لو درينا عن هوانا وش مصيره..كان قبل الحب صلينا استخاره .

البارت ٣٨

ببيت أبو فهد ٣٠: ٢ الظهر
صيته : يمه فهد شكله ما بيرجع اليوم البيت
أم صيته : بسم الله على ولدي
صيته : يمه ما قصدي شي بس اقصد يمكن يظل ببيت خالي أبو حسين أو ببيت واحد من الشباب كانت ريفان  تقول بجروبنا أنه يمكن مازن وخويه بيمشون بعد بكره ويمكن يجتمعون الشباب يودعونهم كذا يعني أعتقد
أم صيته: اي تكلمي عدل عشان نفهم عدل ومازن ليه ما ينقل شغله هنا وخلاص بدال الروحه والجيه ويكون قريب أهله
صيته : مدري يمه الحين اتصلي بفهد إذا مو جاي بنخلي الشغاله تسوي غداء ونتغدى ما بننتظره
أم صيته : زين ميييي هاتي لي التلفون اكلم اخوك بسررررعه
                ••••••••••••••••

وجلس الشباب وتونسوا مع بعض وراحوا واتفقوا يجتمعون بكره مع طارق بما أنه مااجتمع معاهم اليوم

،،،،،،،،،،،،،
ببيت أبو ماجد
مازن يتكلم مع امه وابوه ،، وماجد وريفان ساكتين
مازن بجدية : يمه قولوا إن شاء الله خير
أبو ماجد : إن شاء الله خير ها قول
مازن دخل بالموضوع على طول : قولوا أنا قررت اكمل نص ديني واخطب
أم ماجد بفرحه : ساعه مبااركه يا وليدي ماشاء الله الله يوفقك بحياتك
مازن شاف لابوه : يبه ليه ماقلت شي لتكون مو فرحان لي
أبو ماجد : لا فرحان لك ليه ما أفرح بس وشلون تخطب قبل ماجد
ماجد تدخل : عادي يبه أنا الزواج مو ببالي هالحين ومازن وده هذا ما يزعجني بالعكس بفرح له
مازن برجاء : يبه وهذا ماجد راضي ليه تصعبها أنت
أبو ماجد : وش يعني حتى لو راضي أنت ترضى تتزوج قبل اخوك الكبير
ريفان بلطافه كالعادة : يبه دام ماجد ماعنده مشكله لا ترفض ومو مشكله كل شي وله وقته وماجد الله يرزقه باللي تسعده متى ما راد زوجوه
ماجد بصدق وفرحه لأخوه : اي يبه أنا ما افكر بهالشي الحين وتأكد آني ما بزعل لو تزوج قبلي وأهم شي يكون مبسوط وفرحان بحياته
أم ماجد تكمل بفرح: اي يا أبو ماجد خلنا نفرح دامه مقرر ولفت تكلم مازن ندور لك أحسن عرووس يمه ولا يهمك
مازن قاطعها بإبتسامه : يمه لا تتعبين نفسك عروستي جاهزة وابتسم ابتسامه عريضه
ريفان : هااا طلع يحب ومنو هذي نعرفها ؟من هنا والا من هناك /تقصد مكان شغل مازن
أم ماجد : وي وي وشلون من هناك لا أكيد مو كذا يا يختار من هنا بنت نعرفها وتعرفنا وتعرف عاداتنا وتقاليدنا وحياتنا والا تكنسلها من هالحين
مازن انفجع : وش ذا التفكير يعني لو تزوجت من غير هنا وش فيها كل الناس سواسيه وما تفرق بينهم إلا التقوى
أبو ماجد : اي ندري لا تقعد تحدث لكن امك تقصد عشان تتفاهمون أكثر بس وترى صدق قلت بتتزوج قبل اخوك الكبير وعديناها لكن يا تختار بنت نعرفها ونعرف اصلها وفصلها أو تختار لك امك وانت ألبخ
مازن طير عيونه : يبه وش ذا الكلام يعني بالنهاية أنا اللي بتزوج مفروض آخذ بنت تعجبني ورأيي مهم بهالشي ووش فيها لو كانت غريبه المهم أنها بنت ناااس ومؤدبه وما فيها شي يعيبها
ماجد : من الآخر بمين ودك عشان تعرف قرار اهلك ولا تتأمل أكثر إذا رفضوا
مازن : ماهي وحده غريبه ولاشي تعرفونها كلكم إلا آني دخلت بالنقاش لأني ما حبيت تفكيرهم أنه يا تكون بنت معروفه يا تختار لك امك معليش يمه أنا ما اقصد معارضتك بس أكيد رأي اللي بيتزوج اولى صح والا لا
أم ماجد بإبتسامة : أبد ياعيون امك دامها مو غريبة ونعرفها قول وبإذن الله ما تكون إلا لك يا حبيبي
مازن بإبتسامة لفرحة امه : ميثا بنت عمي أبو حسين ما غيرها
أبو ماجد بحده : وشش وش تقول اعنبووك يالهامل
مازن بفجعه : وش يبه ..وش فيها بنت عمي وأنا اولى بها من الغريب
أبو ماجد بحزم : إذا ودك من بيت عمك أبو حسين ابشر نخطب لك سحر مو مشكله لكن الميثا لا
مازن بقهر : يبه لييه سحر اعتبرها أختي والله العظيم أنا ودي بالميثا يبه وش المانع يعني والا حالف يمين انك ما تخليني أتزوج اللي أبيها وأفرح
أبو ماجد بحده : ووولددد وش هالكلام ليه عدوك أنا عشان أكره سعادتك
أم ماجد بنبرة رجا : طيب ليه مافيه بالميثا
أبو ماجد شاف لها بحده : وشفيييك انتي صرتي مثلهم ما تفهمين سحر بنت أخوي الكبيرة واذا طلبنا الميثا بيصير عليها الكلام ليه الصغيرة تزوجت والكبيرة باقي وما ودي شي يجرح بخاطر بنات أخوي وخااصه مني وكمل بحزم يا نخطب له سحر يا وحده ثانية ميثا مستحييل اخطبها لك قبل اختها
مازن بضجر : خلاص ما ودي لا بسحر ولا بميثا كنسلت الفكرة بكلها
أبو ماجد خزه بقوة : احححسن عمرك لا تزوجت أنت ما تستحي على وجهك ما تخاف على بنت عمك من العيب والكلام الطالع النازل بحقها
مازن بجمود : خلاص يبه مثل ما ودك ما بخطب الميثا لكن يبه أنا وسحر ما نناسب بعض.. يبه أنا اعتبرها مثل أختي ولا ودي اظلم نفسي وأظلمها معي وأنا ما ودي بها
أبو ماجد بهدوء وهو تفهم رأي مازن : زييين وميثا إن كان لك نصيب فيها ما تروح إن شاء الله وكمل للكل لا تطلع السالفة من هنا ويا ويلكم مني إذا سمعت أنه طلع منها كلمه
الكل انقاد بالطاعة للكلام بردود مختلفة

••••••••••••••••••
سديم تكلم ليان
سديم : وش رأيك نروح اليوم السوق نجهز للمدرسه
ليان : من الحين بدري ترا
سديم : وش بدري كله اسبوع ويبدأ الدوام يااااي والله متحمممسه ناار
ليان بمسخره : لااا الدافورة.. سديم متحمسه للمدرسه لا يسمعك أحد بس
سديم بقهر : وش فيها لو إشتقت وماني دافوورة يعني أكيد ماني مشتاقة للدراسة مشتاقة للششله والوناسة والضحك اااخ بس
ليان بجمود وهي ما تحب شلة سديم اللي بالمدرسة : اييي أنا ما بقدر اطلع اليوم احس نفسي تعبانة شوي
سديم بمزح : خلاص ما تنفعي بشي أنتي بس أكيد بيجهزون كلهم بتصل اشوف منو بتطلع معي وان شاء الله كلهم يطلعون والله أنهم يوسعون الصدر مو مثلك غثيييثه
ليان حز بخاطرها شوي رغم أنها تدري إن سديم تمزح : اهااا الله يسعدكم ويزيدكم سعة صدر أكثر
سديم بشك : زعلتي لياان
ليان بهدوء : مو زعل يا سديم ويمكن ما بزعل منك بس وبصراحة أنا شلتك هذي ما تعجبني ولا اطيقها انتي صديقتي يا سديم بس هذا مايعني أنه اللي تحبينهم أنا أحبهم لاا.. وتأكدي أنه أول ما تبدأ الدراسة إذا رجعتي انتي لهالشلة أنا أكيد بكون مثل كل مرره مبتعدة ولا تقولين ليش لأني ما ارتااح ولا ودي أكون بمكان ما يناسبني ولا يريحني ..بس والله إني لك دائما ووقت ما تحتاجيني إني بكون مشرعه ابوابي لك  وانتظرك دايما
سديم بزعل : والله ما أدري شفيكم أنتم وهالشلة رغم آني مو شايفه فيها شي بس أنتم تبالغون مثل عادتكم،، ما هقيت تكونين مثلهم وتقولين كذا بس قلتيها ..عادي ياما خابت هقواتنا وتخطينا وصح مافيني اخليك تحبين اللي أحبهم لأني بالمختصر ما أعرف اختار ناس محترمة مثلك أنا ما أختار إلا قليلات أدب مثلي مشكورة مع السلامة وسكرت قبل تسمع ليان وحست الغصة تخنقها ومو قادرة تتنفس لا هي اللي رضت تبكي وترتاح ولا هي اللي كتمت بدون ضيقة .

مساء الخيييير يا عائلتي الثانيه والله اشتقت لكم يا حباني، انتو ما اشتقتوا لي يعني 🌚
الا اشتقتوا وغصبا عنكم😁
المهم في هنا نجمة يقولون أن الواحد يضغط عليها وتصير قلب جربوا 😁😁
لا تبخلون علي بالنجمة والتعليقات فديتكم 💚