لو درينا عن هوانا وش مصيره..كان قبل الحب صلينا استخاره .

البارت ٢٥

مازن أول ما شاف ميثا تذكر وانفجر يضحك والكل مستغرب ضحكته الفجائيه : ههههههههههههههههههههههههههههههههههههههه
نواف بمزح : بسم الله ولدنا انجن
مازن وفيه الضحكه : والله ما انجنيت بس أتذكرت مجانين ورجع يضحك هههههههههههههههه
نواف : اي عادي ضحكنا معك وقول من هالمجانين
ميثا تنحت فيه خايفه يقول عنها وهي تدري أنه يقصدها
مازن شاف لميثا وهي انكتمت انفاسها وبدت تشتت نضراتها للمكان وهو رجع يشوف لنواف : أبد تذكرتك يوم اللي اتصلت فيك وانت تتحلطم والكل تذكر هالقصه وضحكوا على نواف : هههههههههههههههههههههه‍هههههههههه
قرب نواف من امه اللي تشوي ومد يدة بيأخذ شوي وخبطة طلال اللي جالس جنب مشعل على يده : لا أحد يمد لا أحد يأكل مفهووووم وبعدين لف على مشعل وابتسم وكمل : إلا واحد يحق له يتدلع اليوم وقرب يمسك جبينه وشافه خف شوي من الحرارة وقال : وشلون تحس الحيين
مشعل بصوت مبحوح شوي : أبد مافيني إلا العافيه لا تخاف يا جعلني فدوة لك
طلال بسرعة : الله لا يقول يا جعل يومي قبل يومك
نواف يشوف عليهم بنص عين صرخ : يا شيييييخ جعلكم فدوة لي ما خلوني آكل ويجلسون يتميلحون لبعض استغفر الله بس
مشعل بجكر : وانت وش حادك  أقول طلال يا بعدهم كلهم
طلال كمل معاه جكر : يا لبيييه
مشعل بنص عين وبمزح : في نااس غيرانيييين
جاء بيرد طلال وقاطعة نواف بحلطمه يقلدهم : ايييييي بيييي أقول انقلعوا الله يأخذ هالوجيييه قال غيرانيين ومد آخذ من المشاوي بسرعة وهرب
طلال : هييين يا نوافوووه أنا اوريك
مازن شاف نواف جاء وبيده مشاوي اخذهم منه واكلهم بسرعة وابتسم بعباطة :  الحين بس ارتااح
نواف بقهر : الله يأخذكم كلكم وش فيكم علي ما صدقت هربت من طلالووه جيتني أنت يالعله وجلس بزعل مازح
مازن : أقول اسكت يالزعووول شباب وش رايكم نلعب لين يكمل الشوي عشان ما اهجم وآكله من فوق النار ههههههه
ماجد: والله ما نستغربها أنت وجرأتك ههههههه
ضحك مازن شوي وقال : يالله مين يلعب
حسين : أنا أقوم اتصل بفهد ابرك لي وطلع برا يدق عليه
سلطان : وش اللعبه أول عشان نقرر نلعب والا لا
مازن بتفكير : امممممم والله ما أعرف وقعت عينه على ميثا وتذكر وابتسم وبعدين شاف للشباب ونط وقال : يا جماعة تذكرون لعبتنا واحنا صغار حقت الفواكه
سليمان : اي لعبة هذي شكلنا ما نعرفها
مشعل : إلا أنا اذكرها بس لا تقول بتلعبونها يا مازن مو بوقتها ترا
مازن : إلا بوقتها وش يمنعنا
مشعل : والله إذا بتلعبونها أنا مو بلعب معكم مافيني حيل أوقف
طلال : وأنا دام مشعل ماراح يلعب أنا بعد ما راح ألعب
نواف : أحسن نرتاح منكم الاثنين بعد
نايف : طيب اشرحوا لنا اللعبه كيف عشان نقرر من بيلعب ومن لا
نواف قال : اللعبه هذي نكون واقفين ونسمي كل واحد بفاكهه مخصصه واللي يجيب اسمه يجلس بسرعة ويقوم واذا غلط معناته خسران يعني تشبه شجره نمله إذا تذكرونها
سلطان : هااا دام فيها وقفة ماني بلاعب
سليمان : ايي وأنا ما بلعب بعد
نايف : أنا بما آني احسني نشيط بلعبها
مازن : ايييي كفو وكشر ويأشر عليهم  مو بذولا العجايز ماغير منسدحين تحركوا تحركوا
سلطان : والله تعبان حدي من الشغل
سليمان : أنا مو أنه تعبان بس مادري حسيت ماودي ألعبها
طلال : والله ماني عجوز أنت ووجهك بس ما ودي ألعب بدون مشعل
شاف عليه مشعل : إذا عشاني والله انك لتلعب وهذاني حلفت ما ودي ولا كلمة  وكمل بمزح يالله يالله قوم علم هالثور مين العجووز يالللله
وبعد شوي وقت وكلام قاموا للعبه طلال ونايف ومازن ونواف وماجد واشترط مازن إنه هو اللي بيملي عليهم باللعبه وبعد مراوغات قبلوا
مازن بضحكة : بس يا عيال بما أنه أنا مشتهي لي كيييييكه وطول بكلمة كيكة وشاف بميثا اللي طلعت عيونها وابتسم ابتسامة واسعه وكمل ببدل بدال الفواكه بمكونات الكيك اتفقنا
نواف : طيب وش هي مكونات الكيك
مازن بلعانه  : يقولون لنا البنات ولف عليهن هااا وش هن مكونات الكيك واحدة تقول بسرعه
ميلاف نطت بإعتراض : لااااا أنتو تلعبوا وتستانسوا واحنا لا والله ما نقول غرض واحد
شاف على ميثا الساكته وودها تبكي خايفة البنات يركزون ومن بعدها مين يفلتها من لسانهم ومجاكرتهم
مازن شاف لميلاف : قولي ما تعرفين وخلاص ترا نعرفك ما تفيدين لشي واكيد ما تعرفين الكيكه ولف لميثا عناد : انتي هيي شافت عليه ميثا وودها تخنقه وكمل : وش هي مكونات الكيك أكيد تعرفين واتسعت ابتسامته وهو يشوفها منحرجه ومعصبه قالت بعصبية : لا أبد ما أعرف ولا راح اقووول أنا مع ميلاف اكييد وصدت
مازن ضحك منها بس قال : أجل مسوووين عصابه أنتن ووجيهكن ولف لوحده هادية وجالسه برقه ونعومه وعرفها ما غيرها كيف ما يعرفها هي ريفان اخته المعروفه بهدوئها بالعايله كلها
وقال : انتي أكيد أكيد رح تقولين بما انك أختي كانت توها ريفان بتنطق ونطوا لها ميلاف وميثا  بس كل وحده سببها مختلف وحده عشان الوناسه والثانيه من العصبيه ميلاف : والله ما تقولييين.
ميثا بإنفعال : نذبحك ترااااا ونشويك وناكلك بدل هالمشاوي
ولفت وشافتهم كلهم يناضرونها الصغار والكبار واستحت وهديت شوي : لا تعلمينهم
الكل : هههههههههههههههههههههههههههههه
مازن بطقطقه : الله الله الله خلاص يا ريفان لا تعلمينا ترا النار جاهزه والجزار جاهز وأشر على ميثا ههههههه
طلال : أقول مالت عليكم الثنتين أحنا نعرف المكونات وش هي يعني دقييق وزيت وشو بعد
مازن يكمل : وبيض وحليب
ماجد: وسكر
نواف بضحكه : وانت نايف ما تعرف شي  بعد والله شكلي بتزوجكم الثلاثه واخلي البنات على جنب
الكل: ههههههههههههههههههههههههه
نايف : ههههههه أجل الحمد لله آني ما أعرف
مازن : مالت عليك يا شيخ اسمعوا  طلال أنت دقيق
طلال : لا والله آني خشن ههههههه
مازن يكمل بضحك : نايف وانت سكر
نورة بنفسها اشهد أنه سكر وتطالع فيه وتبتسم بسرحان فجأه لف نايف اللي حس أنها تناظر فيه وابتسم وهي نزلت رأسها بسرعه وطبعا ماحد منتبه لهم يخططون للعبه ومركزين فيها
نواف : والله يامازن البيض كان لطلال دامه طول عمره مع الدجاج ههههههه
طلال مكمل : بيض بيض وش حلاتهن البيض الله يخليهن لي بس هالدجاج صرت احسهن بناتي ههههههه
نواف : أجل وأنا دقيق
ماجد : زيت ما باقي إلا هو
ميلاف بقهر : ماهي كل كل المكونات ماهي صح
لف لها مازن بسخرية : انتي انطمي يا بزر
ميلاف : بزر بعيينك وسكتت بقهر
وطبعا على هالموال لعبوا وبعد ما كمل الشوي اكلوا وكملوها سوالف لاخر الليل وناموا

اليوم الثاني العصر العيال متجمعين والبنات متجمعات والحريم  والشياب واللي يسولف واللي نايم وكذا
مازن يدق على عزيز يبي يطمن على حاله من بعد آخر مرة اتصل فيه ماعاد كلمه ولكن كان جوال عزيز مغللللق وحاول أكثر من مره بس بدون فايده وبعدين قرر يتصل برائد الأقرب له ويسأله وبعد رنتين رد رائد : ياهلا بمازن
مازن بجدية : الحمد لله انتم وشلونكم طمني عنكم
رائد : والله الحمد لله  بدون مقالبك جدا بخييير
مازن بهدوء  : ههههههه ايي برجع لكم لا تخاف
رائد : إلا وش فيك مو متعودين عليك هادي كذا فيك شي
مازن : أبد والله بس مشغول بالي مع عزيز ادق عليه وجواله مغلق قلت أعرف اخباره منك آخر مرة اتصلت عليه ما كان بخير
رائد سكت شوي بعدين قال : أنت ما تعرف أخبار عزيز أبد
مازن : لا والله كلمته قبل امس وعرفت أن اخته تعبانه ومن صوته باين أنه مو شوي تعبانه
رائد بهدوء : هااا أجل ما دريت عن آخر الاخبار سكت شوي ثم كمل مازن
مازن بخوف من هدوء رائد : رائد وش صار تكلم حالتها متأزمه أكثر والا وشو
رائد : مازن .. أخت عزيز توفت قبل الظهر
مازن انلجم ما عرف وش يقول وسكر بدوون ولا حرف
ومسك براسه بقووووه وشلون يكون حالك يا عزيز كيف بتحس بعد ما عشت الموت كيف ياربي لا إله إلا الله استغفر الله واتوب إليه إنا لله وإنا إليه راجعين يارب صبر قلبه يااارب وحس بغصه تخنقه ...