استغفر ربك ..
متنساش تقفل الواي فاي لو بتقرأها كاملة عشان ميظهرش ليك إعلانات.
صلي الأول وبعدين تعالى أقرأ براحتك.
ڤوت وكومنت جزاك الله خيرًا.
_________________
" مش الكتكوتة دي أولى ببيتي؟ ليه تكوني دوا لقلوب المجروحين وأنا قلبي محتاجك؟ "
هتف بها أيان وهو يقف مستندًا على الحائط ضامًا يديه جهة صدره مبتسمًا بسمة هادئة، فجاءه رد مراد من خلفه هاتفًا بعيون تكاد تشتعل من الغيرة :
- ولا بطل مُحن! هو في ايه؟ وبعدين ايه جابك المستشفى هنا ولا هو أي تلزيق وخلاص؟
استدار له أيان ببطء ورفع حاجبه باستفزاز :
- وأنت مالك يا حبيبي؟ دي مراتي.
تنفس مراد بحنق وهتف وهو يلوح بيده بعد أن تذكر أن أحمد قال له نفس الشيء على مريم :
- متقولش الكلمة دي تاني متعصبنيش.
ابتسمت هاجر بقوة بينما أردف أيان بتسائل بريء :
- بتعصبك مراتي؟ طب هي مراتي مراتي هاجر مراتي يا مراد، أختك مراتي.
تشنج وجه مراد مرددًا بنبرة حانقة :
- هو أنت يا لا اتعلمت الاستفزاز ده منين؟ مش كنت مؤدب ومحترم؟
ابتسم أيان رغمًا عنه ونظر بطرف عيونه لهاجر ثم عاد ببصره لمراد :
- ده مش استفزاز ده أنا بوضح لك أنها ملكية خاصة.
بلل مراد شفتيه بغضب ونظر لهاجر خلف أيان بتسائل غاضب :
- عاجبك اللي أيان بيقوله ده؟
هزت رأسها ببراءة؛ فابلتع مراد ريقه بحزن :
- تمام ياريت يخليكِ في عيونه ويبسطك زي ما أنا كنت بعمل معاكِ.
ثم رحل بكبرياء حزين تاركًا الاثنان ينظران لبعضهما بعدم فهم، حتى قطع الصمت ممرضة أخرى تنادي لأيان :
YOU ARE READING
هاريكا
Non-Fictionمزيج من المغامرات المختلفة سواء مغامرة حقًا أو مجرد كلمة. " هــاريـكـا " بهدف الاستفادة وليس الاستمتاع فقط، بإذن الله تستفيد حتى لو ٥٠٪ معلومات دينية أو طبية. اقفل الواي فاي وأنت بتقرأ عشان منشليش ذنب الموسيقى اللي فيه وأي حاجة موجودة فيه عمومًا...
