لو درينا عن هوانا وش مصيره..كان قبل الحب صلينا استخاره .

البارت ١٦

عند البنات بعد ما كل وحده تذوقت الكيكه وخاب ظن ريفان فيها وطلعت مو صالحه للأكل ههههههه بدأوا البنات كل مين تأخذ شوي وتحط للي جنبها وميثا حطت لهم كلهم وميلاف عندت إلا تبي ترجعها واخذت الكيكه كامله وحطتها بوجه ميثا
ميثا : ميلاااااف يا حمارة ليييش
ميلاف : ههههههه عشان ارجع حقي وانتي حطيتي لي
ميثا : حطيت شوي يا دبااا
ميلاف : ههههههه تستاهلي هذا عني وعن البنات
ميثا :الله يآخذك الله يآخذك يا ميلاف وراحت تغسل وهي مغمضه عيونها وتدعي على ميلاف وهي تمشي

مازن اللي مل  لحاله وقال يروح يشوف أمه شوي وهو يطلع الدرج وشاف بنت وجهها مغطى بالكريمه ومغمضه وتتحسس المكان تمشي وتدعي على ميلاف فعرف أنه هذي ميثا لأن مافي غيرهم الاثنين مهابيل 
مازن يشوف ويحاول يكتم ضحكته على شكلها لاكن ما قدر وهنا انفجر بوجه ميثا : ههههههههههههههههههههههههههههههههههه
ميثا خافت ورجعت بسرعه وصقعت بالجدار وصرخت : والعععععنه جني يا خذك يا ميلاف وياللي تضحك
مازن مكمل ضحك وكمل عليه صقعت ميثا : ههههههههههههههههههههههه جني لك انتي. وش ذا الله يأخذكم هههههههههههههههههه
ميثا جتها الصيحه من الموقف خصوصا لما مسحت عيونهابيدها تشوف وطلع مازن هنا خلاص صارت تبكي من الفشله تدري مارح ينسى السالفه بسهولة وراحت تركض  ومازن ماسكه الضحكه معه وطلع ما كمل لامه. 

عند سديم اللي رجعت وهي منهد حيلها وصلت الضهر ونامت وساره مثلها أما غدير بقيت مع امها يسولفون

عند فهد وعزام والجد
عزام بمزح : يبه وش رأيك نزوجك
فهد يكمل : ههههههه بنت عشرين بعد
الجد بنص عين : اسكتوا اسكتوا تزوجوا أنتو يالبزران وخلوني بحالي
فهد : افااا أحنا بزران  ابن مدرج
عزام  : ووش حلاتنا رجال طول بعرض وتقول بزرااان افا افا ما هقيتها منك يا شيخ
الجد بجديه هالمره : شوف عزام ترا فهد ولد الناس وما راح اضغط عليه بس أنت ولدي لمتى وأنا انتظر احضن عيالك بحضني لمتى يعني بتجلس على الطاري القديم لمتى
عزام واللي تعكر مزاجه من السالفه : قفل السالفه يبه مو بوقتها الحين والله يبارك بعمرك أن شاء الله تعيش وتحضن عيالي وعيال عيالي بعد بس لا تضغط علي واللي يرحم والدينك يبه
وابوه سكت طبعاً وهو ضايق على ولده وسولفوا شوي  وبعدين راحو ناموا
                          ••••••••••••••••••
عالصباح الكل فاق والكل راح شغله طبعاً مزرعتهم مو بعيد عشان ما يروحوا اشغالهم ومازن طلع مع طلال اللي سحب على شغله ونواف ومشعل اللي متغير يلفوا بالاسواق وشافوا محل صاحبهم ودخل مازن يسلم عليه ودخلوا الشباب معه
طارق بنشوة فرح :  اررررررحب هالله هالله مازن لفانا
مازن : ههههههه نور المكان صح
طارق : وش نور المكان نورت الديره كلها ياشيخ وقرب يسلم ويحضن وكذا
مشعل : يا حيوان أشوفك ساحب علينا ترانا هنا
طارق : ههههههه اليوم بسحب على كل الناس دام مازن هنا ندلعه ومن بكره نعدل بالحب ههههههه
طلال : لا يا شيخ عفتنا اليوم والله ما نجيك بكره صح شباب
نواف : صح على باله أحنا سهليين نرضى بالسهوله
طارق : اسكتوا اسكتوا يا زعلوين احس آني زوجكم وانتم حريمي الاربعه
الكل : هههههههههههههههه
مشعل : أجل دامك تحس كمل وراضينا بشي ههههههه نغار ما نرضى تدلع وحده ويرمش مثل البنات والباقي لا وها وتكتف مثل البنات
الكل : ههههههههههههه
مازن : احس لايق لك تكون بنت أكثر
مشعل بنص عين  : الله يأخذك حتى أنت لايق عليك الزوجة الهاديه
مازن : ههههههه ييييخ يا حيوان مسرع رجعتها
طارق ضرب جبهته : وشلوون نسيييت يا ولد ولف ينادي عبد الله قوم روح جيب شي من الكافيه للشباب بسرعة
عبدالله (أخو طارق الصغير )وهو يلعب بالجوال : حاضر ومكمل يلعب
طارق : عبدالله قوووم بسرعة
مشعل : مو بضروري حنا بس نسلم ونسولف شوي ونروح
طارق : لا لا وش مو ضروري وصرخ عبد الللله وارتفع صوته وفز عبد الله: طيب  الحين أروح وراح
وقعدوا يسولفون ويشربون بعد ما رجع عبد الله وكمل لعب على الجوال وطلال  جاته فكره بما أن المحل محل هدايا واكسسوارات وزي كذا لف بنظره يدور وشاف طوق انيييق حيل وفيه حرف الراء وقال بعد تفكير شوي : طارق ما عليك أمر ممكن تطالع لي هالطوق
كلهم شافوا وتفاجأوا ومشعل شب النار بقلبه وكان يشوف على الطوق ونضراته لو تحرق احرقت المكان
نواف : افاااااا طلال لميين وهدايا
طلال أنحرج : مالك دخل ما اقصد شي بس عجبني وش رأيك ما تشوفه أنيق
مازن : الانيق أنيق ما انكرنا بس هالاناقه لميييين
طلال : مو لاحد والله
طارق : لا تحلف خلاص ترا انكشفت
طلال : مالت عليكم أي اي بهديه لحبيبتي
مشعل متخذ الصمت وعيونه تنطق شرار ولا جاب كلمه وهنا تأكد أنه طلال يحب ريفان وقرر ينسحب من المكان بهدووووء ومن السالفه بكلها يخسر حبه ولا يخسر رفيق دربه واخوه وراح
طلال بنفسه : هه والله كنت حاس والله يحسبني مو منتبه له مستحيل تكون هذي غيرة اخوّه يا مشعل ولا انك تزعل على بنات عمك والله انك تحبها بس أول بتأكد بنفسي أهي حب والا بس اخلاق مع آني متأكد أنه حب
طارق : تشتريها
طلال شاف وقرر يرجعها بما انه مشعل راح : لا لا خلاص هي صح اعجبتني بس ما راح آخذها
طارق بمزح : عادي عادي حب ما نقول شي
طلال : ومين قال خائف منكم اصلا أنا إذا حبيت اخلي الديره كلها تعرف
طارق : أجل وشو خائف من السعر ياخي خذها مني فدا راسك
طلال : والله مو كذا والله بس ما كنت رح آخذها من الاول
وبشوفة حال قال : واصلا لو ودي اهدي حبيبتي بهديها حرفي مو حرفها
مازن بنص عين : تلبس حرفك ليش من زينك بس
طلال : والله أن تلبسها هي مو تحبني أجل تحب كل شي فيني

أما مشعل طلع على طووول وشب الزقارة وقرر أنه ينسى ريفاااان ويدفن حبه بقلبه

تتوقعوا تنتهي صداقة مشعل وطلال وتوقف هنا أو ينتهي حب مشعل لريفان ويوقف هنا ؟!!!!