لو درينا عن هوانا وش مصيره..كان قبل الحب صلينا استخاره .

البارت ٢٧

عزيز راح عند قبر ريهام وظل يبكي مثل الأطفال ويتذكرها ويتذكر ضحكتها اللي رح يفقدها من اليوم ويحس بطعنه بصدره رجع للبيت وحس بخنقه وما يقدر يقعد وحسها يحاوطه بكل مكان أخذ نفسه ورجع عند القبر وظل يبكي لساعات ويدعي لها وكأن لسان حالة يقول :

"مرحوم يامن عن عيوني تواريت
أودعتك اللي مايخون الوادعه
على فراقك غالي الدمع هليت
يوم أتذكر ضحكتك كل ساعة
دعيتلك بالخمس لين قمت صليت
     بالجنة العليا بعيد اتساعه "

مازن اللي من ساعة ما وصل وهو يدور عزيز
المختفي اللي من بعد الدفن ما شافوه وأخيراً بعد عدة محاولات اتصال وبعد وقت طويل رد عليه وعلمه أنه بفندق لأنه ما قدر يظل  بالبيت وانه مايبي يشوف أحد بس مازن عيا إلا  يروح له  عشان هذا الوقت اللي لازم يوقف معه حتى لو غصب عنه وراح وقعد معاه وبعد جمل وكلام للتعازي والمواساه من مازن لعزيز
قال مازن بهدوء  : عزيز ليش أنت بالفندق وما تكلم أحد ولا ترد على أحد تخيل لو صار لك شي ومحد درى عنك أنت مجنون
عزيز بحززن وملامح باهته : ياليتني أموت يا مازن ولا اضل بالدنيا وحيييد
مازن قاطعه بهدوء وحزن : لا تقول كذا يا عزيز لا اعتارض على حكم الله وبعدين ليش وحيد أنا أدري مارح اكون محل اهلك بس انا معك واهلي اهلك وانت اخوي يا عزيز
عزيز نزل راسه بين يدينه وقال بهمس وصوته ضايع : ماني معترض يا مازن والله ماني معترض بس انا ماعاد اتحمل أنا كرهان حظي ونفسي صرت بالدنيا سخيييف يا مازن تخيل أروح البيت اللي ماكان ضالل لي فيه غير ريهام أخت ماغيرها وكانت مريضه حيييل ويمكن وكمل بغصه ااااااه ويمكن موتها ارحم لها بس آني كنت متمسك فيها كثييير كنت اعتبرها كل شي في حياتي ،، ومازن مازال ساكت يبيه يطلع اللي بصدره عشان يرتاح شوي
وكمل عزيز بنفس النبرة وبغصه : أنا يا مازن بعد موت اهلي تمنيييت أموت ألف مره تعبت وتعبت حيييل ودخلت بأكتئاب بعمر صغيير وقتها كنت اختنق وينكتم نفسي وماكنت أتمنى اشفى بالعكس كنت أقول ياليتني انكتم واموت ولما تعافيت شوي من المرض بديت افكر بعقلانية شوي عن قبل واقول لو مت يا عبد العزيز مين لاختك اللي توها صغيرة على هالشتاااات وأنا أكبر منها ما تحملت وشلون لو تكبر بتتحمل وكافحت عشانها وعوضتني حيييييل رغم تعبها رغم أن حسها اللي ضايع بالبيت إلا آني بوجودها احس البيت مليان بكل مره كنت أروح معها المستشفى كنت اخااااف من الفقد أخاف يقولون لي اختك ماتت ولكن خوفي تحقق هالمره وصار حقيقه يا مازن مو خيال قالوا اختك ماتت عزوتي ماتت يا مازن جنتي بهالدنيا بعد امي ماتت ااااااااااااح يا مازن ما عدت اتحمل شي قلبييييي ضعيييف حييل حيل ضعيف عصفور مكسور جناحه وبعمره ماراح يطيب هالكسر ويبرى تدري ليش أنا بالفندق مو سألت ليش أنا هنا لأني رحت البيت وانخنقت كل زاويه فيه اتخيل فيها ريهام كل مكان احسها موجوده فيه هذا كثير علي يا مازن والله كثييير ليش كل مرة اسمع كلمة مات مات ليش ما أموت أنا وارتاح ليييش ونزلوا دمووع حاااااااره على خده تحت مازن اللي تضايق وما عرف ب وش يواسي رفيقه
مازن وهو يشد على كتف عزيز بضيق ومواساه : عزيز اذكر الله أنت الحين أكيد ما تعرف وش تقول ولا ايش تعبر وأنا ادري بس هذا مايجوز وأنا اخوك أنت صح ما تقول لربي أنا معترض على حكمك بصريح العباره بس هذا اللي أنت قاعد تسويه اعتراض أنت بكذا تعاتب ربي ليش كذا سوى بدون ما تحس وانت قلتها يا عزيز بنفسك اختك راحت للي ارحم منك ومن الكل يا عزيز ريهام الحين بترتاح عند ربها اصحى على روحك يا عزيز هذا اختبار لك وادري قلبك تعب كثير يا عزيز ومليت من هالكلام كله بس يا عزيز والله حرام اللي تسويه بروحك ما يجوز وقبل لا يكون ظلم بحقك هو عصيان لربك هذي أشياء ممنوعه من الله أنت لازم تتماشى مع هالحياه وتلتقون أنت واهلك كلهم بالجنان إن شاء الله لو كانت الدنيا تظل لحد أو احد يظل فيها كان الرسول للحين موجود لاكن الموت حق يا عزيز لا تظلم نفسك ماراح اقولك بكرة تنسى لأنك مستحيل تنسى ومستحيل أحد ينسى احبابه بس تناسى ياخووي وأنا معك أنا اخوك وانت اخووي لو كنت من قبل عايش لأن ريهام تحتاجك أنا الحين اخوك واحتاجك ترضى تخليني وتروح أنا والله يا عزيز ما اقدر بدونك إذا ما بتعيش لنفسك عيش لي أنا محتاجك كثييير وماني متخلي عنك ولاني تاركك لنفسك أبد وحظنوا بعض لوقت طوييييل واستمروا على هذا الحال والمواسات .
 

أعتذر لأن البارت قصير ولان ما انزل باستمرار بس على حسب وقتي وعلى قدر ما اقدر

ادعموني فديتكم 💚💚