لو درينا عن هوانا وش مصيره..كان قبل الحب صلينا استخاره .

البارت ١٣

أم نايف : نواف وينك ساعه تجيب الأغراض
نواف : والله ما اجيبهم يجيبهم الزفت مازن
أم نايف : الحمد لله والشكر وش دخل مازن
نواف : دخله والا ما دخله والله ماني جايبهم حلفت وتركهم بالطريق وراح يتحلطم قرفتني يا مازن الله يقرفك
مازن من مكانه ميت ضحك على نواف والاكياس اللي حطهم بوسط الطريق : هههههههههههههههههه وش هالمجنون ههههههههه الحين بيقولون انجن أكيد يكلم روحه هههههههههههههههه وراح لنواف وهو معطيه ظهره مسكه من كتفه
نواف : حلوا عني والله ما اوصلهم حلفت خلاص
مازن : خلاص أنا اوصلهم نواف لف على طووول
نواف بتفاجئ :  مازن قلت مارح تجي حيوان
مازن : حبيت اخليها مفاجأة وبعدين ادق عليك ليه ما ترد
نواف صغر عيونه : والله انك كذاب وتسويها متعني صححح
مازن ماقدر يصبر وهو يتذكر شكل نواف وتحلطمه : ههههههههههههههههههههههه اي والله بس الاكياس وش ذنبهم تخليهم بنص الطريق
نواف : حلفت ما اوصلهم وقلت لامي يدخلهم مازن من عصبيتي بس أنت جيت وراح تدخلهم غصب عليك أجل تمقلبني وش عرفك إن ماعندي رصيد
مازن : أنتو قلتوا لي الصباح لما اتصلتوا لي ويوم شفتك شايل الأغراض تذكرت وقلت خليني اوتره شوي
نواف بنرفزه : هذا شوي إلا والله بغيت انفجر منك والله إن الرصيد نعمة بالجوال
وضحكوا وراحوا وطبعا وصل الأغراض مازن بحكم أنه نواف حلف وعيى يأخذهم
دخلوا المجلس مازن قال : السلام عليكم
حسين : هلا هلا
سلطان : تفضل ياهلا والله
طلال : يقلع ابلييييسك يا ولد قلت ما راح تجي
مازن : ههههههه وجيت حبيت اخليها مفاجأة
مشعل : واحلا مفاجأة بعد
سلمان : اي والله التم شملنا
نواف بزعل  : اشفيكم عاملين لي طاف ترا تجرحون احساسي عبروني شوي بما آني جنبه
ماجد : أنت قدييم ههههههه صاروا يتمنون تبتعد يومين يرتاحوا منك ضحكوا كلهم على نواف
وقاموا كلهم يسلمون عليه وحكى لهم نواف عاللي سواه مازن فيه وكلهم ضحكوا

عند فهد اللي رجع عمه عزام من السفر وكان وده يعاود بس عزام منعه وحلف إلا يقعد معاه يومين لأنه مشتاق له فاضطر فهد يبقى 
بعد العصر بعد ما تغدوا وصلوا جالسين بالحوش يتقهوون
عزام : فهد وش رأيك تجيب امك وخواتك وتجون تسكنون عندنا
فهد : لا واللي يرحم والديك تراني مشتاق لحسين ملئ الأرض تجي تقول اسكن هنا لا والله 
عزام : ههههههه أنت وهالحسين تراني اغار هاا
فهد بإبتسامه : ههههههه كلكم غاليين والله بس تعرف حسين رفيق الدرب صعبه أبتعد عنه
عزام : ادري ادري الله يسعدكم ولا يفرقكم أبد حتى أنا أحب حسين هذا وكمل بروح اشوف ابوي نام والا بخليه يجي يتقهوى معانا وراح يشوفه وشافه نايم فتركه ورجع لفهد وكملوا سوالف وفهد كان مرتاح معه خصوصاً أنه التعامل معه سهل وقريب من اعمارهم وكذا

بالليل عند الشباب بالمزرعه مجموعين بالديوانيه(المجلس) كلهم وكل مين يسوي شي اللي يقلب في تلفونه واللي يلعب واللي يشاهد اللعب واللي يشرب قهوة وكذا ، اللي كانوا يلعبون هم مازن وطلال ومشعل ونواف كالعاده الفريق اللي يخلق الوناسه والباقي منهم يشاهدوا ويضحكوا والبعض يقلب في تلفونه اللعبة اسمها بيجو واللي كانت كالتالي : (يلعبون بأوراق النرد واللي تلعب لاربعه أشخاص فقط وهي أنه يتبادلون بالاوراق واللي يجمع اربعه اوراق من نفس النوع يكون بيجو واللي يكشفه ويقول له بيجو يرشي عليه ماء وكان ترتيبهم مازن مع طلال فريق ونواف ومشعل فريق وكل شخص مقابل فريقه  )/مدري تعرفونها أو لا 🌚/ كل واحد من الشباب حاط كأس ماء قدامه وما قد انكب الماء إلا كأس واحد من مازن على نواف
مازن : دورك مشعل بسرعه
مشعل : ههههههه كأنك ناوي علي يا وصخ
مازن : ههههههه لا لا أنا ما اسخى عليك كلها رشت ماء يعني مو اسيت ههههههههه
مشعل : لا والله الحمد لله اللي ما تسخى فيني والا كان ترحمت على روحي .
وبهالاثناء وماشي الدور كان طلال بيجو واللي حاول يغمز لمازن عشان يفهم عليه بس مازن مو منتبه وانتبه مشعل اللي أخذ الكاس من قدامه على طووول ورش طلال : بيجو طلال
طلال : ووووووحححح ووووه أنت يا ثووور اغمز لك ليه مو منتبه (ويأشر على مازن )
مازن : ههههههههههههههه احمد ربك تروشت يمكن لك شهر ما تتروش
طلال : لا والله ليه شايفني مثلك ولف على مشعل وانت ياخي ليش مستعجل ما تقول بيجو أول وبعدين ترش عشان إذا ما كنت صدق أقول تأكد أول
مشعل وهو يتعنى بكلامه وعيونه بعيون طلال وما يبان بكلامه أنه مزح أبد  : أنا متأكد من اللي اسويه واعرف مو مثل بعض الناس يسوون أشياء ما يعرفون وش هي
طلال حز بخاطرة بس مشاها بمزاجه : طيب نعرف ثقتك يا ثقيل بس ولو تأكد أول يعني لو كنت مو بيجو حرام ترشني بالماء بدون شي
مشعل بإستفزاز: هه لا يا دلووع تراه مثل ما قال مازن ماء مو اسيت يعني مارح تموت لا تخاف ويمكن تغسلك لو مو من برا من جوا
طلال تضايق وحط الورق من يده : مشعل تراني منتبه انك تنغزني بالكلام من أول بس انا امشيها بمزاجي لاكن أنت تعرفني ما أحب رمي الكلام إذا فيك شي مني قولها بوجهي مو ترمي الكلام
نواف بصراحه :ترا حتى أنا ملاحظ مشعل مدري احسك متعني كلامك إذا أنا مو غلطان
مازن يشوف ويراقب بصمت
مشعل ببرود : لااا أبد مافي شي أنا بس بعض الأحيان اتفلسف تعرفوني يالله نكمل لعب  وكملوا وطبعا كمل مشعل رمي الكلام وكان واااااضح للكل هذا الشي وكلهم انتبهوا لنضرات مشعل وكلامه تجاه طلال بس طلال مشاها وكمل لعب
عند البنات
ريفان : أف وش هالملل والله مو طبيعي أبد
ميثا : لاااا دام ريفان قالت ملل ريفان الهاديه فأكيد أكيد في ملل
نورة : بنات والله آني مشتهيه كيكه بدل ماحنا قاعدين نتحلطم خلونا نقوم نسوي
ميلاف : اي يالله والله أحسن ما نجلس هنا
سحر : أنتو بقر شي الحين نص الليل من وين تجيبون اغراض
صيته : يعني ممكن يكون في داخل ندور ويمكن نلاقي
نورة : اي والله آني مشتهيييه مدري ليش
صيته : طيب اسبقوني وأنا اصحي مي تروح تنام بالغرفه والحقكم
كلهم مشوا عالمطبح شوي شوي عشان لا احد يسمعهم
صيته : مي مييي هييي
مي : امممم
صيته قومي ادخلي نامي بالغرفه مو حلوه تقعدي هنا للرايح والجاي يالله
مي بنعاس : وانتي وش عليك أنا بعدني ما اتغطى ولو شافوني
صيته بحزم : مي قومي يالله حتى لو ما تتغطين مو حلوة يشوفونك وانتي نايمه يمكن تكوني بوضعيه مو تمام وبعدين لا تطيحي الميانه حتى لو بعدك ما تتغطين يالله يالللله
مي بنرفزه: افففف طيب طيب وقامت راحت عالغرفه
حسين اللي عطش وكان داخل يجيب له مويه وسمع كل الحوار وابتسم واعجبه أن صيته تحاول تعلم مي التحفظ حتى لو أنها صغيرة وتنبهها وانه مو مهمله بهالاشياء وفكر إذا كانت أم أنه رح تربي عيالها تربيه حلوة وبعد ما راحوا دخل أخذ له مويه وطلع