هاريكا

" ٢٧ "

استغفر ربك ...

متنساش تقفل الواي فاي لو بتقرأها كاملة عشان ميظهرش ليك إعلانات.

صلي الأول وبعدين تعالى أقرأ بهدوء.

ڤوت وكومنت برأيك .. عزيزي.
________________

عندما لمح معالم الجهل والاستغراب ما زالت تسيطر على وجوههم بقوة، فزفر " عمرو " بنفاذ صبر ثم هتف بصوت عالٍ :

- ركزوا معايا كَانْت عموما بتتلعب بالكوتشينة، كل لاعب بياخد أربع ورقات وبيفضلوا معاه لأخر اللعبة واللي معاه الورق كله بينزل كل دور أربع ورقات على الأرض ..
مطلوب منك تكون أربع ورقات متشابهين وأول ما بتجمعهم بتقول كَانْت وتاخد بوينت ..

صمت للحظة ثم هتف بتسائل :

- تمام كدا؟

هز الجميع رأسه باهتمام، فأكمل هو وهو يلعب بالكوتشينة بين يديه :

- طبعا اللي فاتت دي سهلة، فمش هنلعبها كدا، هنلعبها كَانْت بالغمزة، يعني ايه؟

- يعني هنغمز بدل ما نقول كَانْت؟؟

نظر " عمرو " لـ " إسلام " الذي تحدث للتو، فهز رأسه بنفي قائلًا :

- مش بالظبط، بصوا دلوقتي هنبقى كل اتنين فريق، وأي واحد من الاتنين دول كون أربع ورقات هيقولك غمزة معينة هيكون هو والتاني متفقين عليها فالتاني هو اللي يقول كَانْت ..

صمت للحظة يشاهد وجوههم التي يظهر عليها البلاهة ثم تسائل بتوجس :

- فاهمين؟

أشار له " محمد " كمعنى لـ " عيد تاني "، فهتف
" عمرو " بنفاذ صبر :

- ركزوا معايا بالله عليكم، دلوقتي كل اتنين فريق قبل ما نبدأ اللعبة هيتفقوا على كلمة سر مبينهم أو إشارة أيًا كان يعني، ولما حد منهم يعملها معناها أنه كون أربع ورقات شبه بعض فالتاني يلحق يقول كَانْت وياخدوا البوينت ..
طب لو حد كشفهم؟ والغمزة أو كلمة السر اللي مبينهم كانت مقفوشة قوي؟
يقول استوب ولو الشخص اللي عمل الغمزة كان مكون أربع ورقات يبقى اللي قال استوب ياخد بوينت، أما لو مش مجمع أربع ورقات ودي كانت مجرد كلمة قالها عادية يبقى هياخد هو البوينت، تمام كدا؟

فرك " مراد " يديه بحماس هاتفًا بابتسامة واسعة :

- تمام شكلها جامدة، يلا نختار الفرق؟

نهض " مهند " مبتعدًا عنهم قليلًا حتى يوسع لهم المكان قائلًا بنبرة هادئة :

- هتفرج عليكم أنا بقى عشان مش هيبقى في حد قصادي.