استغفر ربك ...
متنساش تقفل الواي فاي لو بتقرأها كاملة عشان ميظهرش ليك إعلانات.
صلي الأول وبعدين تعالى أقرأ براحتك.
ڤوت وكومنت برأيك .. عزيزي.
_________________
يجلس في جانب من جوانب مركز الشباب يشاهدهم بحنق وهم يكملون مباراة كرة القدم التي يلعبونها متذكرًا قول محمد له عندما تمت إصابته وهو ينظر في ساعته :
" فاضل نص ساعة وحجز الكورة يخلص واحنا دفعنا خلاص هنلعب النص ساعة اللي فاضلة ولما نخلص نروح نشوف ركبتك دي، خليك قاعد على الجمب ده بقى، إيدكم معايا يا رجالة نشيلوا نقعده هناك. "
هتف محمد جملته تلك وهو يشير إلى الجانب الذي يقصده فوافقه باقي الشباب وقاموا بحمل إسلام الذي توقع هذا الموقف منهم وتركوه وبدأوا في اللعب تحت أنظاره المشتعلة من الغيظ والألم ولكن سرعان ما تلاشت واندمج في مشاهدتهم وهم يلعبون.
- بس بس الجون محسوب لفريق أيان.
جاءه محمد الذي ينظر له بشر قائلًا بعصبية وهو يلوح بيده :
- تعرف متكلمش أنت؟؟ الجون مش محسوب واحنا اتنين اتنين عادي.
جاءه رد أيان الذي جلس بجانب إسلام بهدوء وهتف بعند :
- لأ، هيتحسب والماتش خلص اتنين تلاتة لفريقي.
- طبعا ده كلام ملناش دعوة بيه يا رجالة الماتش خلص اتنين اتنين.
أردف بها محمد بإصرار وهو يجلس بجانبهم وصوت أنفاسه عالي من كثرة ركضه، اقترب نادر ووجه سؤاله لإسلام بقلق :
- أنت كويس يا إسلام؟؟
فعل إسلام حركة بوجهه بمعنى حقًا؟ تذكرت الآن؟
فاستدار مهند مسرعًا له وتسائل بنبرة قلقة :
- اه صحيح أنت عامل ايه دلوقتي؟
- الحمدلله يا حبيبي أنت ايه الاخبار؟ ليك وحشة يا غالي.
ثم سلم عليه إسلام وهو يقبله من رأسه ثم فجأة ابتعد عنه وصاح بحنق :
YOU ARE READING
هاريكا
Non-Fictionمزيج من المغامرات المختلفة سواء مغامرة حقًا أو مجرد كلمة. " هــاريـكـا " بهدف الاستفادة وليس الاستمتاع فقط، بإذن الله تستفيد حتى لو ٥٠٪ معلومات دينية أو طبية. اقفل الواي فاي وأنت بتقرأ عشان منشليش ذنب الموسيقى اللي فيه وأي حاجة موجودة فيه عمومًا...
