استغفر ربك ..
عودًا حميدًا، وحشتوني.
متنساش تقفل الواي فاي لو بتقرأها كاملة عشان ميظهرش ليك إعلانات.
ڤوت وكومنت برأيك جزاك الله خيرًا.
__________________
" بس لو بصيت من ناحية هتلاقي أنه رد فعل طبيعي جدا منه، ولكن من ناحية تانية هتلاقي أنه يبان عيل جدا، فعشان كدا مينفعش نحكم على حد من جانب واحد لازم تشوف من الناحيتين وفي الحالة دي تحكم ولكنه مش هيبقى حكم قوي برده."
بعثها أيان لإسلام عبر تطبيق الواتساب، فجاءه رد إسلام السريع :
" حاسس انك عاوز تقول حاجة مهمة بس هي ايه بقى! والله العظيم ما فاهمها. "
ابتسم أيان رغمًا عنه وكتب رسالة أخرى ردًا عليه :
" كنت هستغرب لو فهمتها واتعاملت بجدية. "
ثم كتب رسالة أخرى ينبه بها لشيء مهم :
" عموما مش لازم تحلف على حاجة مش مستهله زي دي، لفظ الجلالة ميدخلش في الهزار يا إسلام، خلي بالك يا حبيبي عشان ممكن تحلف كذب في مرة بسبب كتر تكرارك للحلفان بدون أدنى سبب. "
نهض فجأة متجهًا إلى المطبخ بعد أن استمع لصوت هاجر تناديه لشيء ما، فوضع الهاتف في جيب بنطاله المنزلي تاركًا إسلام يحدث نفسه، فزوجته وحبيبته نادت له، هل يتركها ويحدث صديقه؟
بالطبع لا.
- نعم يا حبيبي.
أردف بها أيان عندما وصل إلى باب المطبخ واقترب منها متسائلًا بفضول عندما وجدها تحدق في فرن البوتجاز وهي تعقد حاجبيها بتركيز شديد :
- ايه يا حبيبتي هو البوتجاز فيه حاجة ولا ايه؟
رفعت هاجر بصرها له وهتفت بنفي وهي تتراجع للخلف تاركه له مساحة لكي يأتي مكانها :
- لأ يا أيوني بس خلي البوتجاز على درجة حرارة أقل من ١٨٠ كدا عشان بخاف أعمله أنا.
ابتسم أيان رغمًا عنه ثم قام بتعديله ووقف ينظر لها بتسائل :
- ها عاوزه حاجة تاني؟
هزت رأسها بخفة وهي تشير له بعيونها نحو الأطباق ببراءة دون أن تتفوه بحرف واحد، تابع أيان بصرها فابتسم بخفة ثم رفع حاجبه ممثلًا عدم الفهم :
- ايه يا هاجر عاوزه ايه؟
عبس وجهها وأشارت له مرة أخرى بعيونها ناحية الأطباق المرتفعة والتي لا تستطيع الوصول لها بسهولة :
- هاتها يا أيان بقى مترخمش!
ضحك أيان بخفة واقترب والتقط الطبق العميق قليلًا المناسب لعمل الكيك اللذيذ الذي تقوم هاجر بعمله وأعطاه لها هاتفًا بتريقة :
YOU ARE READING
هاريكا
No Ficciónمزيج من المغامرات المختلفة سواء مغامرة حقًا أو مجرد كلمة. " هــاريـكـا " بهدف الاستفادة وليس الاستمتاع فقط، بإذن الله تستفيد حتى لو ٥٠٪ معلومات دينية أو طبية. اقفل الواي فاي وأنت بتقرأ عشان منشليش ذنب الموسيقى اللي فيه وأي حاجة موجودة فيه عمومًا...
