لو درينا عن هوانا وش مصيره..كان قبل الحب صلينا استخاره .

البارت ١٤

وفكر إذا كانت أم أنه رح تربي عيالها تربيه حلوة وبعد ما راحوا دخل أخذ له مويه وطلع
ريفان اللي ما ريحها جو الفوضه اللي بالمطبخ وهي بطبيعتها تحب القمر وتحب تضل تتأمله فتغطت وطلعت الحديقة
البنات بعد ما دخلوا ودوروا وما لقوا الأشياء المطلوبه حق الكيكه
ميثا : طيب بنات اشرايكم نعمل  كيكه بكل شي موجود بالمطبخ
ميلاف : ههههههه والله فكرة مخبوله بس حلوة نقضي وقتنا ما فيني نوم
نورة : وأنا والله ما اخلي الكيكه بنفسي خلونا نسويها
صيته وسحر ضحكوا وقالت صيته : طيب يالله نضيف من كل شي عشان ما ننساها أبد طووول العمر
وبدأوا يخبصون وكل شي يشوفوه يضيفوه وبعدها حطوها بالفررن
عند ريفان اللي كانت تمشي بدون ضوء عشان ما تحسس العيال بوجودها وودها تتعداهم وتروح مكان بعيد وتسوي عادتها لاكن بدون ما تنتبه زحطت رجلها ووقعت واصدرت صوت وريفان بطبيعتها خوافه لهذا بكت من الوقعه واحراج من الشباب
الشباب أول ما سمعوا راحوا تجاه الصوت
مازن بوهقة: لا يكون جني ههههههه
نواف بخوف : شغل الضوء وخليك ساكت لا تفجعنا ترا إلا الجن
مشعل بحذر : مين هنا تكلم ..ريفان ساكته وتبكي
حسين : تعالوا نشوف
طلال قرب وكان بيده عصا بيضرب يحسب أنه سارق أو شي ولما قرب بيضرب ريفان غطت وجهها بيدينها وشهقت
طلال بهتت ملامحه : ريفان بسم الله عليك وش فيك وش تسوين هنا
ريفان مافي صوت غير بكاها قرب مازن لما عرف أنها ريفان ومسك كتوفها وريفان خافت تعرفه ما يحب هالحركات وناظرت فيه  : ريفان يا روحي شفيك ليش تبكين
ريفان من بين بكاها ومتفاجأه كانت تحسب بيضربها بس صار العكس  : مافيني شي
مازن  رغم أنه ماعجبه أن ريفان طلعت عندهم بس يعرف اخته بريئه وماقصدها شي وما يريد يخيفها منه قال بحنيه ولوم : طيب انتي  شتسويين هنا الحين انتي تدرين أن الوقت متأخر
ريفان وما زالت تبكي وهي متفشله أولاً من الشباب وثانياً من اخوها : اي ادري بس كنت طفشانه ومافيني نوم وانت تدري آني أحب القمر قلت اطلع اشم هوا واتأمل القمر وما شغلت الضو عشان ما تشوفوني بس ما انتبهت وطحت
مازن حضنها : خلاص يا روحي ومسح دموعها من عيونها  الحين يوجعك شي صار لك شي
ريفان ببكى : يدي توجعني شوي بس ماعليه ما يصير شي
مازن بحنية الاخ : لو فيك شي اوديك المستشفى ما تسكتي
ريفان : لا مافيني شي
مازن : اكييد
ريفان ابتسمت من تحت الغطا على حنية اخوها رغم غلطها : اكييد طيب بدخل ههههههه تصبح على خير
مازن : تلاقي الخير ولو اوجعتك يدك أو شي اتصلي فيني طيب
ريفان : طيب ودخلت داخل وراحت عند البنات وهي ساكته ومتفشله والبنات ما شافوا اختلاف فيها لأنه غالبا هاديه وساكته فمافي فرق
مشعل اللي بعد هاللشي راحوا كلهم وراح ينام
مازن : خييير مشعل مغير مكانه مو أنت دائما تنام بجنب طلال
مشعل بهدوء : عادي وحبيت أغير وش فيها يعني
مازن: مافيها شي بس استغربت كنت تموت ولا تغيرها
مشعل حمل نفسه وطلع بهدوء وبدون لا يرد
مازن باستغراب : خيير شفيه هذا منقلب حاله
نواف بنفس الاستغراب:مدري والله له يومين مو تمام خصوصاً مع طلال
طلال حمل نفسه ولحق مشعل ولما جاه لقاه ساهي ويناظر السماء وطلال جاء وجلس جنبه وحط يدينه على ركبه
مشعل بنبرة هاديه غير مفهومه : وش جابك
طلال بهدوء : بقعد وياك
مشعل : ومين قال ودي اقعد معاك
طلال تفاجئ من الرد : مشعل لي هالكلام
مشعل ببرود : ليه في أحد غيرك معنا
طلال بزعل وعتب : ليييه وش سويت أنا يوم انك تجافيني مو أنا اللي كنت تفضلني عنهم كلهم مو أنا اللي كنت تقول لو تزعل منهم كلهم ما زعلت مني طيب ولو زعلت مني وش مزعلك فيه لييييه تحبس بروحك قول ياخي قووول
مشعل بعبره : هههه أنت ما سويت شي وأنا بعدني افضلك عليهم وبعدني احبك هه وأنا مو زعلان منك اساسا زعلااان من روحي بس
طلال : لو مو زعلان مني أجل ليه تعاملهم كلهم عادي وأنا مجافيني هااا لو تفكر آني مو ملاحظ تكون غلطان ملاحظ وكلهم ملاحظين بعد مو بأنا وحدي ليه زعلان ليه تعاملني كذا لو مخطي عليك بدون لا أعرف قول قول ياخي غلطت علي بكذا اعتذر واعرف خطاي ليه تخلي بيننا مسافه لييه بعد ما كنا متعانقين  مثل اللام للالف ليه تبعدنا ليييه
مشعل شاف لطلال بنضره ما تتفسر وقال بهدوء : طلال أنت اخوي مو ابن عمي والله ورفيقي وأنا احبك ويشهد علي الله
بس خلينا بعيدين عن بعض لو سمحت يعني خلاص أنا حبيت اسوي بيني وبينكم مسافه شوي وهالفتره ودي أبقى لوحدي فخلوني لحالي واللي يرحم والدينكم
طلال مقهوووور أن هالكلام من مشعل بس كعادته اعطاه عذر وقال يمكن يكون فيه شي يضايقه وما وده يعلمه فيه ومو منتبه على تصرفاته قال بهدوء وعبره : طيب اللي يريحك لو أن قربي منك يضايقك ابشر راح ابتعد وقام بيروح ؟!!!