لو درينا عن هوانا وش مصيره..كان قبل الحب صلينا استخاره .

البارت ٢١

طبعاً الكل تأثر بس مو مثل مازن ومشعل ليش لأنه مازن يعرفه ودائما لما تعرف الشخص تزعل عليه أكثر من لما تكون ما تعرفه ومجرد قصه تسمعها تحزن شوي ومشعل اهو ضايق من البداية وسمع القصه وزادت ضيقته أكثر سحب نفسه بصمت وجاء بيطلع وقفه نواف
نواف : مشعل لوين
مشعل : اوسع صدري شوي وطلع بدون لا يسمع أحد ولاهو عارف وين يروح لويش يشكي همه اخذته رجليه لابعد من المزرعه شوي وشاف منظر حلو وهادي يريح النفس وجلس فيه وحط يدينه فوق عيونه والقى ظهره على الشجره وغمض وبداخله يدعي الله يهدي باله ويختار له ولا يخيره يختار له الأفضل ويرضيه وظل حوالي خمس دقايق وسمع صوت مشي تجاهه عقد جبينه وابعد يدينه بس ما زال مغمض وسمع
طلال : أنت هناا
مشعل فتح عيونه ببرود وناظر لطلال : هه لا تسويها صدفه ترى واضح انك لاحقني
طلال يبي ينهي القصه : ههههههه أي والله كشفتني
مشعل : طلال ورب البيت ضايق ومالي خلق أجلس مع أحد خليني بروحي
طلال ويبي ينرفز مشعل عشان يطلع اللي بصدره ومايبي يبدأ هو بالقصه : اي ادري ضايق بس مامعي غيرك بيسمعني
مشعل : اييه يعني مافي غيري كلهم عندك إذا قصدك يعرف بجوك خلاص نواف عندك دام مازن متضايق وخلاص روح
طلال : افاا مشعل ما ودك تسمعني وأنا جاي من بين الكل اخترتك وابي اكلمك بشغله وتردني طيب وقام سوا نفسه بيروح ووقفه مشعل
مشعل : خلاص خلاص تعال اعذرني طلال ماقصدي اردك بس والله ضايقه فيني الوسيعه وتشوفني بعينك
طلال وحس أنه وصل وقال : افاا يا مشعل كب مافي صدرك ولا تبالي واحمل عنك وتحمل عني مثل ما تعودنا قول وش مضايقك بس والله ما تضيق وراسي يشم الهواء
مشعل من بين ضيقه ابتسم : ادري بك فزعه وينشد فيك الظهر وماتقصر بس هالمره خليها لي معليش طلال
طلال : من متى وفي بيننا أسرار يا مشعل هاا من متى مو تعودنا كل من يحمل هم الثاني ونتقاسم الفرحه سوا ونتقاسم الضيقه سوا متى تغير هالنظام
مشعل : ماتغير وربي وكنت كل ما تضيق اجيك وأكب حزني  لك ورح اظل اكبه والله بس مو هالمره إلا هالمره صعبه وربي ما اقدر أقول  وغير نبرته وكمل الحين خلينا مني وقول وش فيك جاي وش اللي ودك تقوله لي
طلال شاف شوي وهو صامل يجيب الموضوع اليوم وكمل بخطته : ايييه ااا كان ودي اسألك كيف السنسال اللي شريته اليوم مشيت ومالحقت اسألك عنه
مشعل شاف لطلال بحده وعقد حواجبه بعدين قال : مادري أنت أفضل مني بهالاشياء وبعدين نزل راسه وكان يبي يسأل لمين شريته بس سكت وهنا كما طلال وهو ناوي يطلع مشعل من طوره شاف لمشعل : تتوقع اااا يناسب ريفان
مشعل لف بقوووه لطلال ومازال ساكت وكمل طلال وهو يتفحص ملامح مشعل : صراحه أنا أحبها وسمعت كلامك ونصيحتك وقلت اتقدم وش اللي يردني عنها وهي بنت عمي
مشعل مازال ساكت ومنزل راسه ويسمع ويحس انفاسه تتسارع وعيونه شرار
طلال يكمل اللي بداه: وش رأيك أعترف لها الحين واهديها السنسال أو اطلبها كذا فجأه وأعطيها بعد الخطوبه وش رأيك
ومشعل ساكت ومانطق ولا بحرف
طلال : طيب قول اهو يناسبها مدري بيعجبها أو لا يعني مادري وش ذوقها ووش تحب أنت وش تقول ويشوف ومشعل منزل راسه ومايرد قرب له وقال بنفسه بكمل وعلى الله ما يذبحني بس وقرب ومسك كتف مشعل وقال : طيب بشتري لها ورد واحط السنسال وسطها وش قلت مشعل ، مشعل هنا انفجر وماعاد حس بشي وصرخ صرخه لفحت وجه طلال ودف طلال عنه بقوه
مشعل : طلاااال بعد عني اتركنيييي خلاص للجحيم أنت واياها اعطيها ما تعطيها أنت حر بنفسك لا تسألني تماااام ياخي روح أسأل غيري أنا ماااا أعرف فهممممممت رووووح طلال رووووووح اتركنييي

البارت قصير بس هذا اللي قدرت عليه ادعموني فدوه💚