لو درينا عن هوانا وش مصيره..كان قبل الحب صلينا استخاره .

البارت ١٠

بيت مهند الفيصل  بالليل
سارة فتحت دولابها تدور بجامتها اللي تحبها واللي رغم شخصيتها القوية إلا أنها لطيفة من الداخل وتنجذب لهالاشياء (كانت بيجامه لونها أزرق فاتح وعليها صورة كرتون ربانزل واللي ساره تحبها حييل ) وما لقتها قالت تروح غرفت غدير وسديم يمكن تشوفها فتحت دولاب غدير وما لقتها قالت أكيد بدرج سدييم ما غيرها فتحت الدرج إلا بملابس سدييم كلها تنفجر عليها من فوضويتها ملابسها دافشتهم دفش
ساره : ووجع سدييييم شهالترتيب هذا دولاب بنت هذا
سديم : وانتي شعليك ملابسي والا ملابسك
غدير : اي هي دايم كذا والله لو مو فاطمة (الشغاله) كانت الغرفة كأنها محل خردوات من اغراض سديم المعفوسة
سديم : الله من يتكلم ترا الفوضى هذي كلها منك لو أنها غرفتي لوحدي كنتي رح تشوفينها وترتيبها
غدير : له له له  وتكذب بعد الحمد لله أن كل اللي بالبيت يعرفونك والا كان صدقوا
سارة : خلاص بس سديم قومي رتبي ملابسك بسرعة
سديم : فطوووم حبيبي تعالي رتبي ملابسي
سارة : فاطمة لا تجين خليها ترتب بنفسها عشان تحس شوي بالمسئوليه شهالفوضى الله يقرفك
سديم : اييييه خلاص خلاص أنا برتب ماحد عليه مني
                 
بعد صلاة العشاء بالمزرعة تعشوا وجلسوا شوي بالمجلس كلهم وبعدين الحريم راحوا ينامون والشباب مع البنات طلعوا الحديقة والشياب ظلوا بالمجلس لأن برد ما يقدرون يجلسون برا
طبعاً حول النار مثل اي جلسه ليليه قاعدين كلهم الشباب بجهة والبنات بجهه
طلال : شباب اشرايكم نلعب لعبة
حسين : لعبة وشو
طلال : نجيب اغنية أو بيت شعر على حسب الحرف الأخيراللي قبله
نايف : دام فيها ابيات أكيد حسين اولنا ههههههه
ماجد :  يالله حسين البداية من عندك ونكمل عن يمينك
حسين : أجلس مع الجلاس لو هم ثمانين ..ويشرد بي الهاجوس كني لحالي
نايف :  الله الله دورك مشعل
مشعل: يبقى الأمل موجود لو راحت الايام.. وتبقى الأماني حلم نجهل قدرها
رد علية سلمان اللي كان دوره :
سلمان : أكثر ما يرهق الساكت سواليف عقلة..يشتكي لنفسه من جروحه وهو ساكت . من الجهه الثانية كانت نورة على يمينه وقالت : تعبت أقول مافيني وأنا فيني وأنا فيني أنا فيني اختلاط شعور من اللهفة يبكيني
ردت ريفان من جنبها : ياقمر لا تختفي خلف الغيوم .. نورك الهادي يونس خاطري .
قالت صيته وهي قاصدة كل كلمة : يا صوته اللي لا سمعته تعافيت لولا ضلوعي راح قلبي مع الصوت .
قالت سحر اللي كانت بعدها :
تركت لرحمة الرحمن نفسي
فمالي دون رحمته رجاء
أنا الإنسان في ظلمي وعجزي
وانت الله تفعل ما تشاء
ميثا : الله يجعلك من التائبين دائما توبي عننا وعنك
سحر : اسكتي  وهاتي شي. حرف ألف
ميثا فكرت فكرت وبعدين قالت وهي تصفق وتمايل كفوفها وغنت ميلاف معاها:
الله يمسيه بالخير سابني ..
وكان فاكر انه هيتعبني ؟
كان واثق اننا هرجعله ؟
لو يعمل اييييه ...!
كان متخيل أنا هتحايل ..
على احساسي يعد جمايل !
أستاذ في الاوهام متمكن !
يا مشاء الله علييييه ؟
طلال رماهم بقوارير الماء : الله يفشلكم اسكتوا كل وحدة اردى من الثانية وجات قارورة بميلاف أما ميثا عدت من جنبها
ميلاف : وش دخلك  الله يآخذك يا طلال عورتني الله يآخذك طلال دييييك
الكل : هههههههههههههههههههههههه
طلال : ديك بعينك ديك  ليش يا بقرة
ميلاف : من كثر ما تجلس مع الدجاج صرت واحد منهم بس ذكر يعني .
وكملوا لعب لين جاء دور طلال وكان الحرف المطلوب ألف طلال فكر شوي وبعدين تذكر  قال :
أمس الصبح بعد العصر آخر الليل
ضحكت بحزن فرحان من ضيق صدري
والبارحة وأنا نايم مااجاني النوم
أعد نجوم السماء والشمس تحرقني .
كمل آخر بيت والكل يضحك عليه
نواف من بين ضحكه : صح لسانك
طلال : صح بدنك هذا اللي طلع مع ما كمل كلامه لأن ريفان ضحكت شوي و شرقت  وطلال فز من مكانه وجاب لها مويه ومشعل يراقبه بس بالنضرات وكلهم يناظرون خوف طلال على ريفان وركزوا مو بس مشعل .
طلال : بسم الله عليك وش صارلك وسكت شوي وقال : شلونك الحين
ريفان : أحسن مافيني شي شكراً
طلال : العفو ورجع مكانه حسين نكمل عندك وبعدين نسمع أغنية من ماجد ونايف
وكملوا لعب وصار دور  حسين وقال : يالله عسى كل الليالي لنا خير ..وفيها الحظوظ الطيبة تحترينا .
نايف بإحراج : يغني ماجد أنا ما اقدر
ماجد : وشو ما تقدر خلاص الحين سمعنا صوتك مافيك تنكر أقول أنا ببدأ وانت شاركني وبدأ ماجد يغني وشاركه نايف شوي :
لا هي نار ولاهي ماء لاهي غيم ولا ضمأ
وان حكت غنت سنابل من رضا
والسكوت إن صار نيران الغضا
يا رضاها وقف وناظر شوي
شوف غلاها ايش سوا بشخص حي
ولاهي نار ولاهي ماء لا غيم ولا ضمأ
وكملوا الاغنيه وبعدين كل مين راح على غرفته ومكان نومه بالتحديد والكل غط بنوووم عمييق
                   °°°°°°°°°°°°°°°°°°°°
صباح الخير من منزل مهند الفيصل

الكل مجتمعين على الفطور ما عدا سديم اللي نزلت على الدرج وهي تعني :
صباح الصباح فتاح ياعليم ..والجيب مافيه شي ولا ملِّيم
بس المزاج راااايق وسليم .. باب الامل بابك يا رحييم
سديم : صباح الخيييييير
الكل : صباح النور