Uni,
Mr.International (Part 10)
ဇေယျာကျော်၏ရက်လည်ပြီးသိပ်မကြာခင်ပဲ ဇာခြည်စိမ်းကိုဖမ်းမိသွားသည်မို့အားလုံးစိတ်အေးရသည်။
ဇေယျာကျော်က ဇာခြည်စိမ်းနဲ့လမ်းခွဲခဲ့သော်လည်း ဇာခြည်စိမ်းကလက်မခံပဲဆက်တွယ်ကပ်နေခဲ့ဆဲ။ သူဇေယျာကျော်ကိုသတ်လိုက်မိသည့်အကြောင်းကတော့ လမ်းခွဲမှုကိုလက်မခံနိုင်တာရယ် သ၀န်တိုတာရယ်ကြောင့်ဖြစ်သည်။
" မမ ပြန်တော့ ကျွန်တော်ပြောပြီးပြီ ကျွန်တော်တို့နှစ်ယောက်ဆက်မဖြစ်နိုင်ဘူး။ ဘယ်အချိန်ထိတွယ်ကပ်နေမှာလဲ။ "
"မင်း လမ်းခွဲချင်တိုင်း လွယ်လွယ်လမ်းခွဲလို့ရရောလား။"
" အစတည်းက ကျွန်တော်တို့နှစ်ယောက်ဆက်ဆံရေးကမမဘက်ကအတင်းလုပ်ယူခဲ့တာကြီးပဲ။ ကျွန်တော်မမလိုလူမျိုးကိုမကြိုက်ဘူး။ ပြန်ပါ အခုတလောမမ ကြောင့်အရမ်းစိတ်ညစ်ရတယ်။ ရှေ့ပွဲမှာဆိုလည်း စိတ်တွေလွတ်ပြီး အမှားတွေပါလုပ်မိလို့ ကိုတိုင်းအမြင်မကြည်တာပါခံနေရပြီ။"
ဇာခြည်စိမ်း၏မျက်နှာက တဖြေးဖြေးကြောက်စရာကောင်းလာပေမဲ့ ဇေယျာကျော်ကထပ်ပြောသည်။
" ကျေးဇူးပြုပြီး ကျွန်တော့်ကိုဆက်မရှုပ်ပါနဲ့တော့။ ကျွန်တော် ဘောလုံးကစားသမားကောင်းတစ်ယောက်ဖြစ်အောင်ကြိုးစားတော့မှာ။ ကျွန်တော်လေးစားသဘောကျရတဲ့ ကိုတိုင်းလိုမျိုးအောင်မြင်တဲ့ကစားသမားဖြစ်အောင်လုပ်မှာ။ လူတွေရော သူရောအသိအမှတ်ပြုလာကြတဲ့ ကစားသမားဖြစ်အောင်လုပ်ချင်တယ်။"
ဇာခြည်စိမ်းက ခပ်ခြောက်ခြောက်ရယ်သည်။
" မင်းကသူ့ဆီမှာ အရမ်းအကောင်းမြင်ခံချင်နေတာပေါ့။"
" တော်ပြီ မမရာ ပြန်တော့ ကျွန်တော်နားချင်တယ်။"
" မင်းသောက်ဖို့ တစ်ခုခုလုပ်ပေးမယ်။"
" မလိုဘူး မမသာပြန်လိုက်။"
" နောက်ဆုံးအနေနဲ့ လုပ်ပေးတယ်သဘောထားလိုက်ပါ။"
ဇေယျာကျော်က ခဏတွေဝေသွားကာ
" ဒီနေ့ပြီးရင် မမကျွန်တော့်ကိုထပ်မရှုပ်တော့ဘူးမလား။"
YOU ARE READING
Mr.International
RomanceOmegaverse(AOB World) fictionပါ။ ဇာမဏီတိုင်း(Mr.International)❤️ရှေးခရိုင် Start Date - 9.4.2024 End Date - ?
