لو درينا عن هوانا وش مصيره..كان قبل الحب صلينا استخاره .

البارت ٣

ميثا كانت تبي ترد لاكن قطع عليها ابو حسين : خلاص اسكتوا الله يقلع ابليسكم متى تبطلون مناقره انتو

                 بمكان اخر

سارة توجهت على السوق وهي براسها كلام تبي توصله لشخص راحت عالسوق وانتظرت لاكن بدون فايدة ما شافت الشخص ولا قدرت توصل له
ساره : زين واذا ما شفناك اليوم وش علينا نشوفك يوم يا مرسول الحب  انا مو متراجعه وبوصلك بوصلك ورجعت عالبيت لاكن قبل البيت مرت عمها ابو متعب تسلم عليه

ساره : السلام عليكم
ابو متعب: هلا هلا هلا ببنيتي هلا بنورعيوني تفضلي تفضلي
ساره : زاد فضلك ياعم شخبارك طمني عنك
ابو متعب: حالي يسرك انتي شلونك يبه وشلون امك وخواتك
ساره: الحمد لله مافيهم الا العافيه
ام متعب بدخلتها عليهم وشافت ساره : ياهلا بساره شلونك شلون امك ياقلبي
ساره : تسلم عليك ياعمه خلاص اعذروني الحين بروح ارتاح شوي تعبت من الصبح وانا اراكض ورى الحلال
ام متعب : وين تو الناس ما مدانا نسلم عليك
ساره : والله ما اقدر ياعمه ارخصيلي
ام متعب : الله معك يا بنيتي
ابو متعب : الله وياك بس لا تقطعين ها ترانا نشتاق
ساره بابتسامة: لا ان شاء الله اصلا القلب يدل ورجولي تأخذني بدون ماحس وشلون بقطع يالله الحين بروح
وودعتهم وراحت   
                    

              ببيت ابو ساره

بعد ما وصلت ساره غطت بنومها على طول من التعب

     بعد أذان العصر قامت صلت ونزلت عند امها وغدير وقعدوا يسولفون الا ودخلت عليهم سديم (اخت ساره )
ترافس وتشتم
ام ساره : على هونك على هونك بتخلعين الباب وانتي ترافسين علامك كذا
سديم : هالبزران الحيوانات اللي ما يفهمون ولا متربين واللي رح اذبحهم يوم
غدير : بس بس شدعوه لهالكلام كله هاتي الخلاصه شفيهم هالبزران
سديم: وراي وراي في السوق ويصارخون علي المهرج المهرج ومسكت وجهها بيدينها وسبلت بعيونها وقالت بنبره دلع بالله عليك هذا الوجه ينقال عنه مهرج ورجعت رفعت صوتها الله يقدرني يووووم بسسس اخخخخ والله ما ارحمهم اخخخخ متى يجي هذا اليوم بس وانتي ما معك شي غير هذي السلال حطيها من يدك وتعالي انتي واللي جنبك نلعب ودي اغير من نفسيتي شوي بعد الشغل
غدير: على كيفك ما رح نلعب ابغى أنجز شغل حبيبتي بكره وش تبيعين اذا ما سويت سلال
سديم : اسمعي ان ما لعبتي مارح ابيع لك شي يالله قومي وانتي ساكته رح اطلع اغير ملابسي واجيكم تجهزوا وطلعت بسرعه قبل يوافقون لاكن بالنهايه كلهم يبون يوسعون صدورهم شوي بعيد عن مشاغل الدنيا ويفكرون بروحهم

سديم راحت تبدل ورن جوالها بإسم كيس النوم  : اهلين كيس النوم
.... : اهلين فيك ياعمود الكهرباء شتسووين
سديم : ابدل ملابسي الحين عاودت من السوق انتي شعندك
.....: ما عندي شي جالسه اتابع برنامج رياضه عشان ينقص وزني خخخخخخخ
سديم : الله ياخذك انا بلاني ربي بخبلا  مثلك ينقص وزنك وانتي فوق السرير مسدوحه ليل بنهار واكل ما تقطعينه ورياضه تسمعين بس ما تساوين والله ما غلطت يوم سميتك كيس النوم يا كيس
....: بس بس خرقتي اذني كنت بتصل بصاحب البقاله افضل منك يا عله كان وسع صدري
سديم :اي الشرهه علي اللي رديت اقول ليانووو وش رايك تجينا الحين نلعب شوي ونوسع صدورنا
ليان : صراحه فرصه و جتني من الله ما راح أرفض دقايق وانا عندك يالله رح اسكر ولعبوا وتونسوا لييين المغرب بعدها رجعت ليان على بيتها

ليان بابتسامةعبيطه : اهلين يمه
ام ليان بتمثل للعصبيه : اهلين ليش راجعه كان نمتي عندهم بعد
ليان بمحاولة مراضاه بمزح: والله قالوا لي بس انا قلت ما ودي اخلي امي ونور عيوني لوحدها
ام ليان ضحكة ضحكه خفيفه : والله اني عجزت فيك كل ما اقول بزعل  عليك تلعبين علي بكلمتين حلوين مع اني ادري انك تكذبين كل الكلام مسايره بس وش اسوي قلبي ما يسخى عليك
ليان راحت بسرعه وباست خدها : الله يخليك لي يا احلا ام بالدنيا وضحكوا شوي وراحوا صلوا وقعدوا يقرأون قرآن لين اذن عشاء وعادوا نفس الشي

                بيت بندر ال مطلق
بعد أذان العشاء صلوا وتعشوا  وقعدوا يسولفون شوي الا وجاهم صوت الباب ينذر بزاير
ابو حسين : طلال رح شوف مين عالباب
طلال : تبشر يبه ووقف وراح شوي وفتح الباب
طلال: هلا هلا هلا بالزين كله هلا بعمي ابو نايف اقلط اقلط تفضل
ابو نايف : زاد فضلك يا ولدي ودخل للداخل
ابو حسين : ياهلا باخوي ابو نايف