استغفر ربك ..
متنساش تقفل الواي فاي لو بتقرأها كاملة عشان ميظهرش ليك إعلانات.
صلي الأول وبعدين تعالى أقرأ براحتك.
ڤوت وكومنت برأيك جزاك الله خيرًا.
_________________
- ناولني كدا يا عمرو الكحكاية دي.
شاور له عمرو عليها فهز محمد رأسه بموافقة، فأخذها وأعطاه له هاتفًا بحنية :
- اتفضل يا محمد، عاوز حاجة تانية يا كبير؟
نطق محمد وهو يتناول قطعة الكحك محركًا عيونه على الحلويات :
- لأ كفاية كدا بعد ما نتغدى بقى.
دهش أيان ورفع حاجبه باستنكار؛ فضحك نادر بقوة وشاركه مراد الذي كان يجلس على مضض منذ أن دخل.
- هو حضرتك يعني ناوي تمشي امتى؟
ذهل محمد وهتف وهو يشاور على نفسه :
- أنت بتكلمني أنا؟ أنا هاكل معاكم يا أيان، أكل العرسان في أول أسبوع بيبقى حلو قوي، وبعدين متحسسنيش أننا متقلين عليك؟ ده احنا حتى جينا لك بعد الفرح بتلات أيام ومرضناش نيجي من تاني يوم.
وافقه إسلام وكذلك نادر أما عمرو فهو يأكل من الحلويات دون أن يشترك معهم في الحديث، بينما هتف أيان بحنق :
- كتر خيركم والله.
لوح محمد بيده بحنق وهتف لعمرو وهو يمد يده :
- ناولني طبق الكحك بقى شكلي مش هتغدى ولا ايه!
نطق إسلام بعد وقت طويل من الصمت الغير معتاد عليه :
- شباب، أنا اللي عليا الدور بقى تفرحولي كدا وتركزوا معايا، عاوز كل كلامكم الفترة الجاية عن أنا بجهز نفسي لكتب كتاب إسلام، يوم كتب كتاب إسلام، بداية شهر اتنين ده كتب كتاب إسلام وهكذا بقى كل جملة تقولوها ألزقوا فيها كتب كتاب إسلام.
رفع عمرو يديه بحماس :
- اوعا، هكون خلصت امتحانات أوعا بقى!
استدار مراد بعيونه لعمرو متسائلًا بتوجس :
- عملت ايه في امتحان الفيزيا صحيح؟ مش كان بعد فرح أيان بيوم؟
أردف عمرو بلا اكتراث وهو يمد يده يلتقط قطعة من السابليه يأكلها بتلذذ :
YOU ARE READING
هاريكا
Non-Fictionمزيج من المغامرات المختلفة سواء مغامرة حقًا أو مجرد كلمة. " هــاريـكـا " بهدف الاستفادة وليس الاستمتاع فقط، بإذن الله تستفيد حتى لو ٥٠٪ معلومات دينية أو طبية. اقفل الواي فاي وأنت بتقرأ عشان منشليش ذنب الموسيقى اللي فيه وأي حاجة موجودة فيه عمومًا...
