Uni,
Mr.International (Part 26)
ရှေးခရိုင် မနက်ခင်းနိုးလာတော့ မနေ့ညကတိုင်းနဲ့အတူရှိနေသောနေရာတွင်မဟုတ်တော့ပဲ အပန်းဖြေစံအိမ်သို့ ပြန်ရောက်နေပြီဖြစ်သည်။
အခန်းအတွင်းဝေ့ဝိုက်ကြည့်လိုက်တော့ဘယ်သူမှရှိမနေပေ။
ထို့ကြောင့်ချက်ချင်းမထတော့ပဲ မနေ့ညကကိစ္စတွေ သူ့ခေါင်းထဲပြန်ရောက်လာသည်။
"လွန်ခဲ့တဲ့၅နှစ်ကAlpha ကတကယ်ကြီး ဇာမဏီတိုင်းဖြစ်နေတာပဲ။
ဟိုတစ်ခါတုန်းက ရွှေရောင်မျက်လုံးချင်းတူတယ်ထင်တာကို ငါ့ဘာသာလျှောက်တွေးနေတယ်ထင်နေခဲ့တာ။ "
ရှေးခရိုင်မှာ သူ့ဘာသာပြောရင်း ပြုံးလိုက်မိသည်။ လွန်ခဲ့သော၅နှစ်က အချစ်ညလေးကိုသေချာတိတိကျကျမမှတ်မိခဲ့ပေမဲ့ မနေ့ကအချစ်ညလေးကိုတော့ ဇာမဏီတိုင်း၏ကြိုးစားမှုကြောင့် ရှင်းရှင်းလင်းလင်းမှတ်မိနေသည်။
ပြန်တွေးရင်း ပြုံးနေမိသည့် သူ့ကိုယ်သူသတိထားမိသွားတာကြောင့်
ရှေးခရိုင် အပြံုးေတွအရှိန်ပြန်သတ်ရင်း သူ့ပါးသူခပ်ဖွဖွရိုက်သည်။
" ဘာလို့ပြုံးနေရတာလဲ ။ ပြုံးနေရမဲ့အချိန်မဟုတ်ဘူးလေ။
တိုင်းနဲ့တွေ့ရင်ဘာပြောရမလဲစဥ်းစားရမဲ့ဟာ..."
သူ့ဘာသာသတိပေးရင်း ထရန်ပြင်တုန်း ဇာမဏီတိုင်းကအခန်းထဲဝင်လာသည်။
" နိုးနေပြီလား ။ နိုးရင်လည်း ထပြီးမနက်စာဘာညာစားလေ။"
ရှေးခရိုင်က ကုတင်ဘေးကမျက်မှန်ကိုယူကာတပ်လိုက်ပြီး...
"အခုမှနိုးတာပါ။ မင်းငါ့ကိုပွေ့ချီပြီး ဒီပြန်ခေါ်လာတာလားဟင်။"
ဇာမဏီတိုင်းကရုပ်တည်ကြီးဖြင့် ရွဲ့ပြောသည်။
" ဟင့်အင်း တရွတ်တိုက်ဆွဲခေါ်လာတာ။"
" ဟင်...အင်း..အင်း ကျေးဇူးပါ။"
" ဒါပေါ့ ကျေးဇူးတင်သင့်တာပေါ့။ ခင်ဗျားတုန်းကလို အအေးပတ်သေချင်သေဆိုပြီး မထားခဲ့ဘူးလေ။"
" ဘာကိုပြောတာလဲဟင်..."
ဇာမဏီတိုင်းက သူ့ေရွှရောင် မျက်လုံးတွေကိုကျဥ်းမြောင်းလျက် ရှေးခရိုင်ကိုကြည့်သည်။
" လွန်ခဲ့တဲ့ ၅နှစ်တုန်းက ကမ်းခြေမှာ ခင်ဗျားကျွန်တော့်ကိုတစ်ယောက်တည်းပစ်ထားပြီးထွက်ပြေးသွားတာလေ။ "
YOU ARE READING
Mr.International
RomanceOmegaverse(AOB World) fictionပါ။ ဇာမဏီတိုင်း(Mr.International)❤️ရှေးခရိုင် Start Date - 9.4.2024 End Date - ?
