلا سديم ترى عيب
عبير ببكى : والله يمة مافي غيرها تآخذه مين يعني بتآخذه
أم عبير : وانتي ليش تكلمتي هالحين أنه ضاع ليش ما قلتي يوم كانوا الحريم كلهم باقيين ما مشوا هااا وش يعرفك أنه ما آخذه غير سديم
عبير صرخت : لأن مافي مصلحة بهالشي لحد غيرها ولفت لسديم طلعيه يا جزمة (وانتم بكرامة)الله يآخذك
سديم : خلاص عاااد يالله يالله بنات هذي مجنونة مجنونة
عبير تبكي وماعاد تركز وش تقول : أكيد انتي اللي اخذتية لأني صورتك صح انتي اخذتيه عشان صورك أكيد قولي
سديم بحلقت عيونها وهمست : صور ايش صورتي مين انتي
عبير ادركت اللي قالته وانلجمت ماعرفت وش ترد
سديم صرخت : انطقي الله يآخذك متى صورتيني وش تخربطييين
أم عبير : عبير صور وش انطقي
عبير وهي تشهق : يمة أنا صورت سديم وهي ترقص والله ما كان قصدي شي والله بعدين رحت عالحمام ورجعت ما شفته مكان ما حطيتة قلت أكيد معها أو مع وحدة من البنات وسكت قلت لما بنمشي بسألهن بس والله كنت بمزح معاها بالصور يمه ما غيرها
سديم لفتها وضربتها كف: وش ذا المزح الزفت اللي زي وجهك هاااا الله لا يجيبلك العافية الحين لو انة انسرق وما ضاع وصار شي بالصور هااا وش راح نسوي هااا وضربتها الكف الثاني أنا وش اسوي لو انتشروا صوري من ورى تخبيصك وحقدك وتفاهتك اللي مالها معنى جعلك للموت يا غبية
سارة تمسك سديم وتهديها : سديم اهدي اهدي ماراح يصير شي انتي بس  اهدي
سديم تمسك رأسها وبعصبية : وشلون اهدى وشلوووون فهموني كيف يعني اهدي يا سديم ولفت على عبير ومسكتها من معصمها وهزتها بقوة اسمعي يا حيوانة قسم باللة لو ادري إن صار بالصور شي ما ارحمك فهمتي زيين والله لو صار فالصور شي لاخليك تندمي انتي بس ادعي أنه ما يصير شي والا ودعي روحك ودفتها بقوة ومسكتها امها  وراحت وكلهم لبسوا عباياتهم وراحوا

بالبيت كلهم جالسين وسديم جالسه تهز رجولها وسارة تناظرها بهدوء
سارة ببرود : اييي وبعدين
سديم ناظرت بخوف : وشو بعدين
سارة : لمتى ناوية تكملي تمثيل
سديم : اي تمثيل سارة وش تقولين
سارة : سديم لا تحسبيني ما أعرف اللي صار تراني فاهمة كل شي وين الجوال
سديم : جوال وش
سارة : جوال عبير تراني شفتها لما قالت لمسؤلة القاعة وترجتها تجيب لها جوالها عشان معاها اتصال ضروري وبعدها صورتك بدون ما ننتبه وحطته وراحت الحمام بس لما انتي أخذتيه انتبهت لك ترى والحين تفهميني اللي صار  وتراني معك لو ماني معك ما سكت
سديم فرحت انه سارة ما بتهاوشها وهي كانت آكله همها لو تعرف
سديم بنشوه : اي صراحة انتي شفتي من أول ما بدينا بقصتي مع أم فواز وفواز دخل بالسالفه وعبير واضح أنها تحبه فيمكن انغاضت مني من وقتها وهي اصلا دائما تكرهني يمكن من هذا الموضوع وهي اللي بدت تتحركش فيني أول شي دفتني على الحريم وقال وش قال بالغلط وبعدها شفتها يوم كنت أرقص تصورني بجوالها قلت والله ما اسوي حوبه وما اضمنها وبعدين محد يعرف انها صورتني عشان كذا سرقته اكسره بكله واكسر خشمها بهالحركة ومنها بردت قلبي بكفوف لوجهها الزفت وبان آني أنا المظلومة وهي اللي ما تفهم وتتهور وتتعدى على الناس
غدير بتفاجئ عصبي :سارة تسمعينها وش تقول ولفت على سديم انتي وش مسوية كان قلتي لها تمسح الصور وخلاص مافي داعي تآخذين جوالها يا بقرة
سديم ساكته وخايفة من سارة لا تنقلب عليها بعد كلام غدير
سارة بهدوء : أبد أنا مع سديم وناظرت بغدير
غدير : وش ؟! انتي معاها آخذة جوال البنت المدام وضاربتها وتقولين معاها وش فيك صار لمخك شي
سارة ببرود : لا والله بكامل قواي العقلية الحين أنا دائما اهاوش سديم إذا كانت غلطانه واذا تعدت لسبب تافه وبعدين فواز كل الديرة تعرف أنه يحب سديم يعني سديم حتى ولو أنه غلط تتكلم عن هالموضوع بس مو تبلي ولا اختلاق وكذب الكلام صح ولا صاعت معاه ولا سوت العيب عبير مالها حق ابداً أنه إذا فواز ما يبادلها مشاعر الحب تحط غيضها بسديم مو صح هالكلام ولا ارضى فيه إذا ما انقبلت مشاعرها هذي مشكلتها هي مو تنتقم من سديم أو بالاصل تحط حرتها بسديم لان الانتقام يكون إذا انسلب منك حق وسديم ماسلبت حق أحد
غدير بعدم رضا : ايي تماااام حقها لكن تقول لها امسحي الصور وتخلص مافي داعي تسوي هالمسرحيه لثواني كنت بهجم على عبير عشان ادافع عن سديم على أساس أنها مظلومه وش ذا اللعب والتمثيل
سارة بجدية : انا الصراحه امممم والله عجبتني حركة سديم يعني إذا كنت تقدر تآخذ حقك ببرود وهدووووء  سويها وافهمك ليش عجبتني تخيلي لو كانت سديم اتهمت عبير أنها صورتها ومن هالكلام ولمت الحريم هل عبير بتعترف وتشوه صورتها أكيد لا اي شخص مكانها بيختلق الاعذار ووينكر فأحسن ما تخرب العرس وتكسر فرحة العروس اخذت الجوال وكسرته لا من شاف ولا من درى ووحتى لو عبير شاكه أو عارفه أبد مارح تقدر تقول شي لأنها بعيون الكل مذنبه على الشي اللي سوته ليش تصور بنت الناس وش كانت تبي بصورها يعني أكيد تنشر أو أي شي من هذا وهذا الشي كفيل أنه يسكتها على هالسالفه دهر فهمتي كيف  وبعد ضرب سديم يبرد القلب بعدين عن حق لو كان صار شي للصور والله لذبحها أنا بدال سديم