لو درينا عن هوانا وش مصيره..كان قبل الحب صلينا استخاره .

البارت ١١

ساره : وش هالرضى سديم مروقه وتغني من الصبح
سديم بنص عين : خير تراني دايما مروقه الله يخليني بس
أم ساره : امين يارب لاكن تراها غريبه سديم تضحك من الصبح ما صارت
غدير اي والله تقومين منفسه كنه نطحك ثور وما غير تشبين فينا
سديم : اييييه وش تبون يعني إذا صحيت منفسه قلتم وش هالاخلاق واذا مروقه مالك بالعاده كيف والله ما عرفت لكم يالله ما بخرب جوي عشانكم خلوني مروقه ورمشت برموشها بمحانكه وشافت راكان ولد جيرانهم من الشباك
سديم : ااااااخ قلبي يمه بطيح
أم ساره : بنت استحي على عمرك وش هالحركات صدق ما بقى لا حيا ولا بقا بهالجيل
سديم : يمه شفيك ترى ما عادنا مثل زمان أول الحب ما عاد عيب وانا ليش استحي الحب حلو ومن الله وبعدين أحسن ما أخبي عليك تراني حبيته صدق
أم سارة: استغفر الله اللهم لا تأخذنا بما قال السفهاء منا بقوم أصلي الضحى أحسن ما انجن من هالبنت وراحت
سديم فتحت عيونها : لا اله إلا الله الحين أنا من السفهاء يعني اللي يسمعها يقول مدري وش سويت ترا عادي القصه ومافيها حبيت 
غدير بمسخره :  انتي والله ما عاد درينا من تحبين لسى قبل يومين مسويه مناحه على خالد مدري شسمه ما عاد خليتي احد ما حبيتيه وانغرمتي فيه من علي صاحب المزرعه لفارس حارس المدرسة لسمير صاحب البقالة وبعدك أمس تبكين على فيصل اللي بالسوبر ماركت والله ياقلبك فندق هذا وهم يقولون قلب المره ما يحتما غير رجال واحد يجوا يطبقوا دراستهم عليك بس وتتغير نظرياتهم كلها
ساره: سديم ترى عيب وانتي ما عدتي صغيره وهذا التسيب اللي عايشه فيه مو صحيح ومو كل من مر قدامك حبيتيه يالخفيفه
سديم ضحكت بشويش : اشفيكم تراني امزح  وبعدين تبون الصدق احس خلاص راكان واقطع الله يلع*نه عليه جمال بسم الله والله آني احسده على حواجبه  والله حواجبي كنهم مكنسه مو حواجب
غدير : ههههههههههههههههههههه بهذي صادقه
سارة : حرام اللعن وترى عيب تضحكون على خلقة الله بعدين والله ما فيهم حواجبك شي يعني لو عندك شوي ثقه وذوق صح كثير بس مرتبين ومنظميين كأنهم معمولين
سديم : يعني حتى لو اقتنعت تخيلي اكون جنب راكان بيوم وانا حواجبي كذا وحواجبه أصغر بموت الله ياخذك يا راكان أنت وحواجبك أنا وش اسوي الحين
سارة : انتي ما تستحين تتكلمين كأنه زوجك أو كأنك ضمنتي زواجكم وتدعين بعد
سديم : ليه وش المانع عادي ترا ومو بعيد ولا مستحيل بنتزوج واذكركم وانا احبه وهو بيحبني بعد ومافي شي يمنعنا
سارة : ما بتتزوجون وبذكرك أول شي  وانتي تتكلمي استحي ترا الحياء أهم من حواجبك واذا ما استحيتي منا استحي من ربك تتكلمي كأنه مافي قدر ولا نصيب كأنك ملكتيه وخلاص وبعدين انتي ما تحبينه ولا هذا اسمه حب يا غبيه واخر مره اسمعك تتكلمين عن شباب وعن حب افهمي الحب أول بعدين حبي
سديم بنص عين  : لاااا ياللي تفهمين بالحب والغرام وش الحب يعني
سارة : الحب مثل ما قاله نزار قباني
" الحب ليس روايةً شرقيةً بختامها يتزوج الأبطالُ
لكنه الابحار دون سفينةٍ وشعورنا أن الوصول محالُ "
الحب يختارك ما تختاريه يجيك ما تجيه يعارضك وتعارضيه
انتي بتعرفين هالكلام لما تحاولي تنسين نفسك وتتذكري لما تقولين هذا مو صدق رغم أنه كل شي يدل عليه وتقولين ما راح امشي بهالطريق وما تصحين إلا وانتي بآخره هذا هو الحب مو تقولين أنا أحب بدون شي انتي تجرين الحب مو هو يجرك بتفهمين بيوم يا سديم
سديم بملل: اي عادي بظل اتمسك بقرار آني ما أتزوج إلا بحب لا تحبطيني وشافت غدير سرحانه
سديم : يتهنى اللي شاغل بالك خير كثران سرحانك هالايام استاذه غدير وش فيك

غدير : ههههههه لا أبد مو بمكان (وهي اللي كانت تفكر بفهد بعد كلام سارة وبالتحديد وشعورنا أن الوصول محالُ ..تسأل نفسها أنا وش يضمني نلتقي وما نفترق وش يضمني نقترب مو نبتعد وش يضمني آني اوصل لاقصى مداه ويوصل لاقصى مداي وتفكر ياترى فهد ما نساني ويذكرني مثل ما أنا اذكرة اااخ عذبتني يافهد )