لو درينا عن هوانا وش مصيره..كان قبل الحب صلينا استخاره .

البارت ٦

عند الشباب وصلوا الأغراض عالغرفة وقعدوا يرتبونهم بعد ما نزلوا اغراض البقية وطبعا كل من يرتب اغراضة الحريم والبنات وريحوا وناموا ..

       عائلة مهند الفيصل
سارة :  سديم روحي شوفي من عالباب
سديم : ليه أنا شغلتي الباب دايم مارح اروح
ساره :  سدييييم قلت روحي افتحي أنا مافيني حيل
سديم : والله وأنا فيني حيل والله ما اروح نادي غدير
سارة : انادي غديير حسبي الله عليك بس وراحت تفتح الباب

سارة من وراء الباب : ميين
......: أنا سحاب افتحي
فتحت سارة : ياهلا والل وردت الباب شوي ياللله يا سحااب ما تقولي أن معاكم أحد وسكتت شوي وقالت طيب أنا بدخل وانتو ادخلوا وراي وياسر أدخل المجلس وهي منحرجة منه لأنه شافها
ياسر ماحب يضايقهم وعشان يأخذون راحتهم قال : لا لا أنا بروح عندي كم شغلة اقضيها يالله نسلم عليكم
راح وفتحت ساره الباب ودخلوا سراب وسحاب
سحاب : شفيك كذا منحرجة ترا عادي لو شافك ما يحتاج كل هالاحراج
سارة : ادخلي لا اصقع راسك بالهجدار قال ما يحتاج حيا ترا لو ملاحظة ماني متسترة ضحكت سحاب بشويش ودخلوا
وضلوا يسولفون ويتونسون

عند شخص نسيناه قاعد يتقهوى مع جدة
فهد : جدي كيف تعرفت على جدتي الله يرحمها
الجد بإبتسامة :امين وقال بعد سكوت دام لحظات تعرفنا وخلاص اشتبي بهالكلام
فهد : اوووه جدي اشفيها لو علمتني ترا احساسي يقول لي ان وراك بلاوي
الجد : ههههههههه وش بلاوي استغفر الله يعني في بس مو بلاوي
فهد : اي قول قول وبعدين نحكم إذا بلاوي أو لا  يالله جدي وتربع يستمع لجدة
الجد :  ايييي قول أول ما كان مثل الحين ماكنا متنعمين ولا كنا شبعانين مثل الحين وكنت اروح مع ابوي الله يرحمة نبيع اغراض الحريم من ديره لديره عطور وكحل واشياء غيرها
فهد وهو منسجم : اي وبعدها
الجد : بعدها كان في يوم اغبر علينا ما بعنا شي وكان الضيق كاسي وجه ابوي لأن مثل ماقلت لك ما كنا شبعانين وما شفنا رزقنا ذاك اليوم وبعدين دخلنا ديرة ما فيها أحد واحنا مقررين نعاود بالبضاعة ونرجع بيوتنا إلا ونشووف لك بنت يا زينها بس بعيدة عننا أنا قلت يبه خلينا نروح لها يمكن رزقنا هناك واقنعته نروح لها وما أكذب عليك اهو صح عشان الرزق بس كان ودي اشوفها من قريب يعني فضول ابن آدم
فهد :وبعدين
الجد : وبعدين رحنا وفعلا شرت مننا أشياء كثير وفرح ابوي وعاودنا لديرتنا وأنا مافارق خيال البنت بالي ضليت اتذكرها ايام وشهور وبعدين مثل ما يقولون صدفة ولا ألف ميعاد عاودنا أنا وابوي للديرة مرة ثانية واحنا ماشيين أقبلت علينا نفس البنت وقالت : على هونك يالحواج وش عندك من بضايع وشافت واشترت اللي تريدة. وأنا ميت من العطش اشوفها  راحت وبنفسي أقول أطلب والا لا قلت أطلب.يا ادمي وخلاص وناديتها. بعجلة يا بنت الاجواد وهي لفت  علي وأنا طلبت الماء بس تفاجأت يوم قالت انتم ضيوفنا اقلطوا اشربوا الماء وكلوا الزاد ثم تيسروا واحنا دخلنا وتعرفنا على ابوها الله يرحمة كان اجودي كريم ايه بالله ما عاملنا كأننا حواجيين أبد إلا كأننا ضيوفه وبعدين تيسرنا وثالث مرة تعنيت الديرة لجلها لأني كنت بدون ابوي وأنا ناوي أسأل عنها وأشوف اقدر اواصل بحبي أو اقطع الحب من اولة ويوم لاقيتها علمتها بحبي بعد ما عرفت أنها بنت رجل ميسور حالة ومدلله وتحب الترف أنا كنت يائس منها بس قلت قطعت الدروب هذي كلها لاجلها لا والله ماني براجع إلا لين أعلمها بإنها ساكنة فؤادي وقلت لها
بتال :  وش اسمك يابنت الاجواد
......:  اسمي منيرة بنت عايض وابوي معروف بين القبايل والعربان ما يحتاج أعرف وانت مو ولد الحواج
بتال : اي بالله ولده واسمي بتال وادري بك ما يلحقك عيب وابوك معروف مثل ما قلتي وادري ترديني لاكن حلفت بالله ما فارق الديرة إلا بعد لا أقول اللي جيت على شانه
منيرة وكأنها فهمت من النضرات : قول اللي بغيتة وفارق
بتال : يشهد الله ما مني كذوب ولاني مستخف فيك وجاي ألعب معك يشهد الله على قلبي وعلي حبيتك وعشقتك ومافارقتي خيالي ثانية وحدة من لما شفتك وادري بتشرهين وترديني لاكن خليني اكمل كلامي أول مابغيتك بالحرام  ولا جيت ألعب وانبسط جيت اقر اللي بقلبي لك علني ارتاح منه
منيرة : لو بغيت الوصل لنا  بالحلال ما نردك وان بغيته بالحرام تشوف حدك أن كان ودك حقيقة تقدم ولا تخاف عليك الامان بإذن الله ما نردك وقفت وراحت أنا فرحت أنها موافقة علي من خلال اللي فهمته وبعدين كلمت ابوي ورحنا خطبناها ويوم تيسر حالنا وتغيرت الاحوال انتقلنا هنا وتغيرت حياتنا واشغالنا وكل شي فينا وحبيتها كذا هذاني قلت لك ههههههه يالله رح من وجهي يالله وضربة بالعصا حقته
فهد يجس نبض جدة : يعني جدي بما انك حبيت يعني
ووو إذا أنا يعني إذا مو حبيت إذا حبيت بتدعمني بتوقف معي حتى لو الضروف ضدنا مثلكم وكل واحد  من مكان
الجد : إذا مناسبة ومافي شي يعيق جد يعني حبيت بنت أصل وكانت تسوا الحب أنا أول واحد يوقف معك وحتى لو وقفوا ضدك أنا معك لا تخاف بس مو تحب لي بنت حيالله مو تمام
فهد : ههههههه لا شدعوه جدي افااا ما تثق بذوق حفيدك هذا وانا دايم اتعزوى فيك افااا
الجد : لا بس أحيان النفس تخطي وكلنا نغلط أحيان والا أنا واثق فيك دامك تتعزوى بمثلي احمد ربك  ههههههه