هاريكا

" ٤٥ " والأخير.

استغفر ربك ..

متنساش تقفل الواي فاي لو بتقرأها كاملة عشان ميظهرش ليك إعلانات.

صلي الأول وبعدين تعالى أقرأ براحتك.

ڤوت وكومنت برأيك جزاك الله خيرًا.
_________________

- تسلم إيدك يا عيوني.

هتفت بها هاجر لأيان وهو يعطيها فنجان القهوة الذي أعده لها للتو، ابتسم بهدوء وأردف بتسائل لملاحظته تركيزها القوي في الهاتف :

- ايه يا حبيبي، بتعملي حاجة مهمة ولا ايه؟

لم ترفع بصرها وهتفت وهي ما زالت تحدق في شاشة هاتفها بتركيز وعيون متسعة :

- بوست مهم جدا عن التدخين، هبعته لزينب عشان زيزو يشوفه عشان كان بيشرب سجاير قبل كدا ونبهته كتير.

هز أيان رأسه باهتمام وارتشف من فنجان القهوة وهو يفتح هاتفه حتى يرى أخر مستجدات الصفحة التي يمتلكها على تطبيق الفيس بوك.

بعثت هاجر المنشور لزينب وكتبت :

" خلي زيزو يشوف البوست ده ضروري. "

فتحت زينب الرسالة في نفس اللحظة وبدأت في قراءة المنشور :

" أنا بلا رئة الآن
أنا واحد من ملايين المصريين اللي أفسدوا حياتهم بالسجاير"

كلمات قالها الشاعر عبد الرحمن الأبنودي قبل وفاته..
مش بس الشاعر عبدالرحمن الأبنودي اللي عانى من التدخين .. فيه ما يقارب ٨ مليون إنسان بيموتوا كل سنة نتيجة إصابتهم بأمراض العامل الأساسي فيها هو التدخين.

في سنة ٢٠٢٠ تم تسجيل ما يقرب من ٢ مليون حالة مصابة بسرطان الرئة وما يقرب الـ ١,٨ مليون حالة وفاة بسببه.
واللي التدخين بيساعد في الإصابة فيه بنسبة ٨٥٪.

"التدخين السلبي"

مصطلح مهم بيغفل عنه كتير من الناس.
بيوضح لك إن المدخن مش بس بيأذي نفسه ولكنه كمان بيأذي الناس اللي حواليه عن طريق إنه بيعرضهم للدخان الناتج من احتراق التبغ داخل السجاير وده بيأثر بشكل كبير جدًا على صحتهم.

"من بين 3.3 مليون شخص، هناك نحو نصف مليون ممن يتعرضون للتدخين غير المباشر ويموتون منه بين الأطفال الذين تقل أعمارهم عن خمس سنوات، ويموت 60 ألف طفل كل عام بسبب التدخين السلبي".