طلال قام : مشعل بسم الله عليك وش فيك
مشعل : مافيني شي روووووح ياخي متضايق وما ودي اسمع شي وتجيب لي سالفتك أنا وش أبي فيها تحبها روح اطلبها وتزوجوا وجيبوا عيال والله يوفقكم جاي تأخذ رأي لييييه دامك مجهز الهديه ومخطط ليييه جاي تغثني بسالفه ما تسوا ليييه وقعد عالارض ويتنفس بسرررررعه وبقوه
طلال بهدوء : تحبهاا صح
مشعل لف له بسرعة : لا مين مين تقصد ما أحب
طلال : تكذب علي يا مشعل أنا طلال اللي اعرفك أكثر من روحي واعرفك متى تكذب تكذب علي
مشعل وقف ودف طلال من قدامه بيروح : طلال بلا سخافتك وش تكذب ما تكذب ياخي ما أحبها خلاص
طلال ابتسم : والله انك تحبها والله وأنا كاشفك من أول بس معليش بتجي بنفسك وتعترف لي بعدين واذكرك
مشعل ماسمع له وراح ولحقه مشعل وكلهم ناموا إلا اثنين مشعل ومازن بس مشعل ما كان داخل كان جنب المسبح ومازن يظل يتقلب وماجاه النوم قام وطلع شاف مشعل وجلس جنبه
مشعل شاف وبضيق واضح : هلا مازن ليه مانمت
مازن : ياخي مدري ضايقن صدري على عزيز مدري بيه احس هالمره بيصير شي صوت عزيز مو مطمني وجلس بجنب مشعل
مشعل : الله يكون معه والله ياقصته تشلع القلب
مازن : أنت ليه اليوم طلعت من محل أبو منصور فجأه وما درينا عنك
مشعل نزل راسه ومازن مسك له على الجرح : كان عندي شغله تذكرتها ورحت بس اشوفكم تأخرتوا رحتوا مكان ثاني أو شي
مازن : لا أبد رحنا مع منصور عشان قال يراضي حريمه على ماقلت بس يا خساره اللي كانت زعلانه أكثر شي راحت ههههههه
مشعل بتسليك : ههههههه ايي اخليه يراضيني مره ثانيه ومو غداء مثلكم إلا يجيب لي سنسال نفس اللي اشتراه طلال اليوم (طبعاً هو ماقصد بس مع المزحه طلع معه الكلام )
مازن : ما أخذه الحيوان فكرناه يحب قال أهو لو حب يخليها تلبس بحرفه مو بحرفها من زينه عاد اصلا أحنا ماتأخرنا بالمحل أنت طلعت وطلال رجع السنسال على طول ورحنا بيت منصور لو كنت تأخرت شوي كنت جيت معنا
مشعل ما فهم من كل هالكلام ولا ركز غير أنه طلال ما اشترى السنسال ورجعه بعد طلعت مشعل يعني وش يفهم من هالحركه يعني ليه جاه اليوم وقال أنه شراه لريفان ظلت هالاسئله تدور فباله ويبي لها اجابه ويدري ما بيجاوبه إلا طلال
مشعل : الحين وشو رح تظل هنا أنا صابني صداع من البرد واحس بيجيني انفلونزا حلقي يوجعني شوي بالله تدخل لين يجي النوم أو لين يطلع الصبح
مازن : عاد أنا معروف سبب ضيقتي بس أنت ليش متضايق
مشعل شاف للفراغ وببحه قال: ما عليك مني تدري تجي لك ايام تكون ضايق وما تدري وش السبب بس فتره وتعدي وان شاء الله ما أطول
مازن ما حب يتدخل أكثر : إن شاء الله يالله يالله دخلنا والله اشوف صكك البرد على الله ما تمرض وقاموا وراح وشاف مشعل لطلال وهو نايم وماقدر يفسر حركة طلال أبد وقرر ينتظر للصباح ويسأله أفضل من أنه يفسرها بنفسه ويفهمها بطريقة غلط وانسدح جنب طلال
مازن بصوت صغيير مرره : مكاني يا ولد هييه
مشعل بنص عين: تراه مكاني سمحت لك يومين تنام فيه قمت تملكته خيرر
مازن : وش دخلني خلاص صار مكاني
مشعل تنرفز : مازن من دون شي أحنا ندور النوم وضايقين الاثنين وكل شي ينرفزنا لا تزيدها خذ بطانيتك ودور لك مكان ماني بقايم
مازن طبعاً كان يحارش بمزح مو اكثر عشان كذا سمح له وشال بطانيته : اي تصبح على خير يا عله
••••••••••••••••••
ونصبح بصباااح جديد
طلال قام وشاف مشعل نايم بجنبه واستغرب بس خلاه نايم وقام وقاموا كلهم توضوا وصلوا وطلعوا ومشعل توضى وصلى ولحقهم بعد ما قومه نواف وافطروا وطلعوا الشباب على اشغالهم أما نواف ومشعل وطلال وسلمان وماجد ضلوا بعد ما منعهم مازن من الروحه عشان يجلسون معه وهم استمعوا لطلبه عشان يغيرون من مزاجه المتضايق اللي ما تعودوا عليه كذا ابدا ابدا
،،،،،،،،،،،،،،
ببيت أبو متعب
ياسر : عمي طلبتك عيدها مره ثانيه وش بتخسر يعني
أبو متعب : ياولدي يا ياسر كم مره قلت هااا وكل مره ماكان يجيني جواب أصبر بعد شوي
ياسر برجاء: عمي أنا ودي ارتاح ودي اتطمن تكفى آخر مرة حتى لو رفضت والله ما عاد أقول والله
أبو متعب : ااه يا ولدي زين بمرها العصر واقول لها
ياسر قام باس راسه : جعلني فداك ياعم أنا أدري انك اقرب لهم من أي حد والا كنت خليت ابوي بس اعرفهم علاقتهم معك أقوى
أبو متعب : الله يوفقك يارب نحاول وش ورانا
°°°°°°°°°°°°°°°°°
ببيت مهند الفيصل قاعدين يفطرون
سديم : أنتو ما تعرفون البيض بطماط شي
أم سارة : وليش طيب ذا الكلام
سديم بضجر: يعني ليش تسوونهم كذا تعرفوني أنا أحب البيض مع الطماط
غدير تحارشها : لا تبكين بالله لا تبكين ههههههه
سديم بنص عين : خلاص سدي حلقك
سارة : سديم خلاص لا تسوينها سالفه مره ثانية قولي لفاطمه تسويها
سديم : بقول الآن عشان لا انسى ميررررري ميررررري
غدير : وشوله تناديها كذا
سديم : اي لأنها زعلتني لما تراضيني وتسوي لي بيض بطماط اناديها بإسمها الحالي فاطمه أما إذا زعلتني اناديها بإسمها القديم ميري حق الكفار
فاطمه : نعم ماما.. وكلمتها سديم طبعاً بتشرط وحركات سديم المعروفه
،،،،،،،،،،،،،،،،. . ،،،،،،،،،،،،،،،،،،
بالمزرعة عند الشباب دق جوال طلال وقام يجاوب بعيد عن العيال عشان يسمع
طلال : هلا منصور شلونك
منصور : الحمد لله وبعدم صبر كمل يا ولد متى ناوين تشرفونا والله انكم انذال أنتو ومازن
طلال : ههههههه مازن ماخذ اسبوعين اجازه نخلص الأسبوع هنا ونجي عندكم نكمل معاه الاجازه
منصور : اييي إذا كذا رضيت عاد اشلونكم نسيت أسأل ههههههه
طلال : الحمد لله الحال يسرك
منصور : يالله ما نطول عليك المهم ضمنت الجيه ههههههه
طلال : ههههههه اكيد الله وياك وسكر ولف بيرجع وكان مشعل وراه
طلال بهدوء : مشعل .. هلا بغيت شي
أنت تقرأ
لو درينا عن هوانا وش مصيره..كان قبل الحب صلينا استخاره .
De Todoلاول مره اجرب أكتب رواية إن شاء الله تكون حلوه وتعجبكم واذا عجبتكم نكملها بإذن الله
