لو درينا عن هوانا وش مصيره..كان قبل الحب صلينا استخاره .

البارت ٥

سارة : لا مو أنا وحتى لو مو أنا كلامي وقلته قله يبتعد عن أختي أحنا مو حق لعوب روحوا عند غيرنا
حسين برفعة حاجب : لا ما راح أقول له وبعدين إذا انتو مو حق لعوب احنا بعد ما نلعب وإلا ليكون قصدك أن حنا عيال شوارع ترا احنا عيال ناس ومحترمين ومتربيين
سارة : من وين ما كنتوا تكونون بس ابعدوا عن أختي
حسين : يعني أفهم انك ما وصلتي المكتوب
سارة بابتسامة استهزاء : لا ما ضيعنا تعبك يا مرسول الحب وصلت المكتوب لغدير وقلت لها تبعد بس هي معندة وأنا ما أبي اغصبها على شيء دامها ما راح تقتنع فقول لخويك يبتعد أحسن له
حسين : واذا ما ابتعد وش رح تسوين هااا بما أن اختك واثقة فيه وتبيه واهو بعد يبيها أنا راح اساعدهم بعد. وكمل بإبتسامة استفزاز المهم أن المكتوب وصل ومشى بدون ما ينتظر ردها

••••••••••
مرت الأيام وكل من على حالة وصار يوووم الجمعة وكان موعد اجتماع الأهل على الاتفاق كل من راح بسيارة ومعاه مجموعة وكان الترتيب كالتالي :
سيارة فيها حسين وامه واخواته وخالته أم فهد وصيته ومي بما أن أبوهم مشغول في سفر خارج السعوديه وفهد بعد مسافر عند جده فأخذهم حسين معهم وابوه كان بيلحقهم لأنه بالشغل وبيرجع متأخر
وسيارة فيها نواف وطلال ومشعل وتجهيزات المزرعة معاهم
وسيارة فيها أبو نايف ونايف وميلاف وام نايف ووعائلة أبو ماجد كاملة لأن بيوتهم جنب بعض والسيارة كبيرة

عند الشباب
مشعل : والله أن عمي جابها ياليت نجتمع كذا كل مرة
نواف بغمزه : ليش عشان بنات مثلا
مشعل : موكذا ياغبي بس أحنا اجتمعنا وكذا
طلال بسخرية: اللي يسمعك بيقول أنه حنا ما نجتمع ترانا دائما مع بعض يا أخ
مشعل : خلاص ياخي لو قال الواحد بيصير عاقل جنبكم ما يصير أجل الله لا جمعني فيكم
نواف وطلال : ههههههههههههههههه

بسيارة حسين
ميثا بنبرة براءة شوي : حسين شغل لنا شي تكفى اخوي اللي أحبه تكفى تكفى لا تردني
حسين ضحك : طيب طيب خلاص خليني أرد رميتي كلامك ورى بعض على طول
سحر : اركديي ميثا بطلي هبل مو ضروري يشغل
ميثا بنص عين : انتي انطمي ما صدقت ابوي مو فية عشان أطلب براحتي
حسين : ههههههه خلاص خلاص اسكتي وبشغلك من عيوني
ميثا بابتسامة عبيطة سبلت رموشها : تسلم عيونك أصلاً تغاضيت عن كلمة اسكتي لأنك قلت من عيوني
حسين شغل على أغنية :
"من بعد مزح ولعب اهو صار حبك صحيح
واصبحت مغرم عيونك وامسيت وقلبي طريح
واخجل إذا جات عينك صدفة في عيني واصير
مربوك وحاير في امري من فرحي ابغى أطير "
بهذا الوقت كانت عيون صيته على المرايا تشوف عيون حسين
واللي حست أنه حسين ودة يوصل لها مشاعرة واحساسة وانه يحبها عن طريق الابيات وشردت وهي تشوف على عيونة وشاف حسين على المرايا وجات عيونة بعيونها ونزلت صيتة عيونها بسرعة وابتسم حسين

_____________

بعد وقت وصلوا المزرعة وكل من راح مكان
وكانت غرفة للشباب كامل وغرفة للبنات كامل وغرفة لابو نايف وزوجتة وغرفة لابو حسين وزوجتة وغرفة لابو ماجد وزوجتة وغرفة لأم فهد
،،،،،،،،،،،،،،،،،،
عند سارة وهي ترعي الحلال
....: السلام عليكم
انتبهت سارة وردت : وعليكم السلام هلا ياسر
ياسر بابتسامة وهو صاد شوي : يا هلا فيكي شلونك يا بنت العم
سارة : الحمد لله أنت شلونك وشلون عمي والاهل كلهم
ياسر: الحمد لله حالهم يسرك ولف بيروح
سارة : ياسر
ياسر وهو معطيها ظهرة ابتسم وفي نفسة يا عيون ياسر يا زين اسمي منك بس ولف : هلا
سارة بهدوء : سلم على عمتي وعمي وقول لسحاب وسراب إذا يقدرون يجونا اليوم نقعد معاهم ونتونس شوي
ياسر : ابشري يالله نسلم عليك
سارة : الله واياك