لو درينا عن هوانا وش مصيره..كان قبل الحب صلينا استخاره .

البارت ٣٤

ببيت ابو حسين بديوانية   بعد وقت من تجمع الشباب ومعهم فهد بعد رجعته وغيبته عنهم وخصوصا على حسين بما أنه يعتبر اقرب واحد له جالسين بأمان الله إلا يسمعون أحد متعلق بالشباك
.....: بنااات الله يأخذكم لييه مسكرين الباب افتحونه يابقر
الشباب ما سكين ضحكتهم وساكتين
....: بنااات افتحوا لي والله متحمسه أرقص وشوله مطفيين السماعه مو على أساس رح تهزوا تراني متأخره لا تأخروني بزيادة
نواف وجهه حمر وقام من بينهم كلهم وهم ماسكين الضحكه أخذ العقال وخبط يدها بشويش عشان تفهم وتمشي بس بدفاشتها المعتادة تحسب مقلب وحبت تعمل دراما شوي
...: ااااه حمارة إذا ما ودكم أرقص معاكم ليه تعزموني طيب والله ما عاد أرقص افتحون لي بس والله خلاص بجلس مؤدبه
نواف وجهه طماطم وخلاص نفذ صبره : ميلاااااااف يا تتتبن انقلعي
الشباب : ههههههههههههههههههههههههههههههههههه
ميلاف على طول نزلت وتفشلت من الموقف وعلى طول ديوان الحريم
ميلاف بحرج وحلطمه : ويييييي يا فشيلتي الله يأخذكم ليه ما قلتوا لي اففففففف أنا كذا دايما دفشه اصلا ايييييي /تسوي نفسها تبكي ترى 🌚/وش هالفشيلة اوووف الله يأخذكم
ميثا بنص عين : وعليكم السلام وش عندها أم مصلح  (وحدة من الحريم دايما صوتها ملعلع وينسمع بكل الديرة )
ميلاف : امممم السلام عليكم والله لو تشوفين اللي صار لي ما تنقدين آني نسيت السلام قهر والله يابنات أنا ليه دائما انحط بهالمواقف ما أدري
ميثا : لأنك دفشه دائما وعربجيه
نورة : اسمعوا اللي تتكلم عن العربجه لااا ما نقدر للهداوة والرزانه يا ناس
ميثا بنص عين وهي الحين معصبه لأنه ما تم مخططها : كلي تبن وانتي ما تقولي شهالموقف اللي صوتك يسمعونه الجيران بسببه خير
ميلاف وفيها البكيه من الاحراج هي مهما كانت قدام عيال عمها ما تستحي لاكن تظل من صفات البنت مهما كان وبعدين ما تدري مين في بالديوانيه غير عيال عمها : اااااخ اسمعوا بس وحكت لهم السالفه مع تمثيل والبنات كل مين ميته ضحك واللي تتخيل ميلاف متعلقه بالشباك ونواف يضرب يدينها عشان تنزل

بشقة الشباب قاعدين ياكلون فصفص ومخلين الدنيا حوسه
رائد بملل : اففففف شهالكآبه ماغير مقابلين وجيه بعض ونبلع بالفصفص
عزيز : خيير مو ماليين عينك
رائد : لا والله مو ماليينها عفوا الدنيا زهق والله
مازن بضحكة: اييي توك ما تدري يا عزيز في ناس ثانيه تملي عينه
رائد : مازن بالله فكنا من تفكيراتك ادري بك وصخ
مازن : افاااا أنا وصخ والا اللي لو شاف الزول يقعد يتبوسم طول اليوم صح ياعزيز
عزيز يكمل : اييي ويتخيل طول اليوم واذا نام قام ينادي يا فلانه يا علانه احبك أموت فيك هههههههههه
مازن يغني باستهبال : انادي ياسارة يانورة يا هيفاء يا أمل على بالي تضبط ويطلع معايا اسمها
رائد تمدد على الاريكه وغطى عيونه بيده : والله انكم فاضيين يا زناختكم اللي تلوع الكبد
مازن قام بهدوء شوي ورجع إلا شويه ويدق الباب
مازن بضحكة : رائد قوم أفتح الباب
رائد : وشو معنى أنا ما راح أقوم قم أنت والا هو
مازن مسك عزيز لا يقوم وكمل: راااائد إذا ودك مودك يتغير قوم
رائد بملل : افففف تراه يمكن صاحب العمارة جاء يشيك ويطلب الاجار ودك يضيق خلقي ازود يعني
مازن : ياخي قوم وبعدين قول اللي ودك أنت بس قوم
رائد تأفف وقام ولبسه معفوس وشعره وكل شي
فتح الباب إلا وريما بالباب وهنا انلخم وحاول ينظم شكله بس ما يمدي قدامها
رائد بحيا وصاد النظر ومبتسم وبارتباك : هلا بالجيران هلا اهلين أختي محتاجين شي
ريما بصوت هادي محرج شوي : والله بس بسأل  النت خربان والا وشو ما يوصلنا  يعني ادري ازعجناكم بس تحملونا الين ما تضبط أمورنا
رائد : لا لا ولافيها ازعاج ولا شي الحين اشوفه لك الحين ودخل بثواني وشافه مفصول وزينه ورجع
رائد : هااا شوفيه ضبط
ريما شافت وكان في وبنبرة شكر هاديه : شكرا وان شاء الله نردها لكم وبحاول اضبط أموري بسرعه عشان لا نكلف عليكم إن شاء الله
رائد : لا لا ولا كلافه ولاشي واي شي تحتاجينه ما يردك إلا لسانك بس دقي الباب وابشري باللي تبينه
ريما : تسلم
رائد : الله يسلمك  وراحت ودخل وهو شاق الابتسامه من الأذن للاذن ويمشي ومو مركز على نفسه
مازن بضحكة: هاااا تغير الموود
رائد حس على نفسه وتعدل : هااا أنت اللي فصلت النت صح
مازن يلعب بحواجبه : ايييي
رائد : لييه حيوان أنت تدري الجيران يحتاجونه وانت راعي حق الجوار
عزيز : الحين خلينا من الجوار وحقه وقول وش سبب تغير المزاج بهالسرعه توك تشكي مثل الحوامل وزهق ومللل ومدري وش  وش صار الحين ما عاد كذا
مازن يقاطعه : اييي اصلا مكشوف تراك فما يفيد اللف والدوران واعترف
رائد بنص عين: أعترف بوش وبعدين وش ذا الكلام أنت وهو والا تزعلون لو شفتوني فرحان يعني
مازن : لا تضيع الموضوع واعترف انك تحبها
رائد  بإبتسامه : لا والله الحب ما وصلنا بس فيك تقوول أنه اعجاب يعني مدري بس آني احسها محترمه وتعجبني وكذا
مازن : من الآخر يعني تفكر بيوم تتزوجها
عزيز : ليش لا ترا البنت واضح محترمه بس مدري كيف عايشين بنتين بحالهم بالشقه يعني مو غريبه
رائد : ايي حتى أنا مستغرب بس لا نسيء الظن يعني مو لأنه تعجبني أو كذا بس الناس كل من بحاله والله أعلم وش صاير لهم
مازن : الله يعين
الكل امين

بعد نص شهر من هالحاله ولما كانت ترعي الحلال وجالسه بعيد شوي عنهن  مروا فهد وحسين واللي عرف من فهد سالفته مع غدير قال يخاويه ويتركه إذا شاف غدير ويكمل لحاله بس ما شافوها واخذوا يتمشون الين ما صادفوا سارة وحسين عرف سارة والا وانحرج من تذكر آخر موقف
فهد وهو صاد : السلام عليكم
سارة انتبهت: وعليكم السلام
فهد : انتي سارة بنت مهند
سارة : وصلت وش تبي
فهد بغيض شوي : ترا غدير علمتني انك عارفه بسالفتنا واقولها لك بصراحه وأنا ما لعبت على اختك وادري انك ضدنا وتحرضين أختك بس وصلي لغدير رساله قولي لها تراني وافي ومااخون العهد ووعد الحر دين وقولي لها آني احبها وما بيوم لعبت بمشاعري معها
وقولي لها آني بكلم امي تجيكم عشان تعرفي آني بغيتها بالحلال ما بغيتها بالحرام ما بغيت غير انك تصيري خالة ولدي ولاكن قبل هذا قولي لها ترد لي خبر ما أحب امي تجيكم وترجع خايبه وصلي لها هالكلام
سارة شافت لهم الاثنين بهدوء وبعدين تكلمت : أنا صح قلت لغدير تبتعد عنك بس مو آني ضدكم واذا جيت من الباب وطلبتها أكيد رح أفرح لكم بالنهاية غدير أختي واللي يسعدها يسعدني وانا ادري إن غدير تحبك مثل ما تحبها بس اي أحد بمكاني بيعرف آني أخاف على أختي وعيال الحرام كثير  بقول لها مثل ماقلت وبيوصلك الرد وان وفق الله بينكم الله يسعدكم وانا أول من يبارك لكم

     التصويت حبايبي 💚