هاريكا

" ٢ "

استغفر ربك..

متنساش تقفل الواي فاي عشان ميظهرش ليك إعلانات ونشيل ذنب بسببه، اللهم بلغت.

ڤوت وكومنت برأيك عزيزي.

___________________

كانت ممسكة بهاتفها مندمجة به لا تعي لما يحدث حولها، حتى جاءتها رسالة جديدة :

- " اه يا بنتي هاجي اتجوزك اكيد، بس لما نكبر شوية، متقلقيش بس متنسيش تمسحي المسدجات أول بأول عشان أهلك ميشوفوش حاجة، المهم بقى وحشتيني "

قرأت رسالته بابتسامة بها بعض الخوف، ثم كتبت له بحب :

- " حاضر، وأنت كمان وحشتني أوي "

- جميلة!

انتفضت من مقعدها ونظرت بجانبها إلى والدتها
" زينب " بخضة :

- ااا ... نعمم يا ماما.

تركت " زينب " ما تحمله من ملابس واتجهت إلى ابنتها بعيون ضيقة تسألها بشك :

- اتخضيتِ كدا ليه يا " جميلة "؟ كنتِ مركزة في إيه في الموبايل يخليكِ تتنفضي كدا لما سمعتِ صوتي؟

وضعت خصلاتها الناعمة كما شعر والدتها وراء أذنيها بتوتر، ولم تقدر على رفع عينيها إلى والدتها وتحدثت وهي تحرك عينيها بتوتر  :

- بعمل إيه يعني يا ماما، يعني حد يدخل زي دخلتك عليا كدا ومتخضش؟ عليكِ دخلة تشكك الواحد في نفسه اصلا يا ست زينب، المهم كنتِ عاوزاني في إيه؟

طالعتها ببعض الشك ثم نفضت ما في رأسها وقامت بوضع الملابس بيدها :

- خدي يا ست "جميلة " طبقيهم وحطيهم في الدولاب، وبعد ما تخلصي تروحي تذاكري أنتِ في أولى اعدادي محتاجين نركز يا حبيبتي.

تحدثت " جميلة " وهي تتجه بالملابس إتجاه المقعد :

- حاضر يا ماما متقلقيش هبهرك.

تعالت ضحكات والدتها واتجهت إلى الغرفة الأخرى حيث ابنتها الثانية "چودي".

________________

كانت " هاريكا " تجلس على مقعدها في كلية التمريض وتمسك عدة أوراق تمضي هنا وهناك وتقوم بتعديل بعض الأشياء، ثم نظرت في ساعتها وجدتها قاربت على التاسعة صباحًا حيث موعد
" سيكشنها الأول " قامت بترتيب الأوراق ووضعها على المكتب وتوجهت إلى " أساسيات تمريض ٢ " حيث تعطي السيكشن.

دخلت وقامت بأخذ الغياب، ثم بدأت في الشرح :

- انهاردة بقى هناخد  " Blood transfusion " بننقل الدم ازاي يعني؟ أول حاجه لازم نعرفها الـBlood نفسه الفصائل بتاعته إيه؟

طبعا عندنا جروب " A " وجروب " B " وجروب " AB " وجروب " O " والمره اللي فاتت شرحنا كل فصيلة منهم، دلوقتي بقى هنبدأ البروسيدجر نفسه يلا نعمل الـأربع Preparation......تمام خلصناهم نبدأ بقى طبعا البيشنت ده بيبقى مركب كانيولا، بنعمل Flush ليها الأول بـNormal saline عشان نتأكد أنها تمام معانا وان محصلهاش أي disorder، بعد كدا بقى هنشوف الـblood ده ....