الصباح ببيت مهند الفيصل قامت غدير وقومت سديم بس سديم سايرتها انها رح تقوم واول ما طلعت غدير من الغرفة انسدحت وكملت نومه الين مرت ساعة إلا وادخلت عليها سارة
سارة : سديييم هييي سديم
سديم : امممم
سارة : قومي صليتي والا لا ؟
سديم سكتت شوي وبعدين تكلمت : اي صليت وفيني نوم قلت أنام لي شوي
سارة : ايييي ان شاء الله يكون صدق صليتي ترى يا سديم الموت ماله وقت ولا عمر محدد انتبهي لصلاتك ترى أول ما يحاسبونك عليها مو تقولين بعدين أهتم لما اكبر بالعمر شوي يمكن الحين وبهاللحضه تموتين ماحد يعرف اجله اصحي على روحك يا سديم أحسن لك
سديم فاهمة كل شي صح بس تكابر وبضجر : ايي تراني مسلمة لذي النصايح كلها وقلت لك صليت وشو يعني رح تكذبيني مثلا والله مايهمني المهم أنا عارفه بنفسي وخلاص
سارة بنبرة عتب : ما المشكلة انك عارفة نفسك ومصره عاللي تسوينه ترا اللي يذنب ويتوب عادي كلنا نذنب وغارقين ذنوب بس اللي يصر عالذنب هذا هو اللي مو عادي وياريت تراجعين تصرفاتك هاليومين مو بعاجبتني انتي وشلتك الطايحه الصاحب ساحب يا سديم ساحب ،،سديم لا رد تركتها سارة وطلعت .
~~~~~~~~~
ببيت ابو ماجد
جالسين يفطرون بديوان الرجال مع عزيز لأن أمس بات عند مازن
نواف بضحكه : عبد العزيز يأكل أقل من القطوة والله لو آكل اكلك عز الله مت من زمان
أبو ماجد : ايي ما يحتاج تعلمهم انك تأكل كثير كرشتك تكفي يفهمون
مازن : بوووووم دور جبهتك
عزيز ضحك بخفه
نواف بقهر : اصلا الشرهه علي اللي نمت عندكم كنت جلست عند ابوي أحسن لي ياشيخ
عزيز بهدوء : وانت خفف شحوم ماغير كل شي تبلعه
نواف بغبنه : اماا كلكم ضدي وش عليكم مني وش زيني طيروا بس
وكملوا سوالف مابينهم
===========
فهد راح محل ما يلتقي بغدير عل وعسى يشوفها ويعرف قرارها
فهد بهدوء : السلام عليكم
غدير لفت وتعدلت بسرعه : وعليكم السلام
فهد : وشلونك ؟
غدير : الحمد لله
فهد سكت ثواني: وش صار بأحساسك يا غدير
غدير شافت له بهدوء وصدت : أبد على حطة يدك ماشي تغير واختلف ما زال احساسي اهو احساسي
فهد ابتسم : سارة بلغتك بكلامي ؟!
غدير بهدوء : اي قالت
فهد : وش قلتي بعدك على عهدك موافقه أو بترفضين
غدير : إذا تقدمت علمتك برأي وماهو عيب الرفض
فهد : غدير أنا ما ودي امي تجي تخطب وتنرد إذا موافقه قولي أنا خايف ترفضين وبوقتها مو تزعليني تزعلين امي واهلي بعد
غدير شافت له بهدوء : لا عليك الامان لا تخاف وضحكت بخفه ههههههه يالله مع السلامة تأخرت وراحت
فهد ابتسم واعتبر ردها موافقه خصوصا مع الضحكه
•••••••••••••••••
بعد أسبوع من الأحداث عزيز ماحب يثقل على مازن على قولته وكان ناوي يستأجر مكان وطلال اقترح أنهم يروحون الشباب فقط المزرعه عشان يجلسون براحتهم وما يخجل عزيز من جلسته عند مازن وكذا وراح معهم طارق بما إن الجلسه شبابيه آخذ عبد الله اخوه اللي ترجاه ياخذه وجلسوا فيها يومين واليوم الثالث قرروا يطلعون يعرفون عزيز على الديره زين ويتمشون وهم يتمشون وصلوا جنب بيت أبو بندر (واحد بديرة قريبة من ديرتهم عنده في حوش جنب بيته أشجار فواكه توت ووجوافه وبن وموز وليمون كانوا وهم صغار يسرقونه دايما والحين جوا مع عزيز على أساس يتذكرون الذكريات معه بس )
فهد بإبتسامة : الله على ذيك الأيام بس
نواف بغبنه : استغفر الله أتذكر كنتوا تأخذوني بعد ما اخلص عبارات الترجي بالعالم كله عليكم
حسين : كنت توك صغير علينا وكنا نخاف ننمسك بسببك
طلال : اي والله حتى كنت كل طلعه لهم اغرق بيتنا دمووع
مشعل يقلد شكل طلال وهو يبكي : ييييييييي يمه ييييييي
نايف : ايي عاد أنت يا مشعل كنت تمسك حذياننا الله يكرمكم عشان نركض بسرعة بدونها
مازن : وش رايكم نعيد الذكريات
طارق : الله والذكريات ترى كنا نسرق مو نوزع أكل على فقراء عشان نعيدها
عزيز : ههههههه مجنون يا مازن ودك نسرق واحنا وش طولنا الواحد ينشق اربعه
مازن : تكفوون بس نتذكر ما راح يصير شي
نواف بحماس : اي والحين صرت كبير ودي أجربها بنفسي وما حد يتذمر علي ويعطيني بعد صفارات انذار ههههههه
طلال : أجل عبد الله
عبد الله أخو طارق : هااا
طلال : أنت أصغر واحد رح نحط حذياننا (وانتم بكرامة )عندك واذا جاء رجال كبير مرره بالعمر صفر لنا وآخذ الحذيان ونلتقي هناك واشر على مكان بعيد عن البيت شوي
حسين : يا قرووود تخيلوا ننمسك ويجيبونا لاهلنا وش طولنا ونسرق خلاص خلاص ارجعوا
طارق : ياخي والله تحمست يالله يالله اللي ودة يجي يجي واللي ما وده لا يجي
حسين : روحوا انتم حنا مو بجايين مجانيين حنا
مازن بنص عين: اماااا يالعاقل أقول طس والله ما يعيشوا إلا مجانين ولف لعبد الله عبد الله خذ هاا هذي حذياني الله يكرمك إذا جاء واحد قد ابوي أو اكبر شوي نبهنا زييين
عبد الله : طيب
واعطوه طلال ونواف ومشعل وعزيز اللي سحبه مازن غصب يروح معهم والباقيين ضلوا شوي وقلبهم ما خليهم كلهم عطوا عبد الله الحذيان (وانتم بكرامة ) وراحوا .
بعد دقائق مرت وعبد الله خارج الحوش ومركز لا يجي رجال كبير مثل ما قالوا وهو أبو بندر بس شويه إلا وجاء واحد توه شباب ويشوف عبد الله منتظر خارج الحوش وعندة حذيان أستغرب قرب منه وابتسم : وش اسمك يا بطل
عبد الله ابتسم : عبد الله
بندر مسك كتفه وابتسم : وش تسوي هنا وليش هالحذيان معك
عبد الله ببراءة : هذولي للشباب دخلوا حوش هالبيت يسرقون من الشجر وحطوهم عندي قالوا إذا جاء واحد كبير مررره اصفر لهم واهرب بالحذيان عشان يقدرون يركضون بسرعه
بندر ضحك : ههههههه قلت رجال كبير أجل هات هالحذيان وأنا بجيب لك فواكه أكثر منهم
عبد الله : لا هم قالوا اخليهم معي لا جوا اعطيهم
بندر : اي هات وأنا اعطيهم اعرفهم أنا خويهم
عبد الله صدق : طيب بس انتبه لا يجي الرجال
بندر بضحكه : لا لا ما عليك منتبه وراح دخل الحوش ويشوفهم متعلقيين بالشجر
بندر وصل عندهم وصرخ فيهم إلا وهم ينقزون ونواف طاح عالارض من الخرعه
بندر انفجر : ههههههههههههههههههههههههههههههههههه
الشباب وقفوا قدامه وكل واحد وجهه ألوان من الفشله
مازن يحك راسه : هلا والله
عزيز بفشله : ويرحب بعد الله يفشلك
بندر يشوف وساكت وفيه ضحكه
نواف وماسك ظهره وفيه البكيه : الله يأخذكم لا اخذت فواكه ولا سلم ظهري
حسين بإحراج : ايي سيد طلال وش من الذكريات استرجعت
فهد بندم : والله اننا خبول قلنا ما بنجي معهم لاكن الشيطان الله ياخذه
نايف راح لبندر الواقف ومد يده : أنا نايف أنت من من عيال أبو بندر
نواف : لا يشييخ سارق وبعده يعرف بنفسه وبكل فخر
بندر شاف شوي ومد بهدوء : بندر معك
نايف : تشرفت
بندر برفعة حاجب : الشرف لي بس ما تقولون وش جابكم حوشنا
طلال بنص عين: اسأل ابليس وشاف لمازن وكلهم شافوا له
أنت تقرأ
لو درينا عن هوانا وش مصيره..كان قبل الحب صلينا استخاره .
Randomلاول مره اجرب أكتب رواية إن شاء الله تكون حلوه وتعجبكم واذا عجبتكم نكملها بإذن الله
