هاريكا

" ٣١ "

استغفر ربك ...

متنساش تقفل الواي فاي لو بتقرأها كاملة عشان ميظهرش ليك إعلانات.

ڤوت وكومنت برأيك .. عزيزي.
_________________

" ازاي بنعرف أن البنت دي هي الشخص الصح اللي هقدر أكمل معاها طول حياتي؟؟
ازاي اقدر اختار شريكة حياتي؟ "

بعث مهند تلك الرسالة على تطبيق الصراحة إلى أيان لأنه يعلم أنه أكثر شخص مناسب كي يسأله هذا السؤال.

انتظر في الصفحة الشخصية له كثيرًا منتظرًا أن ينشر منشورًا ردًا فيه على سؤاله، ما إن رآى في تطبيق الصراحة أنه فتح أخيرًا ..
عاد إلى صفحته مرة أخرى منتظرًا المنشور بعد رؤيته لتلك الرسالة.

وبعد وقت ليس بالقليل رأى المنشور الخاص بأيان، والذي كتب فيه بكل حكمة يمتلكها.

" السؤال ده لسه جايلي، ازاي تختار شريكة حياتك؟
ازاي تعرف انك بتحب اصلا؟
مبدأيًا كدا هي هتيجي مرة واحدة كدا وأول ما تلمحها هتحس انك بتنسحب وانك بتجاهد عشان تغض بصرك عنها، لو بتشوفها في مكان معين في وقت محدد مثلا سيكشن .. محاضرة .. شغل، ولو في مرة مجتش هتحس أنك مش قادر تقعد ولا أنت على بعضك كدا لأنها مش موجودة.
لو اللغبطة دي كلها محصلتش ليك يبقى أنت محبتش.
ودلوقتي وأنت بتقرأ كلامي ده هتكون هي جت في بالك غصب عنك .. فاستغفر.

ثانيًا لو أنت حبيت فعلا مكنتش هتسأل السؤال ده لأن اللي بيحب بيبقى ثابت وعارف أنه وقع خلاص.

وفي الأخر ربنا يصلح ليك الحال ويريح قلبك وبالك ويلهمك الصواب بس متنساش انك لو روحت كلمتها فكدا حرام، متقولش بختبر مشاعري والكلام اللي ملهوش اي لازمة ده.
عاوز تكلمها تدخل البيت من بابه. "

أثناء قراءته لهذا المنشور تذكر نهى .. رقتها .. هدوءها الغالب على طبعها .. صوتها الهادىء بشدة، أغمض عيونه بقوة وهو يعود برأسه للخلف يستند على المقعد بإرهاق استولى عليه في الأونة الأخيرة.
_______________

- يعني ابنك عاوز يبيع مراثه من الأرض؟ يعني هو عاوز يورثني وأنا عايش؟ مش قولتوا مرة الكلام ده وموافقتش؟؟ بنعيده تاني ليه؟؟

صمتت لأنها تعلم أنه محق في كل كلمة ولكن هذا أيضًا ابنها وهي لا تريد أن تخذله فبالتأكيد يريد تلك الأموال في أمر هام، فابتلعت ريقها بتوجس وهتفت بنبرة هادئة حتى تقنعه :